TITUS
Biblia Udica, Versio Nizhensis: Vetus Testamentum
Part No. 185
Previous part

Chapter: 55 

55-ǯi ω͑vel mä͑ġ
55-ci Ǐvel mə̌ğ



Farḳalxoy däsṭin kalaṭaynaḳ. Simlä äṭṭäǯxoy faren mä͑ġe͑ġala Davidi ögüd-näsyät tadala ω͑vel mä͑ġ.
Fark'alxoy dəst'in kalat'aynak'. Simlə ət't'əcxoy faren mə̌ğěğala Davidi ögüd-nəsyət tadala Ǐvel mə̌ğ.


Verse: 1    Ay Buxaʒ́ux, bez afərəna ibaka,
   Ay Buxačux, bez afırına ibaka,
    Bez xoyinśa nu ibaksuna ma laxa,
    Bez xoyinša nu ibaksuna ma laxa,

Verse: 2    Bezi Va ḳalpsuna ǯoġab tada!
   Bezi Va k'alpsuna coğab tada!
    Fikiren haq̇ene za, q̇ič̣eci manesṭa zu
    Fikiren haq'ene za, q'ic'eśi manest'a zu

Verse: 3    Bez düšmänxoy säsä ibakaṭan,
   Bez düşmənxoy səsə ibakat'an,
    Zaləmxon za koruġ tadaṭan!
    Zalımxon za koruğ tadat'an!
    Bäläṭun baki šorox zaynaḳ,
    Bələt'un baki şorox zaynak',
    Äǯuġläyinšäki bez loxolṭun e͑qesa!
    Əcuğləyinşəki bez loxolt'un ěqesa!

Verse: 4    Bez üḳ č̣aṗebaksa,
   Bez ük' c'ap'ebaksa,
    Bisuni q̇ə͑yene haq̇e za.
    Bisuni q'ı̌yene haq'e za.

Verse: 5    Bula biq̇i ṭiṭala välvälinaz bafṭe,
   Bula biq'i t'it'ala vəlvəlinaz baft'e,
    Ṭuṭultinene haq̇e za.
    T'ut'ultinene haq'e za.

Verse: 6    Häysä ṭetärzu ki, nexzu göyärčin baki purpi taġaz,
   Həysə t'etərzu ki, nexzu göyərçin baki purpi tağaz,
    Sa šip ga bä͑ġä͑bi irääṭ näfäs haq̇az!
    Sa şip ga bə̌ğə̌bi irəət' nəfəs haq'az!

Verse: 7    Čara bakayin bez bula haq̇i ä͑xil sa amc̣i oćalaz taġon,
   Çara bakayin bez bula haq'i ə̌xil sa ams'i oç̌alaz tağon,
    Ṭiyaz yäšäyinšon!
    T'iyaz yəşəyinşon!

Verse: 8    Nexzu amdari sa č̣aṗbakala ga bakane,
   Nexzu amdari sa c'ap'bakala ga bakane,
    Muše q̇a tufani ə͑śalayinšaksuna aḳala ḳinäḳ ṭiṭeri č̣aṗbakes bakane!
    Muşe q'a tufani ı̌šalayinşaksuna ak'ala k'inək' t'it'eri c'ap'bakes bakane!

Verse: 9    Gärgürčiluġ saka me pisṭoġoy arane, ay Q̣onʒ́ux,
   Gərgürçiluğ saka me pist'oğoy arane, ay Q'ončux,
    Barta suna maq̇aṭun q̇amišaki!
    Barta suna maq'at'un q'amişaki!
    Ṭiyä͑minṭay loxol kul alabsunaxun q̇a davabsunaxun bašq̇a sa šey tez aksa me šähäre zu!
    T'iyə̌mint'ay loxol kul alabsunaxun q'a davabsunaxun başq'a sa şey tez aksa me şəhəre zu!

Verse: 10    Üše-ġena amdari pulaṭun č̣eye šoṭoġon,
   Üşe-ğena amdari pulat'un c'eye şot'oğon,
    Šähärä q̇orišala barine bake pisluġ q̇a šär.
    Şəhərə q'orişala barine bake pisluğ q'a şər.

Verse: 11    Ḳac̣esuni, äfčin q̇a fərəldaġin mese bake me šähäri küčämux!
   K'as'esuni, əfçin q'a fırıldağin mese bake me şəhəri küçəmux!

Verse: 12    Düšmäni pis äyitä portezbsa,
   Düşməni pis əyitə portezbsa,
    Za nu čureġalṭay bez loxol alaxun oq̇a be͑ġsunal q̇uč̣ezne zu,
    Za nu çureğalt'ay bez loxol alaxun oq'a běğsunal q'uc'ezne zu,

Verse: 13    Ama hari va ṗaṗaṭan tez baksa!
   Ama hari va p'ap'at'an tez baksa!
    Axəri hun bezi ə͑śonu,
    Axıri hun bezi ı̌šonu,
    Bezi dosṭnu, zaynaḳ viči ḳinäḳ bakalonu!
    Bezi dost'nu, zaynak' viçi k'inək' bakalonu!

Verse: 14    Beš üḳäyan amc̣ipsay yan sunay ṭo͑go͑l,
   Beş ük'əyan ams'ipsay yan sunay t'ǒgǒl,
    Sagala xramayan taysay ǯamaati boš!
    Sagala xramayan taysay camaati boş!

Verse: 15    Barta bez düšmänxoynaḳ bisunq̇an hari,
   Barta bez düşmənxoynak' bisunq'an hari,
    Barta šorox dirisṭ-dirisṭ gärämzäluġq̇aṭun baki!
    Barta şorox dirist'-dirist' gərəmzəluğq'at'un baki!
    Ičoġoy üḳ šären,
    İçoğoy ük' şəren,
    Ḳožurxo pisluġen buy bakaloroxe šorox!
    K'ojurxo pisluğen buy bakaloroxe şorox!

Verse: 16    Zu isä Buxaʒ́uġo ḳalḳoz,
   Zu isə Buxačuğo k'alk'oz,
    Q̣ONƷ́UĠONAL za čarḳesṭale.
    Q'ONČUĞONAL za çark'est'ale.

Verse: 17    Savaxṭan, berezäre, biyäsin -
   Savaxt'an, berezəre, biyəsin -
    Üše-ġena čökṭi, o͑neḳa xoyinśezbsa zu,
    Üşe-ğena çökt'i, ǒnek'a xoyinšezbsa zu,
    Ibakale za Šoṭin!
    İbakale za Şot'in!

Verse: 18    Bez loxol e͑qeci sa sürü düšmänäxun davina č̣eġaṭan
   Bez loxol ěqeśi sa sürü düşmənəxun davina c'eğat'an
    Bez belxun sa pop bisṭal tene barḳal Šoṭin!
    Bez belxun sa pop bist'al tene bark'al Şot'in!

Verse: 19    Iz padčaġluġ hämišäluġ bakala Buxaʒ́uġon,
   İz padçağluğ həmişəluğ bakala Buxačuğon,
    Ṭe padčaġluġi nä burqesun, nä čarksun nu bakala Buxaʒ́uġon za ibakale!
    T'e padçağluği nə burqesun, nə çarksun nu bakala Buxačuğon za ibakale!
    Ibakiyal šoṭoġoy säsä boṭale,
    İbakiyal şot'oğoy səsə bot'ale,
    Šoṭo görä ki, šorox badalbakalorox tene,
    Şot'o görə ki, şorox badalbakalorox tene,
    Buxaʒ́uġoxun q̇ə͑bsun tene bu šoṭoġosṭa!
    Buxačuğoxun q'ı̌bsun tene bu şot'oğost'a!

Verse: 20    Ičeynaḳ viči ḳinäḳ bakalṭay loxole alabi bez dosṭen iz kula,
   İçeynak' viçi k'inək' bakalt'ay loxole alabi bez dost'en iz kula,
    Beši "sunay bać̣ane čurḳalyan" pi tadi äyiti loxol tene čurpi šo.
    Beşi "sunay bač'ane çurk'alyan" pi tadi əyiti loxol tene çurpi şo.

Verse: 21    Ćoye axśumene, ama iz üḳ šären buye.
   Ç̌oye axšumene, ama iz ük' şəren buye.
    Muć̣a-muć̣ane äyite, ama izi här äyit amdarane lafsṭa.
    Muč'a-muč'ane əyite, ama izi hər əyit amdarane lafst'a.

Verse: 22    Vi ä͑mnäbel bakala yükä Q̣ONƷ́UĠO tapšurba hun,
   Vi ə̌mnəbel bakala yükə Q'ONČUĞO tapşurba hun,
    Šoval Ič vi q̇ayġina mandi vaynaḳ bać̣an bakale. *
    Şoval İç vi q'ayğina mandi vaynak' bač'an bakale. *
    Šoṭin tene barḳon ki, düzgün bakalṭay tur lamandane!
    Şot'in tene bark'on ki, düzgün bakalt'ay tur lamandane!

Verse: 23    Pisṭoġoy axər butene, ay Buxaʒ́ux,
   Pist'oğoy axır butene, ay Buxačux,
    Gärämzäluġ balnu Hun šoṭoġo!
    Gərəmzəluğ balnu Hun şot'oğo!
    P̣i ciḳalxon q̇a äfčiduġalxon ičoġoy ömüri qə͑ṭu teṭun yäšäyinšal sal!
    P'i śik'alxon q'a əfçiduğalxon içoğoy ömüri qı̌t'u tet'un yəşəyinşal sal!
    Ama bez umudi ga Hunnu!
    Ama bez umudi ga Hunnu!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.