TITUS
Biblia Udica, Versio Nizhensis: Vetus Testamentum
Part No. 159
Previous part

Chapter: 29 

29-ǯi ω͑vel mä͑ġ
29-ci Ǐvel mə̌ğ



Davidi ω͑vel mä͑ġ
Davidi Ǐvel mə̌ğ


Verse: 1    Q̣ONƷ́UĠOY c̣iya alabanan, ay göynul bakala angelxo,
   Q'ONČUĞOY s'iya alabanan, ay göynul bakala angelxo,
    Šoṭay zora, Šoṭay kala c̣iya ef muzel ečeri Iz c̣iya alabanan!
    Şot'ay zora, Şot'ay kala s'iya ef muzel eçeri İz s'iya alabanan!

Verse: 2    Šoṭay kalaluġa Iz c̣iya layiġ ćoyel č̣evḳanan,
   Şot'ay kalaluğa İz s'iya layiğ ç̌oyel c'evk'anan,
    Šoṭin Iz išiġ sakala ə͑velluġa haq̇i č̣eġaṭan Iz be͑ś bul ḳoc̣banan!
    Şot'in İz işiğ sakala ı̌velluğa haq'i c'eğat'an İz běš bul k'os'banan!

Verse: 3    Q̣ONƷ́UĠOY säs xeyurxoy loxolxune č̣eysa,
   Q'ONČUĞOY səs xeyurxoy loxolxune c'eysa,
    Šoṭay kalaluġi säse č̣eysa mo,
    Şot'ay kalaluği səse c'eysa mo,
    Göyen güruldayinšala ḳinäḳe güruldayinšbsa Šoṭin ṭe bä͑ġä͑loyuġxoy loxol!
    Göyen güruldayinşala k'inək'e güruldayinşbsa Şot'in t'e bə̌ğə̌loyuğxoy loxol!

Verse: 4    Osṭaare č̣eysa Q̣ONƷ́UĠOY säs,
   Ost'aare c'eysa Q'ONČUĞOY səs,
    Kalaluġa aḳesṭala säse šo.
    Kalaluğa ak'est'ala səse şo.

Verse: 5    Šame xodurxone sakon ṭe säsen,
   Şame xodurxone sakon t'e səsen,
    Livana bakala kala xodurxone tumexun č̣evḳon.
    Livana bakala kala xodurxone tumexun c'evk'on.

Verse: 6    Buruxmoġone iz ganuxun galsṭa šoṭin!
   Buruxmoğone iz ganuxun galst'a şot'in!
    Livani buruġo sa mozi ḳinäḳ,
    Livani buruğo sa mozi k'inək',
    Sirioni buruġo sa ǯäyil araḳ ḳinäḳ ǯupesesṭa.
    Sirioni buruğo sa cəyil arak' k'inək' cupesest'a.

Verse: 7    Q̣ONƷ́UĠOY säsäxun c̣ä͑q̇ene duġsa,
   Q'ONČUĞOY səsəxun s'ə̌q'ene duğsa,

Verse: 8    Oćale źə͑ḳesa Šoṭay säsäxun,
   Oç̌ale ǰı̌k'esa Şot'ay səsəxun,
    Qadeš amc̣i oćale gale iz ganuxun.
    Qadeş ams'i oç̌ale gale iz ganuxun.

Verse: 9    Mä͑xnä xodurxone ḳoc̣bon,
   Mə̌xnə xodurxone k'os'bon,
    Xazalxone ciḳon č̣äläye bakala xodurxoxun ṭe säsen.
    Xazalxone śik'on c'ələye bakala xodurxoxun t'e səsen.
    Mone, Šoṭay xrama sa säsen "alxəšq̇an baki!" nexṭun.
    Mone, Şot'ay xrama sa səsen "alxışq'an baki!" next'un.

Verse: 10    Posḳala xeyurxoy loxole laxe Q̣ONƷ́UĠON Iz taxṭa,
   Posk'ala xeyurxoy loxole laxe Q'ONČUĞON İz taxt'a,
    Hämišäluġ padčaġluġbseynaḳe laxe šoṭo.
    Həmişəluğ padçağluğbseynak'e laxe şot'o.

Verse: 11    Iz azuḳa zor tadalone Q̣ONƷ́UX,
   İz azuk'a zor tadalone Q'ONČUX,
    Ṭe azuḳaxun Iz bol xeyir-bäräkätä nu kambalone Šo!
    T'e azuk'axun İz bol xeyir-bərəkətə nu kambalone Şo!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.