TITUS
Biblia Udica, Versio Nizhensis: Vetus Testamentum
Part No. 224
Previous part

Chapter: 94 

94-ǯi ω͑vel mä͑ġ
94-ci Ǐvel mə̌ğ


Verse: 1    Ay Q̣ONƷ́UX, ay häyif haq̇ala Buxaʒ́ux,
   Ay Q'ONČUX, ay həyif haq'ala Buxačux,
    Vi äǯuġoy ḳä baksuna aḳesṭa, ay häyif haq̇ala Buxaʒ́ux!
    Vi əcuğoy k'ə baksuna ak'est'a, ay həyif haq'ala Buxačux!

Verse: 2    Hayza, ay me dünyäni Divanbal,
   Hayza, ay me dünyəni Divanbal,
    Va hiḳḳal bi ičoġo bitoṭuxun üsṭün laxiṭoġoy paya tada!
    Va hik'k'al bi içoğo bitot'uxun üst'ün laxit'oğoy paya tada!

Verse: 3    Ay Q̣ONƷ́UX, hevaxṭal ciriḳ,
   Ay Q'ONČUX, hevaxt'al śirik',
    Axəri hevaxṭal ciriḳ pisṭoġoy uḳalo bakale?
    Axıri hevaxt'al śirik' pist'oğoy uk'alo bakale?

Verse: 4    Ičoġoy äyiti bul lovġalayinšaksune,
   İçoğoy əyiti bul lovğalayinşaksune,
    Šär äšur biq̇i hälä moṭo piyelal baṭunsṭa šoṭoġon.
    Şər əşur biq'i hələ mot'o piyelal bat'unst'a şot'oğon.

Verse: 5    Ćaxćuxṗi č̣ovaṭunksa Vi azuḳa,
   Ç̌axç̌uxp'i c'ovat'unksa Vi azuk'a,
    Hiḳḳali galaṭun laxsa Vi č̣äḳṗiyorox bakalṭoġo.
    Hik'k'ali galat'un laxsa Vi c'ək'p'iyorox bakalt'oğo.

Verse: 6    Süpür čupuxxo q̇a beš ölkinä bakala q̇äribxoṭun bespsa,
   Süpür çupuxxo q'a beş ölkinə bakala q'əribxot'un bespsa,
    Yetimxoy elmoġoṭun haq̇sa.
    Yetimxoy elmoğot'un haq'sa.

Verse: 7    Ičoġoy üḳe boš "ateneksa Q̣ONƷ́UĠON,
   İçoğoy ük'e boş "ateneksa Q'ONČUĞON,
    Fikir tene tasṭa israilluġoy Buxaʒ́uġon" nexṭun.
    Fikir tene tast'a israilluğoy Buxačuğon" next'un.

Verse: 8    Ef haq̇əla ef bel topṗanan, ay axmaġxo!
   Ef haq'ıla ef bel topp'anan, ay axmağxo!
    Ef pulmux hevaxṭ qayeġale, ay q̇ammazxo?
    Ef pulmux hevaxt' qayeğale, ay q'ammazxo?

Verse: 9    Hetäre bakon ki, vä͑x ibakseynaḳ u͑mu͑x tadiṭin Ičin nu ibakane?
   Hetəre bakon ki, və̌x ibakseynak' ǔmǔx tadit'in İçin nu ibakane?
    Nääl vä͑x pul tadiṭay piyexun ḳänesa aćane?
    Nəəl və̌x pul tadit'ay piyexun k'ənesa aç̌ane?

Verse: 10    Azuḳxoy ǯazina tadalṭin ef biq̇i äšurxo nu aksuna lanexon ki?
   Azuk'xoy cazina tadalt'in ef biq'i əşurxo nu aksuna lanexon ki?
    Amdarxo zombi düz yaq̇a laxalṭin efi mani yaq̇en taysuna tene aḳon ki?
    Amdarxo zombi düz yaq'a laxalt'in efi mani yaq'en taysuna tene ak'on ki?

Verse: 11    Axəri avane Šoṭin amdarxoy beyne bakala fikirxo bitova,
   Axıri avane Şot'in amdarxoy beyne bakala fikirxo bitova,
    Moṭoġoy bito amc̣i, puč sa šey baksuna.
    Mot'oğoy bito ams'i, puç sa şey baksuna.

Verse: 12    Bäxṭäväre, ay Q̣ONǮUX, iču düz yaq̇en taysuna Hun zombala amdar,
   Bəxt'əvəre, ay Q'ONCUX, içu düz yaq'en taysuna Hun zombala amdar,
    Vi ḳanunxo Hun iču aḳesṭala amdar!
    Vi k'anunxo Hun içu ak'est'ala amdar!

Verse: 13    Metärṭay üḳäl arxayine bakon iz ṭar ġine,
   Metərt'ay ük'əl arxayine bakon iz t'ar ğine,
    Pisṭoġo Vi ǯaza hälä nu hari ṗaṗi ṭe vädine!
    Pist'oğo Vi caza hələ nu hari p'ap'i t'e vədine!

Verse: 14    Boteneson Q̣ONƷ́UĠON Iz azuḳa,
   Boteneson Q'ONČUĞON İz azuk'a,
    Iz č̣äḳṗiyorox bakalṭoġo täk barteneḳon.
    İz c'ək'p'iyorox bakalt'oğo tək bartenek'on.

Verse: 15    Bitoṭay loxol sa piin be͑ġeġala vädä eġale ṗurum,
   Bitot'ay loxol sa piin běğeğala vədə eğale p'urum,
    Düzgün q̇ärar tadeġale bitoṭaynaḳ,
    Düzgün q'ərar tadeğale bitot'aynak',
    Düz yaq̇en taġalṭoġonal ämälbalṭun moṭoġoy bitova.
    Düz yaq'en tağalt'oğonal əməlbalt'un mot'oğoy bitova.

Verse: 16    Šuva pisṭoġoy be͑ś č̣eri bez täräf čurpes bakoy?
   Şuva pist'oğoy běš c'eri bez tərəf çurpes bakoy?
    Me šär bakalṭoġoy loxol taci šuva zaynaḳ bać̣an bakes bakoy?
    Me şər bakalt'oğoy loxol taśi şuva zaynak' bač'an bakes bakoy?

Verse: 17    Ägär Q̣ONǮUĠON bez kiyexun nu biq̇iyniy,
   Əgər Q'ONCUĞON bez kiyexun nu biq'iyniy,
    Isä zu ṭe dünyänezuy.
    İsə zu t'e dünyənezuy.

Verse: 18    Bez tur lamandaṭan za kul boxodiyo,
   Bez tur lamandat'an za kul boxodiyo,
    Za Vi nu badalbakala čuresuna aḳesṭiyonu Hun, ay Q̣ONƷ́UX,
    Za Vi nu badalbakala çuresuna ak'est'iyonu Hun, ay Q'ONČUX,

Verse: 19    Därdurxon za haq̇layinšiyal bakayin,
   Dərdurxon za haq'layinşiyal bakayin,
    Za üḳ tadi mu͑qṭalonu Hun.
    Za ük' tadi mǔqt'alonu Hun.

Verse: 20    Bitoṭay loxol sa piin nu be͑ġi
   Bitot'ay loxol sa piin nu běği
    Düzgün nu divanbala kalaluġbalxoy täräf ten čurḳon Hun.
    Düzgün nu divanbala kalaluğbalxoy tərəf ten çurk'on Hun.

Verse: 21    Be͑ġa hetärṭun düzgünṭay loxol taysa,
   Běğa hetərt'un düzgünt'ay loxol taysa,
    Taxsərsuzṭaynaḳ q̇ärar č̣evḳi
    Taxsırsuzt'aynak' q'ərar c'evk'i
    Šoṭay elmoġo haq̇sun čuresa!
    Şot'ay elmoğo haq'sun çuresa!

Verse: 22    Ama zaynaḳ sa q̇alane baki Q̣ONƷ́UX,
   Ama zaynak' sa q'alane baki Q'ONČUX,
    Bez bać̣anene čurpi bez Buxaʒ́ux!
    Bez bač'anene çurpi bez Buxačux!

Verse: 23    Ičoġoy o͑yne barale šoṭoġoy bi bito pisluġxo!
   İçoğoy ǒyne barale şot'oğoy bi bito pisluğxo!
    Äfčibale šoṭoġo beši Buxaʒ́uġon ičoġoy biq̇i šär äšurxo görä,
    Əfçibale şot'oğo beşi Buxačuğon içoğoy biq'i şər əşurxo görə,
    Äfčibale šoṭoġo Q̣ONƷ́UĠON!
    Əfçibale şot'oğo Q'ONČUĞON!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.