TITUS
Biblia Udica, Versio Nizhensis: Vetus Testamentum
Part No. 229
Previous part

Chapter: 99 

99-ǯi ω͑vel mä͑ġ
99-ci Ǐvel mə̌ğ


Verse: 1    Q̣ONƷ́UXE me dünyäne padčaġluġbalo,
   Q'ONČUXE me dünyəne padçağluğbalo,
    Q̣ə͑beq̇an barta azuḳxon!
    Q'ı̌beq'an barta azuk'xon!
    Angelxoy arane arciyone Šo,
    Angelxoy arane arśiyone Şo,
    Źə͑ḳeceq̇an barta oćal! *
    J̌ı̌k'eśeq'an barta oç̌al! *

Verse: 2    Siona * bakala Q̣ONƷ́UX kalane,
   Siona * bakala Q'ONČUX kalane,
    Bito azuḳxoy loxol kalaluġbalone Šo.
    Bito azuk'xoy loxol kalaluğbalone Şo.

Verse: 3    Ṭuṭupeq̇aṭun barta Vi c̣iye kalaluġi be͑ś,
   T'ut'upeq'at'un barta Vi s'iye kalaluği běš,
    Mä͑ġpi alabeq̇aṭun barta šoṭo,
    Mə̌ğpi alabeq'at'un barta şot'o,
    ω͑vel bakalonu Hun!
    Ǐvel bakalonu Hun!

Verse: 4    Zorba Padčaġnu Hun, düzgünluġi binorina laxiyonu!
   Zorba Padçağnu Hun, düzgünluği binorina laxiyonu!
    Iaḳovi näsilä bitoṭay loxol sa piin be͑ġsun,
    İak'ovi nəsilə bitot'ay loxol sa piin běğsun,
    Düz yaq̇en taysun ḳä baksuna aḳesṭiyonu Hun!
    Düz yaq'en taysun k'ə baksuna ak'est'iyonu Hun!

Verse: 5    Beš Buxaʒ́ux bakala Q̣ONƷ́UĠOY c̣iya alabanan,
   Beş Buxačux bakala Q'ONČUĞOY s'iya alabanan,
    Šoṭay turin oq̇a biti bul ḳoc̣banan,
    Şot'ay turin oq'a biti bul k'os'banan,
    ω͑vel bakalone Šo!
    Ǐvel bakalone Şo!

Verse: 6    Moisey q̇a Aarone bake Šoṭo q̇ulluġbala be͑yinśxoy boš,
   Moisey q'a Aarone bake Şot'o q'ulluğbala běyinšxoy boş,
    Šamuelenal Šoṭay c̣iya duġine afərəpe,
    Şamuelenal Şot'ay s'iya duğine afırıpe,
    Q̣ONƷ́UĠOṬUN ḳalpi xoyinśṗe šoṭoġon,
    Q'ONČUĞOT'UN k'alpi xoyinšp'e şot'oğon,
    Šoṭinal ǯoġabsuz tene efe šoṭoġo.
    Şot'inal coğabsuz tene efe şot'oğo.

Verse: 7    Sütün ḳinäḳ bakala asoyi bošṭane äyitey šoṭoġoxun, *
   Sütün k'inək' bakala asoyi boşt'ane əyitey şot'oğoxun, *
    Ämälṭunbsay Buxaʒ́uġoy bürüšiṭoġo šoṭoġon,
    Əməlt'unbsay Buxačuğoy bürüşit'oğo şot'oğon,
    Šoṭay äyitäxun teṭun č̣eysay.
    Şot'ay əyitəxun tet'un c'eysay.

Verse: 8    Inbaksay Hunal šoṭoġoy xoyinśa,
   İnbaksay Hunal şot'oğoy xoyinša,
    Ay beši Buxaʒ́ux bakala Q̣ONƷ́UX.
    Ay beşi Buxačux bakala Q'ONČUX.
    Ičoġoy äšṗesṭi günaxi ǯazina zapesaldayin,
    İçoğoy əşp'est'i günaxi cazina zapesaldayin,
    Baġəšlayinšala Buxaʒ́uxen baksay Hun israilluġoynaḳ.
    Bağışlayinşala Buxačuxen baksay Hun israilluğoynak'.

Verse: 9    Beši Buxaʒ́ux bakala Q̣ONƷ́UĠOY c̣iya alabanan,
   Beşi Buxačux bakala Q'ONČUĞOY s'iya alabanan,
    Bul ḳoc̣banan Q̣ONƷ́UĠO Izi mäsḳän saki ə͑vel buruġo,
    Bul k'os'banan Q'ONČUĞO İzi məsk'ən saki ı̌vel buruğo,
    ω͑vel bakala Buxaʒ́uxe Šo!
    Ǐvel bakala Buxačuxe Şo!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.