TITUS
Biblia Udica, Versio Nizhensis: Vetus Testamentum
Part No. 158
Previous part

Chapter: 28 

28-ǯi ω͑vel mä͑ġ
28-ci Ǐvel mə̌ğ



Davidi ω͑vel mä͑ġ
Davidi Ǐvel mə̌ğ


Verse: 1    Ay Q̣ONƷ́UX, Vaz ḳale,
   Ay Q'ONČUX, Vaz k'ale,
    Za q̇orišalo Hunnu, za ǯoġabsuz ma efa.
    Za q'orişalo Hunnu, za coğabsuz ma efa.
    Vaxun ǯoġab nu ibakaṭan
    Vaxun coğab nu ibakat'an
    Meyid ḳinäḳez baksa zu.
    Meyid k'inək'ez baksa zu.

Verse: 2    Va xoyinśṗaṭan,
   Va xoyinšp'at'an,
    Bez ćoya Vi ə͑vel ḳožač biq̇i afərəḳaṭan za ibaka.
    Bez ç̌oya Vi ı̌vel k'ojaç biq'i afırık'at'an za ibaka.

Verse: 3    Za pisṭoġoxun, šär äš biq̇alṭoġoxun sagala äfčimaba,
   Za pist'oğoxun, şər əş biq'alt'oğoxun sagala əfçimaba,
    Ćoyel muć̣a äyitṗi, ama ičoġoy üḳ pisluġen buy bakalṭoġoxun sa ma biq̇a.
    Ç̌oyel muč'a əyitp'i, ama içoğoy ük' pisluğen buy bakalt'oğoxun sa ma biq'a.

Verse: 4    Šoṭoġoy ǯazina ičoġoy ämälxo görä,
   Şot'oğoy cazina içoğoy əməlxo görə,
    Ičoġoy biq̇i pis äšurxo görä tada.
    İçoğoy biq'i pis əşurxo görə tada.
    Šoṭoġoy ǯazina ičoġoy kiin biq̇i äšurxo görä boṭa,
    Şot'oğoy cazina içoğoy kiin biq'i əşurxo görə bot'a,
    Barta layiġ bakalṭu haq̇eq̇aṭun. *
    Barta layiğ bakalt'u haq'eq'at'un. *

Verse: 5    Šoṭoġon Q̣ONƷ́UĠOY biq̇i äšurxo hiḳḳalṭunbsa,
   Şot'oğon Q'ONČUĞOY biq'i əşurxo hik'k'alt'unbsa,
    Šoṭay kiyexun č̣eri äšurxoy kalaluġa teṭun aksa.
    Şot'ay kiyexun c'eri əşurxoy kalaluğa tet'un aksa.
    Q̣ONƷ́UĠONAL šoṭoġo tumexun äfčibale,
    Q'ONČUĞONAL şot'oğo tumexun əfçibale,
    Ičoġoy bula alabsuna imkan tene tadal ene.
    İçoğoy bula alabsuna imkan tene tadal ene.

Verse: 6    Q̣ONƷ́UĠO alxəšq̇an baki,
   Q'ONČUĞO alxışq'an baki,
    Bez xoyinśa inebaki Šoṭin!
    Bez xoyinša inebaki Şot'in!

Verse: 7    Za zor tadalo, za q̇orišalo Q̣ONƷ́UXE,
   Za zor tadalo, za q'orişalo Q'ONČUXE,
    Šoṭoz umudbaksa, bez üḳä buz ḳinäḳez efsa zu.
    Şot'oz umudbaksa, bez ük'ə buz k'inək'ez efsa zu.
    Za kul boxodi bezi üḳäne mu͑qṭi Šoṭin,
    Za kul boxodi bezi ük'əne mǔqt'i Şot'in,
    Šoṭay c̣iya alabala mä͑ġur mä͑ġḳoz zu.
    Şot'ay s'iya alabala mə̌ğur mə̌ğk'oz zu.

Verse: 8    Q̣ONƷ́UXE Izi azuḳa zor tadalo,
   Q'ONČUXE İzi azuk'a zor tadalo,
    Izi č̣äḳṗiṭaynaḳ bać̣an baki šoṭo čarḳesṭalo.
    İzi c'ək'p'it'aynak' bač'an baki şot'o çark'est'alo.

Verse: 9    Čarḳesun eča vi azuḳeynaḳ,
   Çark'esun eça vi azuk'eynak',
    Vaynaḳ č̣äḳṗiṭoġoxun Vi xeyir-bäräkätä kammaba!
    Vaynak' c'ək'p'it'oğoxun Vi xeyir-bərəkətə kammaba!
    Šoṭoġoynaḳ izi sürünä q̇orišala sa čoban baka,
    Şot'oğoynak' izi sürünə q'orişala sa çoban baka,
    Šoṭoġo hämišä q̇oriša!
    Şot'oğo həmişə q'orişa!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.