TITUS
Biblia Udica, Versio Nizhensis: Vetus Testamentum
Part No. 193
Previous part

Chapter: 63 

63-ǯi ω͑vel mä͑ġ
63-ci Ǐvel mə̌ğ



Davidi Iudeyin amc̣i oćala bakaṭan campi ω͑vel mä͑ġ. *
Davidi İudeyin ams'i oç̌ala bakat'an śampi Ǐvel mə̌ğ. *


Verse: 1    Ay Buxaʒ́ux, Hunnu bez Buxaʒ́ux!
   Ay Buxačux, Hunnu bez Buxačux!
    Bez üḳen Vane čuresa!
    Bez ük'en Vane çuresa!
    Q̣aribaki oćal ṭo͑ṗḳala ḳinäḳ bez ǯiǯirxone ṭo͑pe͑ Vaynaḳ,
    Q'aribaki oç̌al t'ǒp'k'ala k'inək' bez cicirxone t'ǒpě Vaynak',
    Xesuz mandi bädän xeneynaḳ boḳala ḳinäḳe boksa Vaynaḳ bez uruf!
    Xesuz mandi bədən xeneynak' bok'ala k'inək'e boksa Vaynak' bez uruf!

Verse: 2    Vi bakala ə͑vel gala Vi loxolez be͑ġsay zu,
   Vi bakala ı̌vel gala Vi loxolez běğsay zu,
    Vi kalaluġa, Vi zoraz aksay.
    Vi kalaluğa, Vi zoraz aksay.

Verse: 3    Mone, bez muzen Vane tärifläyinšbsa,
   Mone, bez muzen Vane tərifləyinşbsa,
    Šoṭo görä ki, Vi nu badalbakala čuresun yäšäyinšaxunal üsṭüne!
    Şot'o görə ki, Vi nu badalbakala çuresun yəşəyinşaxunal üst'üne!

Verse: 4    Bez ömüri axəral ciriḳ Va alxəšṗoz zu,
   Bez ömüri axıral śirik' Va alxışp'oz zu,
    Afərəpi Vi c̣iya alaboz!
    Afırıpi Vi s'iya alaboz!

Verse: 5    Tikoġoy än šaaṭo bez elmoġo taci ḳinäḳ bakale ṭe vädä,
   Tikoğoy ən şaat'o bez elmoğo taśi k'inək' bakale t'e vədə,
    Bez üḳ qayeġale, muzen mä͑ġpi Va tärifläyinšale!
    Bez ük' qayeğale, muzen mə̌ğpi Va tərifləyinşale!

Verse: 6    Basḳi galal Vaz eyex basṭa,
   Bask'i galal Vaz eyex bast'a,
    Dirisṭ üše Vi baradaz fikirbsa.
    Dirist' üşe Vi baradaz fikirbsa.

Verse: 7    Bez kiyexun biq̇alonu Hun,
   Bez kiyexun biq'alonu Hun,
    Vi xožina baksunene mu͑qsṭa za.
    Vi xojina baksunene mǔqst'a za.

Verse: 8    Bez üḳ Vaxun ġaće,
   Bez ük' Vaxun ğaç̌e,
    Vi kula zaxun ten zaṗe Hun.
    Vi kula zaxun ten zap'e Hun.

Verse: 9    Bez bisuna čureġalorox isä
   Bez bisuna çureğalorox isə
    Gärämzäluġ bakalṭun!
    Gərəmzəluğ bakalt'un!

Verse: 10    Q̣ələnǯaxun ṗuri
   Q'ılıncaxun p'uri
    Aramṭorxoynaḳ yem bakalṭun šorox!
    Aramt'orxoynak' yem bakalt'un şorox!

Verse: 11    Ama padčaġ Buxaʒ́uġoxun mu͑qbakale,
   Ama padçağ Buxačuğoxun mǔqbakale,
    Buxaʒ́uġo elasḳalṭoġoyal bitoṭin Šoṭo alxəšṗale!
    Buxačuğo elask'alt'oğoyal bitot'in Şot'o alxışp'ale!
    Äfči äyitḳalxoy isä źomo gireġale!
    Əfçi əyitk'alxoy isə ǰomo gireğale!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.