TITUS
Biblia Udica, Versio Nizhensis: Vetus Testamentum
Part No. 160
Previous part

Chapter: 30 

30-ǯi ω͑vel mä͑ġ
30-ci Ǐvel mə̌ğ



Davidi ω͑vel mä͑ġ
Davidi Ǐvel mə̌ğ

Xrame qayesunasṭa šoṭay ə͑vel baksuna aḳesṭeynaḳ cameci ω͑vel mä͑ġ.
Xrame qayesunast'a şot'ay ı̌vel baksuna ak'est'eynak' śameśi Ǐvel mə̌ğ.


Verse: 1    Ay Q̣ONƷ́UX, Vi c̣iyaz alabsa,
   Ay Q'ONČUX, Vi s'iyaz alabsa,
    Šoṭaynaḳ ki, Hun za čarḳesendi,
    Şot'aynak' ki, Hun za çark'esendi,
    Za düšmänxoy turin oq̇a ten saki, šoṭoġo mu͑qtendi.
    Za düşmənxoy turin oq'a ten saki, şot'oğo mǔqtendi.

Verse: 2    Ay Q̣ONƷ́UX, bez Buxaʒ́ux,
   Ay Q'ONČUX, bez Buxačux,
    Vaz ḳalpi zu,
    Vaz k'alpi zu,
    Hunal za q̇olayenbi.
    Hunal za q'olayenbi.

Verse: 3    Za ṗuri ganuxunen qaydi, ay Q̣ONƷ́UX,
   Za p'uri ganuxunen qaydi, ay Q'ONČUX,
    Gärämzinäxunen zapi č̣evḳi za.
    Gərəmzinəxunen zapi c'evk'i za.

Verse: 4    Ay Q̣ONƷ́UĠOY laxi yaq̇axun nu č̣eġalorox,
   Ay Q'ONČUĞOY laxi yaq'axun nu c'eğalorox,
    Šoṭo tärifläyinšanan,
    Şot'o tərifləyinşanan,
    Šoṭay ə͑vel c̣iya alabala mä͑ġur mä͑ġpanan.
    Şot'ay ı̌vel s'iya alabala mə̌ğur mə̌ğpanan.

Verse: 5    Axəri Šoṭay äǯuġ č̣ovaki taġala,
   Axıri Şot'ay əcuğ c'ovaki tağala,
    Yaynaḳ bala šaaṭluġxo isä hämišäluġe.
    Yaynak' bala şaat'luğxo isə həmişəluğe.
    Üše piyexun barala neġ
    Üşe piyexun barala neğ
    Savaxṭan hari mu͑qluġane fərəḳon.
    Savaxt'an hari mǔqluğane fırık'on.

Verse: 6    Šaaṭ ġimxosṭa bez turin oq̇axun tez aksay,
   Şaat' ğimxost'a bez turin oq'axun tez aksay,
    Lamandi bisṭaxun tez q̇ə͑bsay.
    Lamandi bist'axun tez q'ı̌bsay.

Verse: 7    Ay Q̣ONƷ́UX, zaxun Vi šaaṭluġa nu kambaṭan burux ḳinäḳ osṭaarzuy zu,
   Ay Q'ONČUX, zaxun Vi şaat'luğa nu kambat'an burux k'inək' ost'aarzuy zu,
    Zaxun Vi ćoya tarasṭun q̇a za q̇ə͑yen haq̇sun sane baki.
    Zaxun Vi ç̌oya tarast'un q'a za q'ı̌yen haq'sun sane baki.

Verse: 8    Ay Q̣ONƷ́UX, zu Vaz ḳalpi,
   Ay Q'ONČUX, zu Vaz k'alpi,
    Ala Arciṭu metärez xoyinśṗi:
    Ala Arśit'u metərez xoyinšp'i:

Verse: 9    "Bezi ṗuri taysunen ḳä xeyirä ečon?
   "Bezi p'uri taysunen k'ə xeyirə eçon?
    Oćala gärbaki bädänen nä Vi c̣iyane alabes bakon,
    Oç̌ala gərbaki bədənen nə Vi s'iyane alabes bakon,
    Nääl Vi pi äyiti loxol hämišä čurpsuna bayanbes.
    Nəəl Vi pi əyiti loxol həmişə çurpsuna bayanbes.

Verse: 10    Ibaka za, ay Q̣ONƷ́UX, gorox eki,
   İbaka za, ay Q'ONČUX, gorox eki,
    P̣aṗesṗa Va, čarḳesṭa za, ay Q̣ONƷ́UX"!
    P'ap'esp'a Va, çark'est'a za, ay Q'ONČUX"!

Verse: 11    Hun za yasaxun č̣evḳi mu͑qexun äčipsun ḳä baksunan aḳesṭi,
   Hun za yasaxun c'evk'i mǔqexun əçipsun k'ə baksunan ak'est'i,
    Mä͑yin paltara č̣evḳi campi lapsunan q̇əsmat bi.
    Mə̌yin paltara c'evk'i śampi lapsunan q'ısmat bi.

Verse: 12    Mone, zuval šiṗ tez čurḳal,
   Mone, zuval şip' tez çurk'al,
    Va tärifläyinšala äyitmux bez źomoxun tene bital.
    Va tərifləyinşala əyitmux bez ǰomoxun tene bital.
    Hämišä Vi c̣iya alabala mä͑ġur mä͑ġḳoz,
    Həmişə Vi s'iya alabala mə̌ğur mə̌ğk'oz,
    Ay bez Buxaʒ́ux bakala Q̣ONƷ́UX!
    Ay bez Buxačux bakala Q'ONČUX!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.