TITUS
Biblia Udica, Versio Nizhensis: Vetus Testamentum
Part No. 204
Previous part

Chapter: 74 

74-ǯi ω͑vel mä͑ġ
74-ci Ǐvel mə̌ğ



Asafi ögüd-näsyät tadala ω͑vel mä͑ġ.
Asafi ögüd-nəsyət tadala Ǐvel mə̌ğ.


Verse: 1    Ay Buxaʒ́ux, heṭaynaḳen yaxun hämišäluġ ćo taradala baki Hun?
   Ay Buxačux, het'aynak'en yaxun həmişəluğ ç̌o taradala baki Hun?
    Vi sürünä bakala me q̇uziġoy loxol heṭaynaḳe Vi äǯuġ bäč̣üḳeci?
    Vi sürünə bakala me q'uziğoy loxol het'aynak'e Vi əcuğ bəc'ük'eśi?

Verse: 2    Vi hälä beš kalboġoy dööräxun Vaynaḳ č̣äḳṗi azuḳa nu aksuna ma laxa:
   Vi hələ beş kalboğoy döörəxun Vaynak' c'ək'p'i azuk'a nu aksuna ma laxa:
    Toyen haq̇eci, Vi c̣i iz loxol bakala sa neymätṭun šorox!
    Toyen haq'eśi, Vi s'i iz loxol bakala sa neymətt'un şorox!
    Vaynaḳ mäsḳän bi Sion buruġo eyexun ma č̣evḳa!
    Vaynak' məsk'ən bi Sion buruğo eyexun ma c'evk'a!

Verse: 3    Eki be͑ġa ṭe ə͑vel ganxoxun ḳä mande,
   Eki běğa t'e ı̌vel ganxoxun k'ə mande,
    Carpi cipene düšmänen bitova!
    Üarpi śipene düşmənen bitova!

Verse: 4    Ičoġoy e͑kaṭun ä͑qsṭa Vi mäsḳän saki ganu,
   İçoğoy ěkat'un ə̌qst'a Vi məsk'ən saki ganu,
    C̣iyaṭun campi laxe ičoġoy ṭiya!
    S'iyat'un śampi laxe içoğoy t'iya!

Verse: 5    Č̣äläye baci xodṭun budayinšbsa unkon,
   C'ələye baśi xodt'un budayinşbsa unkon,
    Ṭetärṭun tavara alabi fä͑lsṭa!
    T'etərt'un tavara alabi fə̌lst'a!

Verse: 6    Ṭe bäzäylu bariġoxun hiḳḳal tene mandi,
   T'e bəzəylu bariğoxun hik'k'al tene mandi,
    Čäküčen q̇a güpunenṭun šoṭoġoy axəra č̣eri!
    Çəküçen q'a güpunent'un şot'oğoy axıra c'eri!

Verse: 7    Vi ə͑vel ganuṭun boḳosṗi šoṭoġon,
   Vi ı̌vel ganut'un bok'osp'i şot'oğon,
    Vi c̣iyal bakala mäsḳänäṭun murdarlayinši!
    Vi s'iyal bakala məsk'ənət'un murdarlayinşi!

Verse: 8    "Me azuḳa tumexun äfčibalyan!" pi
   "Me azuk'a tumexun əfçibalyan!" pi
    Beši Va bul ḳoc̣bala ganxoṭun boḳosṗi cipi!
    Beşi Va bul k'os'bala ganxot'un bok'osp'i śipi!

Verse: 9    Nä göynuxun sa niśane aḳesa yaynaḳ,
   Nə göynuxun sa nišane ak'esa yaynak',
    Nääl sa xavarečalyax bu ene!
    Nəəl sa xavareçalyax bu ene!
    Šin ḳä ava hälä heq̇ädär moṭo portṗala bakalyan!
    Şin k'ə ava hələ heq'ədər mot'o portp'ala bakalyan!

Verse: 10    Ay Buxaʒ́ux, hälä heq̇ädär düšmäneynaḳ axśumi ga bakalnu Hun?
   Ay Buxačux, hələ heq'ədər düşməneynak' axšumi ga bakalnu Hun?
    Vi c̣iya eġala äyitmoġo hälä gele ibakalyan?
    Vi s'iya eğala əyitmoğo hələ gele ibakalyan?

Verse: 11    Axəri heṭaynaḳen Vi kula zaṗe?
   Axıri het'aynak'en Vi kula zap'e?
    Vi yön kiin yumburuġ ḳä baksuna aḳesṭa,
    Vi yön kiin yumburuğ k'ə baksuna ak'est'a,
    Šoṭoġoy bula duġa ć̣aḳṗa!
    Şot'oğoy bula duğa č'ak'p'a!

Verse: 12    Ama bezi Buxaʒ́uxe bu,
   Ama bezi Buxačuxe bu,
    Hälä burqesunaxun bezi Padčaġ bakalone Šo.
    Hələ burqesunaxun bezi Padçağ bakalone Şo.
    Oćalin ćoye čarḳesun ečalonu Hun!
    Oç̌alin ç̌oye çark'esun eçalonu Hun!

Verse: 13    Dänizxoy xenan taġaybi Hun,
   Dənizxoy xenan tağaybi Hun,
    Xene boš bakala ṗä͑bulla diziḳi ozanan č̣urumpi boseri.
    Xene boş bakala p'ə̌bulla dizik'i ozanan c'urumpi boseri.

Verse: 14    Bitoṭay pula haq̇i, ama Vaxun nu bašarbi me heyvani bulan duġi ć̣aḳṗi,
   Bitot'ay pula haq'i, ama Vaxun nu başarbi me heyvani bulan duği č'ak'p'i,
    Šoṭo čöle bakala heyvanxoynaḳ yemen bi Hun!
    Şot'o çöle bakala heyvanxoynak' yemen bi Hun!

Verse: 15    Orayinxone źalpi č̣eri,
   Orayinxone ǰalpi c'eri,
    Posṗi xenen čäyläġxon źomol ciriḳ buybi Hun,
    Posp'i xenen çəyləğxon ǰomol śirik' buybi Hun,
    Bä͑ġä͑loy oqurxoy isä xenan ec̣evḳi!
    Bə̌ğə̌loy oqurxoy isə xenan es'evk'i!

Verse: 16    Be͑ġa q̇a xašal göynul Hunen laxe,
   Běğa q'a xaşal göynul Hunen laxe,
    Šüyal Vi źomone taysa, ġiyal.
    Şüyal Vi ǰomone taysa, ğiyal.

Verse: 17    Oćalin binorinan laxi Hun,
   Oç̌alin binorinan laxi Hun,
    ω͑źeninaxun Vi äyiten č̣eri,
    Ǐǰeninaxun Vi əyiten c'eri,
    Źoġula Vi äyitenyan baysa yan.
    J̌oğula Vi əyitenyan baysa yan.

Verse: 18    Ay Q̣ONƷ́UX, düšmäneynaḳ axśumi ga baksuna,
   Ay Q'ONČUX, düşməneynak' axšumi ga baksuna,
    Va nu čalxala buxaʒ́uxsuzṭoġoy źomo bafsṭuna nu aksuna ma laxa!
    Va nu çalxala buxačuxsuzt'oğoy ǰomo bafst'una nu aksuna ma laxa!

Verse: 19    Ma barta Vi bäsläyinši göyärčin ä͑qnä heyvanxoynaḳ yem bakane,
   Ma barta Vi bəsləyinşi göyərçin ə̌qnə heyvanxoynak' yem bakane,
    Me Vi faġərxoy loxolq̇an baki Vi pul hämišä!
    Me Vi fağırxoy loxolq'an baki Vi pul həmişə!

Verse: 20    Be͑ġa Vi yaxun ġaćeci iräziluġaxun ḳä mande!
   Běğa Vi yaxun ğaç̌eśi irəziluğaxun k'ə mande!
    Bayinq̇luġen haq̇ene dünyänä -
    Bayinq'luğen haq'ene dünyənə -
    Mani ṭo͑o͑x be͑ġayin amdarxoy suna zor äšṗesṭunayan aksa.
    Mani t'ǒǒx běğayin amdarxoy suna zor əşp'est'unayan aksa.

Verse: 21    Ma barta me zülümi boš bakalorox turin oq̇a ćaxćuxeci taġane,
   Ma barta me zülümi boş bakalorox turin oq'a ç̌axç̌uxeśi tağane,
    Barta Va tärifi q̇onʒ́ux bi Vi c̣iyaq̇aṭun alabi faġərxon q̇a goroxṭoġon!
    Barta Va tərifi q'ončux bi Vi s'iyaq'at'un alabi fağırxon q'a goroxt'oğon!

Verse: 22    Hayza Vi Šu baksuna aḳesṭa, ay Buxaʒ́ux!
   Hayza Vi Şu baksuna ak'est'a, ay Buxačux!
    Me äšlä Hun be͑ġa,
    Me əşlə Hun běğa,
    Va nu čalxala buxaʒ́uxsuzṭoġoy
    Va nu çalxala buxačuxsuzt'oğoy
    Va hiḳḳali gala laxsuna ǯazasuz ma efa.
    Va hik'k'ali gala laxsuna cazasuz ma efa.

Verse: 23    Nu aksuna ma laxa Vi düšmänxon ičoġoy bula alabsuna,
   Nu aksuna ma laxa Vi düşmənxon içoğoy bula alabsuna,
    Nu ibaksuna ma laxa Va nu čureġalṭoġoy ičoġoy źomo eġalṭu upsuna!
    Nu ibaksuna ma laxa Va nu çureğalt'oğoy içoğoy ǰomo eğalt'u upsuna!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.