TITUS
Biblia Udica, Versio Nizhensis: Vetus Testamentum
Part No. 225
Previous part

Chapter: 95 

95-ǯi ω͑vel mä͑ġ
95-ci Ǐvel mə̌ğ


Verse: 1    Ekinan mä͑ġpi Q̣ONƷ́UĠOY c̣iya alaben,
   Ekinan mə̌ğpi Q'ONČUĞOY s'iya alaben,
    Mu͑q säsur č̣evḳi yaynaḳ čarḳesṭala sa q̇aya Bakalṭu alxəšṗen!
    Mǔq səsur c'evk'i yaynak' çark'est'ala sa q'aya Bakalt'u alxışp'en!

Verse: 2    Šoṭay bakala gala šükürbsun baġen,
   Şot'ay bakala gala şükürbsun bağen,
    Tärifbala mä͑ġurq̇an č̣eri beši źomoxun barta!
    Tərifbala mə̌ğurq'an c'eri beşi ǰomoxun barta!

Verse: 3    Šoṭo görä ki, Q̣ONƷ́UX bitoṭuxun üsṭün bakala Buxaʒ́uxe,
   Şot'o görə ki, Q'ONČUX bitot'uxun üst'ün bakala Buxačuxe,
    Bito buxaʒ́uxxoy loxol kala Padčaġ bakalone Šo.
    Bito buxačuxxoy loxol kala Padçağ bakalone Şo.

Verse: 4    Oćali oq̇a bakala än bä͑ġä͑loy ganxoval Šoṭay kiyele,
   Oç̌ali oq'a bakala ən bə̌ğə̌loy ganxoval Şot'ay kiyele,
    Oćali ćoye bakala buruxmoġoy bulurxoval!
    Oç̌ali ç̌oye bakala buruxmoğoy bulurxoval!

Verse: 5    Dänizxoval Šoṭaye, axəri Ičine yaraṭmiše šoṭoġo,
   Dənizxoval Şot'aye, axıri İçine yarat'mişe şot'oğo,
    Q̣ariluġal Šoṭaye - Iz kiine düzbe šoṭoġo!
    Q'ariluğal Şot'aye - İz kiine düzbe şot'oğo!

Verse: 6    Isä ekinan Iz be͑ś biti bul ḳoc̣ben,
   İsə ekinan İz běš biti bul k'os'ben,
    Yax yaratmiši Q̣ONƷ́UĠOY be͑ś diz čökṭen.
    Yax yaratmişi Q'ONČUĞOY běš diz çökt'en.

Verse: 7    Beši Buxaʒ́uxe Šo,
   Beşi Buxačuxe Şo,
    Yaynaḳ Čoban baki yax be͑ġalone,
    Yaynak' Çoban baki yax běğalone,
    Yanal Šoṭay be͑ġi bäsläyinšala sa sürü,
    Yanal Şot'ay běği bəsləyinşala sa sürü,
    Šoṭay kul iz loxol bakala sa azuḳ.
    Şot'ay kul iz loxol bakala sa azuk'.
   \ Ġe šoṭay säsä ibakaṭan
   \ Ğe şot'ay səsə ibakat'an

Verse: 8    Merivina bakiṭullariḳ inadkär ma bakanan!
   Merivina bakit'ullarik' inadkər ma bakanan!
    Massina, ṭe amc̣i oćala *
    Massina, t'e ams'i oç̌ala *

Verse: 9    Efi bavoġon Bezi biṭoġo ičoġoy piin aḳiyal bakayṭun,
   Efi bavoğon Bezi bit'oğo içoğoy piin ak'iyal bakayt'un,
    P̣urumal Zaxun šüpäläyinšṭunbaki,
    P'urumal Zaxun şüpələyinşt'unbaki,
    Bezi ičoġoxun baki nu baksunaṭun yoxlayinšbsun čureci!
    Bezi içoğoxun baki nu baksunat'un yoxlayinşbsun çureśi!

Verse: 10    Q̣ərx usen šoṭoġoy loxol tez be͑ġi Zu,
   Q'ırx usen şot'oğoy loxol tez běği Zu,
    Iz yaq̇a aćesṗi, düz yaq̇a č̣eysun nu čureġala ṭe näsiläxun Bez ćoya tarazdi!
    İz yaq'a aç̌esp'i, düz yaq'a c'eysun nu çureğala t'e nəsiləxun Bez ç̌oya tarazdi!

Verse: 11    Äǯuġon biq̇iyal
   Əcuğon biq'iyal
    "Bezi šoṭoġoynaḳ häzirbi ṭe irääṭluġa tur ṭeṭun ćaxḳal šoṭoġon" pi elasezpi Zu! *
    "Bezi şot'oğoynak' həzirbi t'e irəət'luğa tur t'et'un ç̌axk'al şot'oğon" pi elasezpi Zu! *



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.