TITUS
Biblia Udica, Versio Nizhensis: Vetus Testamentum
Part No. 197
Previous part

Chapter: 67 

67-ǯi ω͑vel mä͑ġ
67-ci Ǐvel mə̌ğ



Farḳalxoy däsṭin kalaṭaynaḳ. Simlä äṭṭäǯxon farpi mä͑ġe͑ġala ω͑vel mä͑ġ.
Fark'alxoy dəst'in kalat'aynak'. Simlə ət't'əcxon farpi mə̌ğěğala Ǐvel mə̌ğ.


Verse: 1    Ay Buxaʒ́ux, Vi üḳ boḳospsuna q̇a xeyir-bäräkätä yaxun kammaba,
   Ay Buxačux, Vi ük' bok'ospsuna q'a xeyir-bərəkətə yaxun kammaba,
    Barta Vi piyes šaaṭ aḳeci Vi üḳel basḳes baken yan!
    Barta Vi piyes şaat' ak'eśi Vi ük'el bask'es baken yan!

Verse: 2    Barta me dünyäne bakalṭoġoy bitoṭin Vi yaq̇en taysuni ḳä baksuna q̇amišakeq̇aṭun,
   Barta me dünyəne bakalt'oğoy bitot'in Vi yaq'en taysuni k'ə baksuna q'amişakeq'at'un,
    Bito millätxon Vaxun eġala čarḳesuna aḳeq̇aṭun!
    Bito millətxon Vaxun eğala çark'esuna ak'eq'at'un!

Verse: 3    Barta azuḳxon Vi c̣iyaq̇aṭun alabi,
   Barta azuk'xon Vi s'iyaq'at'un alabi,
    Bito azuḳxonq̇an Vi c̣iya alabi, ay Buxaʒ́ux!
    Bito azuk'xonq'an Vi s'iya alabi, ay Buxačux!

Verse: 4    Barta millätxo mu͑qbakeq̇aṭun,
   Barta millətxo mǔqbakeq'at'un,
    Barta ičoġoy üḳ qayeci mä͑ġpeq̇aṭun šoṭoġon!
    Barta içoğoy ük' qayeśi mə̌ğpeq'at'un şot'oğon!
    Šoṭo görä ki, Hun azuḳxo düzgün divanbalonu,
    Şot'o görə ki, Hun azuk'xo düzgün divanbalonu,
    Me dünyäne bakala bito millätxo yaq̇ aḳesṭalonu!
    Me dünyəne bakala bito millətxo yaq' ak'est'alonu!

Verse: 5    Barta azuḳxon Vi c̣iyaq̇aṭun alabi,
   Barta azuk'xon Vi s'iyaq'at'un alabi,
    Bito azuḳxonq̇an Vi c̣iya alabi, ay Buxaʒ́ux!
    Bito azuk'xonq'an Vi s'iya alabi, ay Buxačux!

Verse: 6    Buxaʒ́uġon, beš Buxaʒ́uġon yaxun Iz xeyir-bäräkätä kamtenebi,
   Buxačuğon, beş Buxačuğon yaxun İz xeyir-bərəkətə kamtenebi,
    Oćalen yax iz bara bol-bole tadi.
    Oç̌alen yax iz bara bol-bole tadi.

Verse: 7    Barta Buxaʒ́uġon yax xeyir-bäräkätq̇an tadi,
   Barta Buxačuğon yax xeyir-bərəkətq'an tadi,
    Dünyäni me belxun ṭe bel bakalṭoġoy bitoṭin Šoṭo čalxi bulq̇aṭun ḳoc̣bi!
    Dünyəni me belxun t'e bel bakalt'oğoy bitot'in Şot'o çalxi bulq'at'un k'os'bi!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.