TITUS
Biblia Udica, Versio Nizhensis: Vetus Testamentum
Part No. 187
Previous part

Chapter: 57 

57-ǯi ω͑vel mä͑ġ
57-ci Ǐvel mə̌ğ



Farḳalxoy däsṭin kalaṭaynaḳ. "Za efa" uḳala faren mä͑ġe͑ġala mikṭam. *
Fark'alxoy dəst'in kalat'aynak'. "Za efa" uk'ala faren mə̌ğěğala mikt'am. *

Daviden Šauli kiyexun ṭiṭeri maġarina č̣aṗbakaṭan campi mä͑ġ. *
Daviden Şauli kiyexun t'it'eri mağarina c'ap'bakat'an śampi mə̌ğ. *


Verse: 1    Gorox eki za, ay bez Buxaʒ́ux, za gorox eki,
   Gorox eki za, ay bez Buxačux, za gorox eki,
    Vaz bać̣an tarasṭa, Vane bez umud!
    Vaz bač'an tarast'a, Vane bez umud!
    Me bälä bez belxun taġamin
    Me bələ bez belxun tağamin
    Vi q̇änädi oq̇az zaynaḳ gabsa.
    Vi q'ənədi oq'az zaynak' gabsa.

Verse: 2    Ala Arciṭuz ḳale zu,
   Ala Arśit'uz k'ale zu,
    Bez taxsərsuz baksuna ćoyel č̣evḳala Buxaʒ́uġoz ḳale!
    Bez taxsırsuz baksuna ç̌oyel c'evk'ala Buxačuğoz k'ale!

Verse: 3    Šoṭinal za kul biq̇ale göynuxun, za čarḳesṭale,
   Şot'inal za kul biq'ale göynuxun, za çark'est'ale,
    Bez bać̣anexun bafṭiṭoġo biyaburbale.
    Bez bač'anexun baft'it'oğo biyaburbale.
    Iz nu badalbakala čuresuna kamtenebal zaxun Buxaʒ́uġon,
    İz nu badalbakala çuresuna kamtenebal zaxun Buxačuğon,
    Za qə͑ yaq̇a tene efal Šoṭin!
    Za qı̌ yaq'a tene efal Şot'in!

Verse: 4    Širurxoy arane,
   Şirurxoy arane,
    Busabaki ǯanavarxoy boš bafṭi ḳinäḳzu häysä zu!
    Busabaki canavarxoy boş baft'i k'inək'zu həysə zu!
    Šiš xišṭiḳxo, ṭä͑q̇e͑ġala oxur ḳinäḳe uluxxo šoṭoġoy,
    Şiş xişt'ik'xo, t'ə̌q'ěğala oxur k'inək'e uluxxo şot'oğoy,
    Ġayin me ḳinäḳe bosṭa muzen šoṭoġoy.
    Ğayin me k'inək'e bost'a muzen şot'oğoy.

Verse: 5    Barta Vi kalaluġ ala bakala göynuxunal č̣ovaki aḳeceq̇an,
   Barta Vi kalaluğ ala bakala göynuxunal c'ovaki ak'eśeq'an,
    Barta dirisṭ oćalin ćoyel Vi c̣iq̇an ṭaṗeci, ay Buxaʒ́ux!
    Barta dirist' oç̌alin ç̌oyel Vi s'iq'an t'ap'eśi, ay Buxačux!

Verse: 6    Täläṭun laxi za biq̇seynaḳ šoṭoġon,
   Tələt'un laxi za biq'seynak' şot'oğon,
    Därdä bafṭiyal ǯarasuzez mandi zu.
    Dərdə baft'iyal carasuzez mandi zu.
    Bezi yaq̇e loxol kurṭun kaśṗi,
    Bezi yaq'e loxol kurt'un kašp'i,
    Ama ičanṭun ṭiya bafṭi.
    Ama içant'un t'iya baft'i.

Verse: 7    Vaxun arxayinzu, ay Buxaʒ́ux, ṭema arxayinzu ki!
   Vaxun arxayinzu, ay Buxačux, t'ema arxayinzu ki!
    ω͑vel mä͑ġur mä͑ġpi Vi c̣iya alaboz zu!
    Ǐvel mə̌ğur mə̌ğpi Vi s'iya alaboz zu!

Verse: 8    Mone, häzirzu, bez boš bakalṭoġo upseynaḳ mä͑ġḳoz!
   Mone, həzirzu, bez boş bakalt'oğo upseynak' mə̌ğk'oz!
    Be͑ġ čärtḳamin hayzoz,
    Běğ çərtk'amin hayzoz,
    Arfa q̇a tär farpi mä͑ġḳoz zu!
    Arfa q'a tər farpi mə̌ğk'oz zu!

Verse: 9    Ay Q̣ONƷ́UX, bito azuḳxo Va čalxesṭi Vi c̣iya alaboz,
   Ay Q'ONČUX, bito azuk'xo Va çalxest'i Vi s'iya alaboz,
    Bito millätxoy boš Va tärifläyinšoz!
    Bito millətxoy boş Va tərifləyinşoz!

Verse: 10    Šoṭo görä ki, Vi nu badalbakala čuresun q̇a bez bać̣ane čurpsun ṭemane ki,
   Şot'o görə ki, Vi nu badalbakala çuresun q'a bez bač'ane çurpsun t'emane ki,
    Göynul ṗaṗi asoyxoxunal č̣ovaneḳsa!
    Göynul p'ap'i asoyxoxunal c'ovanek'sa!

Verse: 11    Barta Vi kalaluġ ala bakala göynuxunal č̣ovaki aḳeceq̇an,
   Barta Vi kalaluğ ala bakala göynuxunal c'ovaki ak'eśeq'an,
    Barta dirisṭ oćali ćoyel Vi c̣iq̇an ṭaṗeci, ay Buxaʒ́ux!
    Barta dirist' oç̌ali ç̌oyel Vi s'iq'an t'ap'eśi, ay Buxačux!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.