TITUS
Biblia Udica, Versio Nizhensis: Vetus Testamentum
Part No. 192
Previous part

Chapter: 62 

62-ǯi ω͑vel mä͑ġ
62-ci Ǐvel mə̌ğ



Farḳalxoy kalo bakala Yedutuneynaḳ cameci Davidi ω͑vel mä͑ġ.
Fark'alxoy kalo bakala Yedutuneynak' śameśi Davidi Ǐvel mə̌ğ.


Verse: 1    Täk Buxaʒ́uġoz arxayin zu,
   Tək Buxačuğoz arxayin zu,
    Zaynaḳ čarḳesun Šoṭoxun eġale!
    Zaynak' çark'esun Şot'oxun eğale!

Verse: 2    Täk Šone zaynaḳ q̇aya bakalo, bez Čarḳesṭal,
   Tək Şone zaynak' q'aya bakalo, bez Çark'est'al,
    Šo bez bać̣ane - hiḳḳalen satenekon za!
    Şo bez bač'ane - hik'k'alen satenekon za!

Verse: 3    Hevaxṭ kulhaq̇alnan vä͑n me pisluġbsunaxun?
   Hevaxt' kulhaq'alnan və̌n me pisluğbsunaxun?
    Amdari loxol taci
    Amdari loxol taśi
    Šoṭo ḳoc̣baki barina liḳṭi sakala ḳinäḳ saksunaxun,
    Şot'o k'os'baki barina lik't'i sakala k'inək' saksunaxun,
    Barala čäpärä galdi oćalen sabala ḳinäḳ,
    Barala çəpərə galdi oç̌alen sabala k'inək',
    Šoṭoval saki oćalen sabsunaxun hevaxṭ kulhaq̇alnan?
    Şot'oval saki oç̌alen sabsunaxun hevaxt' kulhaq'alnan?

Verse: 4    Ičoġoy fikir amdara piyexun saki šoṭo äfčibsune,
   İçoğoy fikir amdara piyexun saki şot'o əfçibsune,
    Äfčinenṭun näfäs haq̇sa šoṭoġon!
    Əfçinent'un nəfəs haq'sa şot'oğon!
    Ćoye muć̣aṭun äyite,
    Ç̌oye muč'at'un əyite,
    Üḳe boš isä q̇arġišṭun ciye šoṭoġon!
    Ük'e boş isə q'arğişt'un śiye şot'oğon!

Verse: 5    Ay bez üḳ, Buxaʒ́uġo arxayinbaka,
   Ay bez ük', Buxačuğo arxayinbaka,
    Täk Šoṭone bez umud.
    Tək Şot'one bez umud.

Verse: 6    Täk Šone zaynaḳ q̇aya bakalo, bez Čarḳesṭal,
   Tək Şone zaynak' q'aya bakalo, bez Çark'est'al,
    Šo bez bać̣ane - bitezton zu!
    Şo bez bač'ane - bitezton zu!

Verse: 7    Bezi čarḳesunal, tämiz c̣iyal Buxaʒ́uġone tasṭa za,
   Bezi çark'esunal, təmiz s'iyal Buxačuğone tast'a za,
    Šone zaynaḳ bać̣an baki za Iz q̇änädi oq̇a exṭalo!
    Şone zaynak' bač'an baki za İz q'ənədi oq'a ext'alo!

Verse: 8    Vi ṭar ġineyal, mu͑q ġineyal Šoṭo umudbaka, ay azuḳ!
   Vi t'ar ğineyal, mǔq ğineyal Şot'o umudbaka, ay azuk'!
    Šoṭo amc̣iba vi üḳä,
    Şot'o ams'iba vi ük'ə,
    Axəri Buxaʒ́uxe beš umudi ga.
    Axıri Buxačuxe beş umudi ga.

Verse: 9    Insan hiḳḳal tene,
   İnsan hik'k'al tene,
    Äfči äyite šoṭo umudbaksun!
    Əfçi əyite şot'o umudbaksun!
    Täräziḳä laxi ayzaṗḳala hiḳḳal butene šoṭosṭa,
    Tərəzik'ə laxi ayzap'k'ala hik'k'al butene şot'ost'a,
    Č̣ovaki taġala sa mušaxun avuzin tene šo.
    C'ovaki tağala sa muşaxun avuzin tene şo.

Verse: 10    Nä vä͑sṭa bakala zora umudmabakanan,
   Nə və̌st'a bakala zora umudmabakanan,
    Nääl bašq̇i girbi malaxun färäxläyinšmabakanan!
    Nəəl başq'i girbi malaxun fərəxləyinşmabakanan!
    Var-dövlät heq̇ädär avuzal bakayin, ef pula ḳać̣ibsa ma bartanan.
    Var-dövlət heq'ədər avuzal bakayin, ef pula k'ač'ibsa ma bartanan.

Verse: 11-12    "Buxaʒ́uġoy zor zasṭane" upsuna,
   "Buxačuğoy zor zast'ane" upsuna,
    Šoṭay "Q̣onʒ́uġosṭane nu badalbakala čuresun" äyitä ibakezu.
    Şot'ay "Q'ončuğost'ane nu badalbakala çuresun" əyitə ibakezu.
    Härṭu iz biq̇i äšlin äväzän tasṭa Hun, ay Buxaʒ́ux! *
    Hərt'u iz biq'i əşlin əvəzən tast'a Hun, ay Buxačux! *



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.