TITUS
Biblia Udica, Versio Nizhensis: Vetus Testamentum
Part No. 212
Previous part

Chapter: 82 

82-ǯi ω͑vel mä͑ġ
82-ci Ǐvel mə̌ğ



Asafi ω͑vel mä͑ġ.
Asafi Ǐvel mə̌ğ.


Verse: 1    Mone, arcene Buxaʒ́ux göynul Iz taxṭe loxol,
   Mone, arśene Buxačux göynul İz taxt'e loxol,
    Divanbi q̇ärare č̣evksa Šoṭin Iz bel gireciṭoġoy be͑ś:
    Divanbi q'ərare c'evksa Şot'in İz bel gireśit'oğoy běš:

Verse: 2    "Hälä heq̇ädär čurḳalnan düzgün nu bakalṭay täräf vä͑n?
   "Hələ heq'ədər çurk'alnan düzgün nu bakalt'ay tərəf və̌n?
    Divanbaṭan bitoṭay loxol sa piin nu be͑ġi
    Divanbat'an bitot'ay loxol sa piin nu běği
    Haq̇suzṭu tämizä č̣evksunaxun hevaxṭ kulhaq̇alnan?
    Haq'suzt'u təmizə c'evksunaxun hevaxt' kulhaq'alnan?

Verse: 3    Ama ketär ma banan!
   Ama ketər ma banan!
    Ehṭiyäǯi boš bakalṭay q̇a yetimi bać̣ane čurpanan,
    Eht'iyəci boş bakalt'ay q'a yetimi bač'ane çurpanan,
    Käsibi q̇a faġəri äšlä düzgün be͑ġanan!
    Kəsibi q'a fağıri əşlə düzgün běğanan!

Verse: 4    Käsibä q̇a zäyifṭu kul boxodanan,
   Kəsibə q'a zəyift'u kul boxodanan,
    Metärṭoġo pisṭay kiyexun čarḳesṭanan.
    Metərt'oğo pist'ay kiyexun çark'est'anan.

Verse: 5    Efi avabakala šey butene,
   Efi avabakala şey butene,
    Hiḳḳal q̇amištenan vä͑n!
    Hik'k'al q'amiştenan və̌n!
    Düzgün yaq̇ tene ef taġala yaq̇, bayinq̇un yaq̇e šo,
    Düzgün yaq' tene ef tağala yaq', bayinq'un yaq'e şo,
    Oćali binorane źə͑ḳesa ef biq̇ala äšurxoxun.
    Oç̌ali binorane ǰı̌k'esa ef biq'ala əşurxoxun.

Verse: 6    Düze, vä͑x "buxaʒ́uxxonan" pizu, *
   Düze, və̌x "buxačuxxonan" pizu, *
    "Ala Arciṭay ṭo͑ġo͑l čurpes bakaloroxez" pi Zu vä͑x.
    "Ala Arśit'ay t'ǒğǒl çurpes bakaloroxez" pi Zu və̌x.

Verse: 7    Ama insani balinaxun sa färg tene bakal efi,
   Ama insani balinaxun sa fərg tene bakal efi,
    Dünyäni kalaluġbalxo ṗuri taġala ḳinäḳ vä͑nal ṗuri taġalnan!"
    Dünyəni kalaluğbalxo p'uri tağala k'inək' və̌nal p'uri tağalnan!"

Verse: 8    Ay Buxaʒ́ux, hayza dünyänä divanba,
   Ay Buxačux, hayza dünyənə divanba,
    Vine bito me azuḳxo!
    Vine bito me azuk'xo!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.