TITUS
Biblia Udica, Versio Nizhensis: Vetus Testamentum
Part No. 194
Previous part

Chapter: 64 

64-ǯi ω͑vel mä͑ġ
64-ci Ǐvel mə̌ğ



Farḳalxoy däsṭin kalaṭaynaḳ. Davidi ω͑vel mä͑ġ.
Fark'alxoy dəst'in kalat'aynak'. Davidi Ǐvel mə̌ğ.


Verse: 1    Ay Buxaʒ́ux, bezi Va afərəpi ḳalpsuna, bez säsä ibaka,
   Ay Buxačux, bezi Va afırıpi k'alpsuna, bez səsə ibaka,
    Bez üḳe q̇ə͑ badala me düšmänxoxun bez elmoġo čarḳesṭa!
    Bez ük'e q'ı̌ badala me düşmənxoxun bez elmoğo çark'est'a!

Verse: 2    Me zaləmxon ičoġoy üḳe biq̇esṭi pisluġxoxun,
   Me zalımxon içoğoy ük'e biq'est'i pisluğxoxun,
    Šär bakalṭoġoy pis niyätxoxun za q̇oriša!
    Şər bakalt'oğoy pis niyətxoxun za q'orişa!

Verse: 3    Ičoġoy źomoxun č̣eġalṭoġon ġayin me ḳinäḳe bosṭa,
   İçoğoy ǰomoxun c'eğalt'oğon ğayin me k'inək'e bost'a,
    Ičoġoy här äyit hari ox ḳinäḳe ṭä͑q̇esa amdara!
    İçoğoy hər əyit hari ox k'inək'e t'ə̌q'esa amdara!

Verse: 4    Pusq̇una arci o͑xä͑lbal ḳinäḳ arci yaq̇ṭunbe͑ġsa,
   Pusq'una arśi ǒxə̌lbal k'inək' arśi yaq't'unběğsa,
    Bürdänṭun do͑psṭa sal sa taxsər nu bakalṭu.
    Bürdənt'un dǒpst'a sal sa taxsır nu bakalt'u.
    Hiḳḳalaxun q̇ə͑teṭunbsa šoṭoġon!
    Hik'k'alaxun q'ı̌tet'unbsa şot'oğon!

Verse: 5    Hälä ṭiyä͑minṭoġoval ḳalpi pis äšur biq̇seynaḳ yaq̇nuxunṭun č̣evksa,
   Hələ t'iyə̌mint'oğoval k'alpi pis əşur biq'seynak' yaq'nuxunt'un c'evksa,
    Tälinä hetär laxseynaḳṭun maslaatbsa.
    Təlinə hetər laxseynak't'un maslaatbsa.
    "Šuḳḳali xavaral tene bakal" nexṭun.
    "Şuk'k'ali xavaral tene bakal" next'un.

Verse: 6    Mani bič̣luġa äšṗesṭuna fikirbi bä͑ġä͑biṭuxun oša
   Mani bic'luğa əşp'est'una fikirbi bə̌ğə̌bit'uxun oşa
    "Be͑ġa he šaaṭe beš haq̇əlen boṭi" pi färäxläyinšṭunbaksa.
    "Běğa he şaat'e beş haq'ılen bot'i" pi fərəxləyinşt'unbaksa.
    Insan hägigiyal bič̣ bakala šeye!
    İnsan həgigiyal bic' bakala şeye!

Verse: 7    Ama Q̣ONƷ́UĠON šoṭoġo Iz oxurxon yaralayinšale,
   Ama Q'ONČUĞON şot'oğo İz oxurxon yaralayinşale,
    Ṭe vädäl be͑ġalṭun ki, taševḳeṭun.
    T'e vədəl běğalt'un ki, taşevk'et'un.

Verse: 8    Ṭiyä͑minṭoġoynaḳ piyorox bito ičoġoy bel barale;
   T'iyə̌mint'oğoynak' piyorox bito içoğoy bel barale;
    Šoṭoġoy axəra aḳalṭoġonal ičoġoy bula źə͑ḳḳalṭun,
    Şot'oğoy axıra ak'alt'oğonal içoğoy bula ǰı̌k'k'alt'un,
    Šoṭoġo axśumi ga balṭun.
    Şot'oğo axšumi ga balt'un.

Verse: 9    Insanxon moṭo aḳi q̇əbalṭun,
   İnsanxon mot'o ak'i q'ıbalt'un,
    Buxaʒ́uġoy biq̇i äšurxo muzel ečeri ǯar sakalṭun!
    Buxačuğoy biq'i əşurxo muzel eçeri car sakalt'un!
    Me barada fikirbi Šoṭay biṭoġo ṗurum ičoġoy eyex badi bakalṭun!
    Me barada fikirbi Şot'ay bit'oğo p'urum içoğoy eyex badi bakalt'un!

Verse: 10    Barta düzgünṭoġon ičoġoy mu͑qluġa Q̣ONƷ́UĠOSṬAQ̣AṬUN aḳi,
   Barta düzgünt'oğon içoğoy mǔqluğa Q'ONČUĞOST'AQ'AT'UN ak'i,
    Šoṭay q̇änädi oq̇aq̇aṭun gireci!
    Şot'ay q'ənədi oq'aq'at'un gireśi!
    Barta üḳtämizṭoġon Šoṭay c̣iya alabeq̇aṭun!
    Barta ük'təmizt'oğon Şot'ay s'iya alabeq'at'un!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.