TITUS
Biblia Udica, Versio Nizhensis: Vetus Testamentum
Part No. 227
Previous part

Chapter: 97 

97-ǯi ω͑vel mä͑ġ
97-ci Ǐvel mə̌ğ


Verse: 1    Q̣ONƷ́UXE me dünyäni loxol kalaluġbalo!
   Q'ONČUXE me dünyəni loxol kalaluğbalo!
    Barta amdarxoy bito mu͑qbakeq̇an,
    Barta amdarxoy bito mǔqbakeq'an,
    Barta dünyäni lap ośel bakalṭoġonal ičoġoy mu͑qluġa aḳesṭeq̇an!
    Barta dünyəni lap ošel bakalt'oğonal içoğoy mǔqluğa ak'est'eq'an!

Verse: 2    Boću asoyen iču č̣aṗbi be͑ġ ḳinäḳe Buxaʒ́ux,
   Boç̌u asoyen içu c'ap'bi běğ k'inək'e Buxačux,
    Iču zülmät bayinq̇luġen bäč̣ürpi sa gür išiġ ḳinäḳe.
    İçu zülmət bayinq'luğen bəc'ürpi sa gür işiğ k'inək'e.
    Düzgünluġen q̇a düzgün divanbsunene ä͑lece Šoṭay taxṭ.
    Düzgünluğen q'a düzgün divanbsunene ə̌leśe Şot'ay taxt'.

Verse: 3    Bäč̣üḳeci boḳala arux ḳinäḳe Šo,
   Bəc'ük'eśi bok'ala arux k'inək'e Şo,
    Boḳosṗi cineḳon Šoṭin Iz be͑ś č̣eġala düšmänä.
    Bok'osp'i śinek'on Şot'in İz běš c'eğala düşmənə.

Verse: 4    Dirisṭ dünyänäne duġsa Šoṭay yaq̇abala c̣ä͑q̇en,
   Dirist' dünyənəne duğsa Şot'ay yaq'abala s'ə̌q'en,
    Oćala q̇a iz loxol bakalṭoġoy pulane haq̇sa ṭe c̣ä͑q̇e sakala išiġen.
    Oç̌ala q'a iz loxol bakalt'oğoy pulane haq'sa t'e s'ə̌q'e sakala işiğen.

Verse: 5    Buruxmuxe mom ḳinäḳ xebaksa Q̣ONƷ́UĠOY be͑ś,
   Buruxmuxe mom k'inək' xebaksa Q'ONČUĞOY běš,
    Dirisṭ dünyäni kalo bakala Q̣onʒ́uġoy be͑ś!
    Dirist' dünyəni kalo bakala Q'ončuğoy běš!

Verse: 6    Göyurxone Šoṭay düzgünluġa bayanbsa,
   Göyurxone Şot'ay düzgünluğa bayanbsa,
    Bito azuḳxone Šoṭay kalaluġa aksa.
    Bito azuk'xone Şot'ay kalaluğa aksa.

Verse: 7    Oṭṗanan, ay biniḳ buxaʒ́uxxo bul ḳoc̣bi
   Ot'p'anan, ay binik' buxačuxxo bul k'os'bi
    Šoṭoġoxun färäxläyinšakalxo!
    Şot'oğoxun fərəxləyinşakalxo!
    Q̣ONƷ́UĠO bul ḳoc̣banan, ay buxaʒ́uxxoy bito!
    Q'ONČUĞO bul k'os'banan, ay buxačuxxoy bito!

Verse: 8    Vi düzgün divanbi düzgün q̇ärar č̣evksuna ibaki Sione mu͑qbaki,
   Vi düzgün divanbi düzgün q'ərar c'evksuna ibaki Sione mǔqbaki,
    Iudeyina bakala šähärmoġoy üḳe qayeci, ay Q̣ONƷ́UX. *
    İudeyina bakala şəhərmoğoy ük'e qayeśi, ay Q'ONČUX. *

Verse: 9    Šoṭo görä ki, Hun dirisṭ dünyäni loxol padčaġluġbalo, Ala Arciyonu,
   Şot'o görə ki, Hun dirist' dünyəni loxol padçağluğbalo, Ala Arśiyonu,
    Bito buxaʒ́uxxoxun üsṭün bakalonu, ay Q̣ONƷ́UX.
    Bito buxačuxxoxun üst'ün bakalonu, ay Q'ONČUX.

Verse: 10    Šäräxun ä͑xil bakanan, ay Q̣ONƷ́UĠOY yaq̇en taġalorox,
   Şərəxun ə̌xil bakanan, ay Q'ONČUĞOY yaq'en tağalorox,
    Izi äyitäxun nu č̣eġalṭoġoy elmoġone q̇orišon Šoṭin,
    İzi əyitəxun nu c'eğalt'oğoy elmoğone q'orişon Şot'in,
    Zaləmxoy kiyexune čarḳesṭon.
    Zalımxoy kiyexune çark'est'on.

Verse: 11    Išiġaṭun č̣eġon düzgünorox,
   İşiğat'un c'eğon düzgünorox,
    Mu͑qluġe eġon üḳ tämizṭoġoynaḳ.
    Mǔqluğe eğon ük' təmizt'oğoynak'.

Verse: 12    Ef mu͑qluġa Q̣ONƷ́UĠOSṬA aḳanan, ay düzgünorox,
   Ef mǔqluğa Q'ONČUĞOST'A ak'anan, ay düzgünorox,
    Šoṭay ə͑velluġa ef muzel ečeri šükürbanan!
    Şot'ay ı̌velluğa ef muzel eçeri şükürbanan!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.