TITUS
Biblia Udica, Versio Nizhensis: Vetus Testamentum
Part No. 191
Previous part

Chapter: 61 

61-ǯi ω͑vel mä͑ġ
61-ci Ǐvel mə̌ğ



Mä͑ġḳalxoy däsṭin kalaṭaynaḳ. Simlä äṭṭäǯxoy faren mä͑ġe͑ġala Davidi ω͑vel mä͑ġ.
Mə̌ğk'alxoy dəst'in kalat'aynak'. Simlə ət't'əcxoy faren mə̌ğěğala Davidi Ǐvel mə̌ğ.


Verse: 1    Ay Buxaʒ́ux, bez šivana ibaka,
   Ay Buxačux, bez şivana ibaka,
    Bez afərəna ǯoġabsuz ma efa.
    Bez afırına coğabsuz ma efa.

Verse: 2    Dünyäni ośelxunez ḳale Va,
   Dünyəni ošelxunez k'ale Va,
    Umuda boṭezu ene zu.
    Umuda bot'ezu ene zu.
    Hun za kul nu ṗaṗala sa q̇ayana taša,
    Hun za kul nu p'ap'ala sa q'ayana taşa,

Verse: 3    Šoṭaynaḳ ki, Hunnu bezi umudi ga,
   Şot'aynak' ki, Hunnu bezi umudi ga,
    Düšmänäxun za efala osṭaar q̇ala.
    Düşmənəxun za efala ost'aar q'ala.

Verse: 4    Barta hämišäluġ Vi ə͑vel čadəra yäšäyinšaz,
   Barta həmişəluğ Vi ı̌vel çadıra yəşəyinşaz,
    Vi q̇änädxoy oq̇a zaynaḳ gabes bakaz.
    Vi q'ənədxoy oq'a zaynak' gabes bakaz.

Verse: 5    Bez tadi elasxon ibaki Hun, ay Buxaʒ́ux,
   Bez tadi elasxon ibaki Hun, ay Buxačux,
    Va čalxalṭoġoynaḳ häzirbi payaxunen za q̇əsmatbi.
    Va çalxalt'oğoynak' həzirbi payaxunen za q'ısmatbi.

Verse: 6    Padčaġi ömürä boxoyba Hun,
   Padçaği ömürə boxoyba Hun,
    Barta šoṭay padčaġluġ näsiläxun näsilä č̣ovaki osṭaarq̇an baki.
    Barta şot'ay padçağluğ nəsiləxun nəsilə c'ovaki ost'aarq'an baki.

Verse: 7    Barta Vi piyes šaaṭ aḳeci hämišäluġq̇an arci iz taxṭe loxol,
   Barta Vi piyes şaat' ak'eśi həmişəluğq'an arśi iz taxt'e loxol,
    Barta Vi nu badalbakala čuresunen q̇a šaaṭluġen šoṭo q̇oriši efeq̇an.
    Barta Vi nu badalbakala çuresunen q'a şaat'luğen şot'o q'orişi efeq'an.

Verse: 8    Ṭe vädä zu hämišä Vi c̣iya alabala mä͑ġur mä͑ġḳoz,
   T'e vədə zu həmişə Vi s'iya alabala mə̌ğur mə̌ğk'oz,
    Bez tadi äyiti loxol čurpi här ġi q̇urbanxo śamḳoz!
    Bez tadi əyiti loxol çurpi hər ği q'urbanxo šamk'oz!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.