TITUS
Biblia Udica, Versio Nizhensis: Vetus Testamentum
Part No. 267
Previous part

Chapter: 137 

137-ǯi ω͑vel mä͑ġ
137-ci Ǐvel mə̌ğ


Verse: 1    Ṭiya, Vavilona * bakaṭan,
   T'iya, Vavilona * bakat'an,
    Oqe börine arci o͑neyanney yan Siona * eyex badaṭan,
    Oqe börine arśi ǒneyanney yan Siona * eyex badat'an,

Verse: 2    Beši arfoġoxun säs tene č̣eysay ene,
   Beşi arfoğoxun səs tene c'eysay ene,
    Exṭi söyüdnä xodurxoy loxolyan suruḳṗey šoṭoġo.
    Ext'i söyüdnə xodurxoy loxolyan suruk'p'ey şot'oğo.

Verse: 3    Yax äsir biq̇i tašeriṭoġon yaxun mä͑ġṭun čuresay,
   Yax əsir biq'i taşerit'oğon yaxun mə̌ğt'un çuresay,
    Yax zülüm tadalṭoġon ičoġoy üḳq̇an qayeci pi
    Yax zülüm tadalt'oğon içoğoy ük'q'an qayeśi pi
    "Ṭe Sioni mä͑ġurxoxun sunṭu mä͑ġpanan" nexṭuniy.
    "T'e Sioni mə̌ğurxoxun sunt'u mə̌ğpanan" next'uniy.

Verse: 4    P̣oy hetäryan mä͑ġḳon yan Q̣ONǮUĠOYNAḲ bakala mä͑ġurxo
   P'oy hetəryan mə̌ğk'on yan Q'ONCUĞOYNAK' bakala mə̌ğurxo
    Me buxaʒ́uxsuzṭoġoy ölkinä?
    Me buxačuxsuzt'oğoy ölkinə?

Verse: 5    Bez yön kulq̇an q̇aribaki, ay Yerusalim,
   Bez yön kulq'an q'aribaki, ay Yerusalim,
    Ägär va eyexun č̣evḳayiz.
    Əgər va eyexun c'evk'ayiz.

Verse: 6    Bezi muzq̇an lalbaki ägär va eyexun č̣evḳayiz,
   Bezi muzq'an lalbaki əgər va eyexun c'evk'ayiz,
    Ägär Yerusalim bezi än kala mu͑qluġ tenesa.
    Əgər Yerusalim bezi ən kala mǔqluğ tenesa.

Verse: 7    Edomluġoy biṭoġo Vi eyex bada, ay Q̣ONƷ́UX,
   Edomluğoy bit'oğo Vi eyex bada, ay Q'ONČUX,
    Eyexun ma č̣evḳa vavilonluġon Yerusalima ičoġoy kiyel badaṭan šoṭoġoy piṭoġo:
    Eyexun ma c'evk'a vavilonluğon Yerusalima içoğoy kiyel badat'an şot'oğoy pit'oğo:
    "Carpanan koṭo, carpi oćalen sabanan".
    "Üarpanan kot'o, śarpi oç̌alen sabanan".

Verse: 8    Ay vavilonluyox, * ġi tenan aḳal vä͑n,
   Ay vavilonluyox, * ği tenan ak'al və̌n,
    Xeyir-bäräkät haq̇ale efi yax zapesṭiṭu vä͑x zapesṭalṭin!
    Xeyir-bərəkət haq'ale efi yax zapest'it'u və̌x zapest'alt'in!

Verse: 9    Xeyir-bäräkät haq̇i bakale efi körpoġo exṭi źe͑na duġi carḳalṭin!
   Xeyir-bərəkət haq'i bakale efi körpoğo ext'i ǰěna duği śark'alt'in!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.