TITUS
Biblia Udica, Versio Nizhensis: Vetus Testamentum
Part No. 211
Previous part

Chapter: 81 

81-ǯi ω͑vel mä͑ġ
81-ci Ǐvel mə̌ğ



Farḳalxoy däsṭin kalaṭaynaḳ. Giṭṭiten * mä͑ġe͑ġala Asafi mä͑ġ.
Fark'alxoy dəst'in kalat'aynak'. Git't'iten * mə̌ğěğala Asafi mə̌ğ.


Verse: 1    Yax zorba bala Buxaʒ́uġo mä͑ġpi tärifläyinšanan,
   Yax zorba bala Buxačuğo mə̌ğpi tərifləyinşanan,
    Iaḳovi Buxaʒ́uġo efi heq̇ädär mu͑q baksuna aḳesṭanan!
    İak'ovi Buxačuğo efi heq'ədər mǔq baksuna ak'est'anan!

Verse: 2    Däf duġanan, arfa q̇a tar farpanan!
   Dəf duğanan, arfa q'a tar farpanan!
    Barta fare säsq̇an č̣eri,
    Barta fare səsq'an c'eri,
    Barta üḳ qayḳala säsurq̇an beš u͑mo͑ġo lafṭi.
    Barta ük' qayk'ala səsurq'an beş ǔmǒğo laft'i.

Verse: 3    Šeyṗur farpanan ef mu͑q ġimxosṭa -
   Şeyp'ur farpanan ef mǔq ğimxost'a -
    Axsibayxosṭal, täzä xaš č̣eysuna č̣ovakesṭala märäkäyxosṭal. *
    Axsibayxost'al, təzə xaş c'eysuna c'ovakest'ala mərəkəyxost'al. *

Verse: 4    Šoṭo görä ki, metäre bürüše Iaḳovi Buxaʒ́uġon,
   Şot'o görə ki, metəre bürüşe İak'ovi Buxačuğon,
    Metäre ämirbe israilluġo.
    Metəre əmirbe israilluğo.

Verse: 5    Iosifaxun bakiṭoġone avabakesṭi Šoṭin me q̇aydoġo.
   İosifaxun bakit'oğone avabakest'i Şot'in me q'aydoğo.
    Šorox Misiräxun č̣eġaṭan,
    Şorox Misirəxun c'eğat'an,
    Šoṭoġoxun ičoġoy memačaġ nu ibaki sa säsen äyitḳaṭane pi moṭoġo bitova:
    Şot'oğoxun içoğoy memaçağ nu ibaki sa səsen əyitk'at'ane pi mot'oğo bitova:

Verse: 6    "Bə͑hi yükäz exṭi Zu efi ä͑mnäbelxun,
   "Bı̌hi yükəz ext'i Zu efi ə̌mnəbelxun,
    Zülüm tadala äšläxunez ef elmoġo čarḳesṭi.
    Zülüm tadala əşləxunez ef elmoğo çark'est'i.

Verse: 7    Zanan ḳalpi vä͑n efi ṭe ṭar ġimxo,
   Zanan k'alpi və̌n efi t'e t'ar ğimxo,
    Zuval vä͑x čarḳesezdi.
    Zuval və̌x çark'esezdi.
    Göye gürultinenez ǯoġab tadi vä͑x,
    Göye gürultinenez coğab tadi və̌x,
    Efi Zaxun nu šüpäläyinšaksunaz yoxlayinši Meriva xene ṭo͑ġo͑l. *
    Efi Zaxun nu şüpələyinşaksunaz yoxlayinşi Meriva xene t'ǒğǒl. *

Verse: 8    Ibaka Za, ay Bez azuḳ, nexzu va!
   İbaka Za, ay Bez azuk', nexzu va!
    Ene hetär uḳaz ki, va ṗaṗane, ay Israil!
    Ene hetər uk'az ki, va p'ap'ane, ay İsrail!

Verse: 9    Vi Zaxun q̇eräz buxaʒ́uxxo nu bakalane,
   Vi Zaxun q'erəz buxačuxxo nu bakalane,
    Q̣eräz azuḳxoy buxaʒ́uxxo bul ma ḳoc̣ba! *
    Q'erəz azuk'xoy buxačuxxo bul ma k'os'ba! *

Verse: 10    Va Misiri oćalaxun č̣evḳi
   Va Misiri oç̌alaxun c'evk'i
    Vi Buxaʒ́ux bakala Q̣ONƷ́UX Zuzu.
    Vi Buxačux bakala Q'ONČUX Zuzu.
    Va busa tez barḳon Zu, hiḳḳalaxun koruġ aksa tez barḳon!
    Va busa tez bark'on Zu, hik'k'alaxun koruğ aksa tez bark'on!

Verse: 11    Ama Bez piṭoġo tene ämälbi Bez azuḳen,
   Ama Bez pit'oğo tene əməlbi Bez azuk'en,
    Bez laxi ḳanunxon tene taci.
    Bez laxi k'anunxon tene taśi.

Verse: 12    Zuval pizu barta taceq̇aṭun ičoġoy źomoy tüšen,
   Zuval pizu barta taśeq'at'un içoğoy ǰomoy tüşen,
    Ezfi šoṭoġo iz axər bayinq̇un bakala yaq̇a!
    Ezfi şot'oğo iz axır bayinq'un bakala yaq'a!

Verse: 13    Ḳä bakoy Bez azuḳen Za ibakiyniy,
   K'ə bakoy Bez azuk'en Za ibakiyniy,
    Israilluyox Bez laxi yaq̇axun nu č̣eriyniy?
    İsrailluyox Bez laxi yaq'axun nu c'eriyniy?

Verse: 14    Ṭe vädä düšmänen iz pula q̇ič̣ṗi qayḳaminez šoṭo iz gala arcevḳoy Zu,
   T'e vədə düşmənen iz pula q'ic'p'i qayk'aminez şot'o iz gala arśevk'oy Zu,
    Bez kiin ičoġoy belxun duġsun ḳä baksuna aḳesezdoy šoṭoġo!
    Bez kiin içoğoy belxun duğsun k'ə baksuna ak'esezdoy şot'oğo!

Verse: 15    Bez loxol e͑qeciyorox hari Bezi turin oq̇aṭun bitoy,
   Bez loxol ěqeśiyorox hari Bezi turin oq'at'un bitoy,
    Ičoġoy ǯaza zapsuni axər tene bakoy.
    İçoğoy caza zapsuni axır tene bakoy.

Verse: 16    Vä͑x isä č̣äḳeci arumenez be͑ġoy,
   Və̌x isə c'ək'eśi arumenez běğoy,
    Čölexun girbi än muć̣a uć̣enez ukesṭi bäsläyinšoy!"
    Çölexun girbi ən muč'a uč'enez ukest'i bəsləyinşoy!"



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.