TITUS
Biblia Udica, Versio Nizhensis: Vetus Testamentum
Part No. 196
Previous part

Chapter: 66 

66-ǯi ω͑vel mä͑ġ
66-ci Ǐvel mə̌ğ



Farḳalxoy däsṭin kalaṭaynaḳ cameci ω͑vel mä͑ġ.
Fark'alxoy dəst'in kalat'aynak' śameśi Ǐvel mə̌ğ.


Verse: 1    Ay me dünyäne bakala bito amdarxo,
   Ay me dünyəne bakala bito amdarxo,
    Mu͑q säsur č̣evḳi Buxaʒ́uġo alxəšṗanan!
    Mǔq səsur c'evk'i Buxačuğo alxışp'anan!

Verse: 2    Šoṭay c̣iya mä͑ġur mä͑ġpi alabanan,
   Şot'ay s'iya mə̌ğur mə̌ğpi alabanan,
    Šoṭo tärifläyinšanan!
    Şot'o tərifləyinşanan!

Verse: 3    Metär upanan Buxaʒ́uġo:
   Metər upanan Buxačuğo:
    "Nu aḳeġala äšuren biq̇sa Hun,
    "Nu ak'eğala əşuren biq'sa Hun,
    Šuḳḳal iz be͑ś nu čurpes bakala zore bu Vasṭa.
    Şuk'k'al iz běš nu çurpes bakala zore bu Vast'a.
    Düšmänxon diz čökṭesṭa Hun,
    Düşmənxon diz çökt'est'a Hun,

Verse: 4    Dirisṭ dünyänene Va bul ḳoc̣bsa!
   Dirist' dünyənene Va bul k'os'bsa!
    Vaṭun tärifläyinšbsa,
    Vat'un tərifləyinşbsa,
    Vi c̣iyaṭun mä͑ġpi alabsa".
    Vi s'iyat'un mə̌ğpi alabsa".

Verse: 5    Sa ekinan Buxaʒ́uġoy biṭoġo aḳanan,
   Sa ekinan Buxačuğoy bit'oğo ak'anan,
    Šoṭin amdarxoynaḳ bi äšurxoy kalaluġa be͑ġanan!
    Şot'in amdarxoynak' bi əşurxoy kalaluğa běğanan!

Verse: 6    Dänizi xena ṭaġaybi q̇ariluġe bi Šoṭin,
   Dənizi xena t'ağaybi q'ariluğe bi Şot'in,
    Xenen buy oqa turine č̣ovaki Šoṭay azuḳ. *
    Xenen buy oqa turine c'ovaki Şot'ay azuk'. *
    Barta ef üḳ qayeceq̇an Buxaʒ́uġoy kiyexun ayeġalṭoġo aḳi!
    Barta ef ük' qayeśeq'an Buxačuğoy kiyexun ayeğalt'oğo ak'i!

Verse: 7    Zorba bakalo, Iz padčaġluġi axər nu bakalone Šo!
   Zorba bakalo, İz padçağluği axır nu bakalone Şo!
    Iz pul azuḳxoy loxole,
    İz pul azuk'xoy loxole,
    Šuḳḳal e͑qeces batenekon Šoṭay loxol!
    Şuk'k'al ěqeśes batenekon Şot'ay loxol!

Verse: 8    Ay azuḳxo, beši Buxaʒ́uġoy c̣iya alabanan,
   Ay azuk'xo, beşi Buxačuğoy s'iya alabanan,
    Barta efi Šoṭo tärifläyinšala säsä bitoṭin ibakeq̇an!
    Barta efi Şot'o tərifləyinşala səsə bitot'in ibakeq'an!

Verse: 9    Šone yax q̇oriši efalo,
   Şone yax q'orişi efalo,
    Beš tur źe͑na lafsṭa nu barḳalo.
    Beş tur ǰěna lafst'a nu bark'alo.

Verse: 10    Ay Buxaʒ́ux, gümüši tämizluġa gam buxarina yoxlayinšala ḳinäḳ,
   Ay Buxačux, gümüşi təmizluğa gam buxarina yoxlayinşala k'inək',
    Hunal yax čätinluġxoxun č̣ovakesṭin yoxlayinši!
    Hunal yax çətinluğxoxun c'ovakest'in yoxlayinşi!

Verse: 11    Zindanxon badesṭi yax,
   Zindanxon badest'i yax,
    Beš bać̣ane bə͑hi yüken laxi.
    Beş bač'ane bı̌hi yüken laxi.

Verse: 12    Düšmänxon saki ćaxćuxḳalane baki yax,
   Düşmənxon saki ç̌axç̌uxk'alane baki yax,
    Aruġoxun č̣ovaki, xenaxun baci č̣eġalayan baki!
    Aruğoxun c'ovaki, xenaxun baśi c'eğalayan baki!
    Ama mone, be͑ġa hetär bolluġan č̣evḳi Hun yax!
    Ama mone, běğa hetər bolluğan c'evk'i Hun yax!

Verse: 13    Boḳospsuni q̇urbanxo ešṭeynaḳ eġoz zu Vi xrama,
   Bok'ospsuni q'urbanxo eşt'eynak' eğoz zu Vi xrama,
    Bezi niyätṗi tadi äyiti loxol čurḳoz.
    Bezi niyətp'i tadi əyiti loxol çurk'oz.

Verse: 14    Bezi źomoxun č̣eri,
   Bezi ǰomoxun c'eri,
    Bez ṭar ġine niyätṗi tadi äyiti loxol.
    Bez t'ar ğine niyətp'i tadi əyiti loxol.

Verse: 15    Kökbi heyvanxo q̇urban ečeri boḳosṗoz Vaynaḳ,
   Kökbi heyvanxo q'urban eçeri bok'osp'oz Vaynak',
    Eġeli, araḳi saal kečin q̇urbanxo śamḳoz.
    Eğeli, arak'i saal keçin q'urbanxo šamk'oz.

Verse: 16    Ekinan, ay Buxaʒ́uġo čalxi Šoṭay yaq̇en taġalorox,
   Ekinan, ay Buxačuğo çalxi Şot'ay yaq'en tağalorox,
    Ekinan Šoṭin zaynaḳ biṭoġo exlätṗaz u͑mu͑xlaxanan.
    Ekinan Şot'in zaynak' bit'oğo exlətp'az ǔmǔxlaxanan.

Verse: 17    Bez bula alabi Šoṭoz ḳalpi zu,
   Bez bula alabi Şot'oz k'alpi zu,
    Bez źomoxun Šoṭaynaḳe tärifxo bari.
    Bez ǰomoxun Şot'aynak'e tərifxo bari.

Verse: 18    Günaxa za ə͑śa bisṭa bartiyzuy,
   Günaxa za ı̌ša bist'a bartiyzuy,
    Q̣ONƷ́UĠON za u͑mu͑xtenelaxoy.
    Q'ONČUĞON za ǔmǔxtenelaxoy.

Verse: 19    Ama inebaki za Buxaʒ́uġon!
   Ama inebaki za Buxačuğon!
    Bez xoyinśa ǯoġabsuz tene efi,
    Bez xoyinša coğabsuz tene efi,

Verse: 20    Bezi afərəna nu ibaksuna tene laxi Šoṭin!
   Bezi afırına nu ibaksuna tene laxi Şot'in!
    Izi nu badalbakala čuresuna zaxun nu kambi Buxaʒ́uġo alxəšq̇an baki!
    İzi nu badalbakala çuresuna zaxun nu kambi Buxačuğo alxışq'an baki!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.