TITUS
Biblia Udica, Versio Nizhensis: Vetus Testamentum
Part No. 184
Previous part

Chapter: 54 

54-ǯi ω͑vel mä͑ġ
54-ci Ǐvel mə̌ğ



Farḳalxoy däsṭin kalaṭaynaḳ. Simlä äṭṭäǯxoy faren mä͑ġe͑ġala Davidi ögüd-näsyät tadala ω͑vel mä͑ġ.
Fark'alxoy dəst'in kalat'aynak'. Simlə ət't'əcxoy faren mə̌ğěğala Davidi ögüd-nəsyət tadala Ǐvel mə̌ğ.

Zifluġon hari Šaula "David beši šähärene č̣aṗbaksa" piṭuxun oša cameci ω͑vel mä͑ġ. *
Zifluğon hari Şaula "David beşi şəhərene c'ap'baksa" pit'uxun oşa śameśi Ǐvel mə̌ğ. *


Verse: 1    Ay Buxaʒ́ux, Vi Šu baksuna aḳesṭi za čarḳesṭa,
   Ay Buxačux, Vi Şu baksuna ak'est'i za çark'est'a,
    Bezi taxsərsuz baksuna Vi kiin č̣evḳa ćoyel!
    Bezi taxsırsuz baksuna Vi kiin c'evk'a ç̌oyel!

Verse: 2    Bezi afərəna ibaka,
   Bezi afırına ibaka,
    Bezi Va ḳalpsuna ǯoġabsuz ma efa, ay Buxaʒ́ux!
    Bezi Va k'alpsuna coğabsuz ma efa, ay Buxačux!

Verse: 3    Mone, buxaʒ́uxsuzorox bez loxolṭun e͑qesa,
   Mone, buxačuxsuzorox bez loxolt'un ěqesa,
    Bespsunṭun čuresa za me zaləmxon!
    Bespsunt'un çuresa za me zalımxon!
    Buxaʒ́uġo nu čalxaloroxe šorox!
    Buxačuğo nu çalxaloroxe şorox!

Verse: 4    Ama avazu, Buxaʒ́uġon za täk tene bare,
   Ama avazu, Buxačuğon za tək tene bare,
    Zaynaḳ bać̣an bakalone Q̣ONƷ́UX!
    Zaynak' bač'an bakalone Q'ONČUX!

Verse: 5    Bez düšmänxoy pis ämälxo qaydi ičoġoy bel ciḳale Šoṭin,
   Bez düşmənxoy pis əməlxo qaydi içoğoy bel śik'ale Şot'in,
    Iz tadi äyiti loxol čurpi äfčibale šoṭoġo!
    İz tadi əyiti loxol çurpi əfçibale şot'oğo!

Verse: 6    Bez üḳexun Vaynaḳ q̇urban ešṭun č̣ovakale, ay Q̣ONƷ́UX!
   Bez ük'exun Vaynak' q'urban eşt'un c'ovakale, ay Q'ONČUX!
    Vi c̣iya, Vi ṭe gözäl c̣iya alaboz zu!
    Vi s'iya, Vi t'e gözəl s'iya alaboz zu!

Verse: 7    Bez bel eġala bäloġoxunen čarḳesṭi za Hun,
   Bez bel eğala bəloğoxunen çark'est'i za Hun,
    Bez düšmänxoy biti ćaxćuxesunan aḳesṭi za!
    Bez düşmənxoy biti ç̌axç̌uxesunan ak'est'i za!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.