TITUS
Biblia Udica, Versio Nizhensis: Vetus Testamentum
Part No. 213
Previous part

Chapter: 83 

83-ǯi ω͑vel mä͑ġ
83-ci Ǐvel mə̌ğ



Asafi ω͑vel mä͑ġ.
Asafi Ǐvel mə̌ğ.


Verse: 1    Ay Buxaʒ́ux, šiṗ ma čurpa,
   Ay Buxačux, şip' ma çurpa,
    Vi säsä č̣evḳa!
    Vi səsə c'evk'a!
    Va ṭo͑o͑x ma duġa, ay Buxaʒ́ux!
    Va t'ǒǒx ma duğa, ay Buxačux!

Verse: 2    Be͑ġa Vi düšmänxo hetärṭun e͑qece,
   Běğa Vi düşmənxo hetərt'un ěqeśe,
    Be͑ġa Va nifrätbalṭoġoy muz hetäre Vi loxol č̣eysa!
    Běğa Va nifrətbalt'oğoy muz hetəre Vi loxol c'eysa!

Verse: 3    Gireci Vi azuḳi äleyinä äyitäṭun sabsa,
   Gireśi Vi azuk'i əleyinə əyitət'un sabsa,
    Vi piin išiġ bakalṭoġoy turin oq̇axunṭun kaśe.
    Vi piin işiğ bakalt'oğoy turin oq'axunt'un kaše.

Verse: 4    "Tumexun äfčibalyan me azuḳa,
   "Tumexun əfçibalyan me azuk'a,
    C̣i batḳale millätxoy aranexun israilluġoy" nexṭun.
    S'i batk'ale millətxoy aranexun israilluğoy" next'un.

Verse: 5    Sa fikirenṭun gireciyorox bito,
   Sa fikirent'un gireśiyorox bito,
    Vi äleyinä äyitä sabiyorox moroxe:
    Vi əleyinə əyitə sabiyorox moroxe:

Verse: 6    Edomluyox q̇a ismailluyox,
   Edomluyox q'a ismailluyox,
    Moavluyox q̇a aǯarluyox,
    Moavluyox q'a acarluyox,

Verse: 7    Gevalluyox, ammonluyox, amalegluyox,
   Gevalluyox, ammonluyox, amalegluyox,
    Filisṭluyox q̇a surluyox.
    Filist'luyox q'a surluyox.

Verse: 8    Hälä ašurluyoxal šoṭoġoy täräfe č̣ovake,
   Hələ aşurluyoxal şot'oğoy tərəfe c'ovake,
    Luṭaxun bakiṭoġoṭun kömäybsa šoṭoġonal!
    Lut'axun bakit'oğot'un köməybsa şot'oğonal!

Verse: 9    Midyanluġoy ġina bada šoṭoġo,
   Midyanluğoy ğina bada şot'oğo,
    Ḳišon oqe ṭo͑ġo͑l Siseri q̇a Yavini bel ečeriṭoġo eča šoṭoġoy bel.
    K'işon oqe t'ǒğǒl Siseri q'a Yavini bel eçerit'oğo eça şot'oğoy bel.

Verse: 10    Barta En-Dora ḳac̣eci bariṭoġollariḳq̇aṭun baki,
   Barta En-Dora k'as'eśi barit'oğollarik'q'at'un baki,
    Barta moṭoġoyal meyidxo sal exṭi oćalaxbal maq̇an baki. *
    Barta mot'oğoyal meyidxo sal ext'i oç̌alaxbal maq'an baki. *

Verse: 11    Oreva q̇a Zeeva aḳesṭi ġina šoṭoġoy c̣ilaṭoġoval aḳesṭa,
   Oreva q'a Zeeva ak'est'i ğina şot'oğoy s'ilat'oğoval ak'est'a,
    Zevaha q̇a Calmuna biṭoġo šoṭoġoy kalaṭoġoval ba. *
    Zevaha q'a Üalmuna bit'oğo şot'oğoy kalat'oğoval ba. *

Verse: 12    "Buxaʒ́uġoy Iz sürünä otarišala oćalxo beš kiyel badalyan" piyoroxe šorox!
   "Buxačuğoy İz sürünə otarişala oç̌alxo beş kiyel badalyan" piyoroxe şorox!

Verse: 13    Mušen e͑qevḳala toz,
   Muşen ěqevk'ala toz,
    Fupi tašala koloś ḳinäḳ ba šoṭoġo, ay Buxaʒ́ux!
    Fupi taşala kološ k'inək' ba şot'oğo, ay Buxačux!

Verse: 14    Č̣äläy arux bafṭi usum boḳala ḳinäḳ,
   C'ələy arux baft'i usum bok'ala k'inək',
    Yaloven buruxmoġo pula q̇ič̣ṗi qayḳamin haq̇ala ḳinäḳ
    Yaloven buruxmoğo pula q'ic'p'i qayk'amin haq'ala k'inək'

Verse: 15    Haq̇a šoṭoġoy pula Vi zorba mušen.
   Haq'a şot'oğoy pula Vi zorba muşen.
    Välvälinä bada šoṭoġo Vi tufanen!
    Vəlvəlinə bada şot'oğo Vi tufanen!

Verse: 16    Biyaburba šoṭoġo,
   Biyaburba şot'oğo,
    Barta Iz c̣i Q̣ONƷ́UX bakalṭu qä͑ve͑ceq̇aṭun!
    Barta İz s'i Q'ONČUX bakalt'u qə̌věśeq'at'un!

Verse: 17    Barta ičoġoy ömürin axəral ciriḳ ćomä͑yin mandi oṭṗeq̇aṭun,
   Barta içoğoy ömürin axıral śirik' ç̌omə̌yin mandi ot'p'eq'at'un,
    Äfčibaki taġamin ičoġoy bula alabes maq̇aṭun baki.
    Əfçibaki tağamin içoğoy bula alabes maq'at'un baki.

Verse: 18    Barta Va, Iz c̣i Q̣ONǮUX bakalṭu čalxeq̇aṭun,
   Barta Va, İz s'i Q'ONCUX bakalt'u çalxeq'at'un,
    Avabakeq̇aṭun me dünyäni kalo Vi baksuna, ay Ala Arci Buxaʒ́ux!
    Avabakeq'at'un me dünyəni kalo Vi baksuna, ay Ala Arśi Buxačux!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.