TITUS
Biblia Udica, Versio Nizhensis: Vetus Testamentum
Part No. 228
Previous part

Chapter: 98 

98-ǯi ω͑vel mä͑ġ
98-ci Ǐvel mə̌ğ



Sa ω͑vel mä͑ġ
Sa Ǐvel mə̌ğ


Verse: 1    Täzä sa mä͑ġ mä͑ġpanan Q̣ONƷ́UĠOYNAḲ,
   Təzə sa mə̌ğ mə̌ğpanan Q'ONČUĞOYNAK',
    Nu aḳeci äšur biq̇iyone Šo!
    Nu ak'eśi əşur biq'iyone Şo!
    Iz kiyexun här šeye ayesa,
    İz kiyexun hər şeye ayesa,
    Šuḳḳalasṭa nu bakala zorene q̇azayinšbsa Šoṭin q̇äläbinä. *
    Şuk'k'alast'a nu bakala zorene q'azayinşbsa Şot'in q'ələbinə. *

Verse: 2    Iču nu čalxalṭoġone Izi turin oq̇a laxi Q̣ONƷ́UĠON,
   İçu nu çalxalt'oğone İzi turin oq'a laxi Q'ONČUĞON,
    Izi düzgünluġane aḳesṭi azuḳxo!
    İzi düzgünluğane ak'est'i azuk'xo!

Verse: 3    Kamtenebi Šoṭin israilluġoxun Izi nu badalbakala čuresuna,
   Kamtenebi Şot'in israilluğoxun İzi nu badalbakala çuresuna,
    Iz tadi äyiti loxol čurepi.
    İz tadi əyiti loxol çurepi.
    Dünyäni biṗ ṭo͑ġenal aneḳi beši Buxaʒ́uġon yaynaḳ ečala čarḳesuna.
    Dünyəni bip' t'ǒğenal anek'i beşi Buxačuğon yaynak' eçala çark'esuna.

Verse: 4    Mu͑q säsur č̣evḳanan Q̣ONƷ́UĠOYNAḲ, ay dünyäne bakalorox bito,
   Mǔq səsur c'evk'anan Q'ONČUĞOYNAK', ay dünyəne bakalorox bito,
    Farpi äčipanan, bartanan ef üḳq̇an qayeci!
    Farpi əçipanan, bartanan ef ük'q'an qayeśi!

Verse: 5    Arfa farpi Q̣ONƷ́UĠO tärifläyinšanan,
   Arfa farpi Q'ONČUĞO tərifləyinşanan,
    Arfin faren mä͑ġpi tärifläyinšanan Šoṭo!
    Arfin faren mə̌ğpi tərifləyinşanan Şot'o!

Verse: 6    Šeyṗur q̇a zurna farpanan Q̣ONƷ́UĠOYNAḲ,
   Şeyp'ur q'a zurna farpanan Q'ONČUĞOYNAK',
    Mu͑q säsur č̣evḳanan yaynaḳ Padčaġ bakalṭaynaḳ!
    Mǔq səsur c'evk'anan yaynak' Padçağ bakalt'aynak'!

Verse: 7    Mu͑q säsur č̣evḳanan, ay däniz q̇a iz boš bakalorox bito!
   Mǔq səsur c'evk'anan, ay dəniz q'a iz boş bakalorox bito!
    Barta dünyänenal muz qaypi bito amdarxoxun sagala mä͑ġq̇anpi.
    Barta dünyənenal muz qaypi bito amdarxoxun sagala mə̌ğq'anpi.

Verse: 8    Barta oqurxonq̇an iz ganuxun hayzeri čäpibi,
   Barta oqurxonq'an iz ganuxun hayzeri çəpibi,
    Buruxmuġonq̇an äčipi mu͑qexun!
    Buruxmuğonq'an əçipi mǔqexun!

Verse: 9    Šoṭo görä ki, mone, enesa Q̣ONƷ́UX me dünyänä düzgün divanbseynaḳ,
   Şot'o görə ki, mone, enesa Q'ONČUX me dünyənə düzgün divanbseynak',
    Bito azuḳxoy loxol sa piin be͑ġi
    Bito azuk'xoy loxol sa piin běği
    Šoṭoġoynaḳ düzgün q̇ärar č̣evkseynaḳe eysa.
    Şot'oğoynak' düzgün q'ərar c'evkseynak'e eysa.
    Aḳesṭa vi mu͑qluġa, ay dünyä!
    Ak'est'a vi mǔqluğa, ay dünyə!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.