TITUS
Biblia Udica, Versio Nizhensis: Vetus Testamentum
Part No. 63
Previous part

Chapter: 13 

Nanaxun süfṭin bakiṭoġoy häsrbaksun
Nanaxun süft'in bakit'oğoy həsrbaksun


Verse: 1  Link to rat Q̣ONƷ́UĠON Moiseya pine:
   Q'ONČUĞON Moiseya pine:

Verse: 2  Link to rat "Israilluġoy nanaxun baki bütüm süfṭin ġar äyloġo, heyvanxoyal baki \ bütüm süfṭin ärkäy baloġo Za häsrbanan. Šorox Bezine". *
   "İsrailluğoy nanaxun baki bütüm süft'in ğar əyloğo, heyvanxoyal baki \ bütüm süft'in ərkəy baloğo Za həsrbanan. Şorox Bezine". *



Ä͑yinsuz śume axsibayi barada
Ə̌yinsuz šume axsibayi barada


Verse: 3  Link to rat Moiseyen ǯamaata pine: "Q̣ONƷ́UĠON vä͑x Izi zorba kiin Misiräxun, efi ḳul baki oćalaxun č̣evḳi ġina eyex efanan. Me ġine ä͑yinla śum ma ukanan.
   Moiseyen camaata pine: "Q'ONČUĞON və̌x İzi zorba kiin Misirəxun, efi k'ul baki oç̌alaxun c'evk'i ğina eyex efanan. Me ğine ə̌yinla šum ma ukanan.

Verse: 4  Link to rat Vä͑n ġe, aviv xašesṭanan * č̣eysa.
   Və̌n ğe, aviv xaşest'anan * c'eysa.

Verse: 5  Link to rat Q̣ONƷ́UĠON vä͑x ef bavoġo äyit tadi elasṗi ḳinäḳ, känanluġoy, xeṭluġoy, emorluġoy, xivluġoy, yevusluġoy oćala tadaṭan, muć̣anaq̇ q̇a uć̣ barala ṭe oćala vä͑x ečaṭan, moṭoġo här aviv xašasṭa ämälbanan:
   Q'ONČUĞON və̌x ef bavoğo əyit tadi elasp'i k'inək', kənanluğoy, xet'luğoy, emorluğoy, xivluğoy, yevusluğoy oç̌ala tadat'an, muč'anaq' q'a uč' barala t'e oç̌ala və̌x eçat'an, mot'oğo hər aviv xaşast'a əməlbanan:

Verse: 6  Link to rat vu͑ġ ġi ä͑yinsuz śum ukanan, vu͑ġu͑mǯi ġine isä Q̣ONƷ́UĠOY c̣iyal axsibay č̣ovakesṭanan.
   vǔğ ği ə̌yinsuz šum ukanan, vǔğǔmci ğine isə Q'ONČUĞOY s'iyal axsibay c'ovakest'anan.

Verse: 7  Link to rat Ṭe vu͑ġ ġinasṭa sayǯä ä͑yinsuz śum ukanan. Ef oćala sal sa gala, šuḳḳalasṭa nä ä͑yin, nääl ä͑yinen häzirbaki šey nu bakalane.
   T'e vǔğ ğinast'a saycə ə̌yinsuz šum ukanan. Ef oç̌ala sal sa gala, şuk'k'alast'a nə ə̌yin, nəəl ə̌yinen həzirbaki şey nu bakalane.

Verse: 8  Link to rat Ṭe ġine vi äylä metär upa: "Misiräxun č̣eġala vädine Q̣ONƷ́UĠON zaynaḳ biṭu göräz moṭo bsa".
   T'e ğine vi əylə metər upa: "Misirəxun c'eğala vədine Q'ONČUĞON zaynak' bit'u görəz mot'o bsa".

Verse: 9  Link to rat Barta me axsibaya č̣ovakesṭun vä͑ynaḳ ef kiin saal ef ḳodoġoy loxol bakala sa niśan ḳinäḳq̇an baki ki, Q̣ONƷ́UĠOY tadi me buyruġ ef eyexun nu č̣eġane. Axəri Q̣ONƷ́UĠON vä͑x Izi zorba kiin \ Misiräxun č̣eveḳi.
   Barta me axsibaya c'ovakest'un və̌ynak' ef kiin saal ef k'odoğoy loxol bakala sa nišan k'inək'q'an baki ki, Q'ONČUĞOY tadi me buyruğ ef eyexun nu c'eğane. Axıri Q'ONČUĞON və̌x İzi zorba kiin \ Misirəxun c'evek'i.

Verse: 10  Link to rat Usenaxun-usena vä͑ynaḳ täyinbaki vädine me q̇aydina ämälbanan
   Usenaxun-usena və̌ynak' təyinbaki vədine me q'aydina əməlbanan



Nanaxun süfṭin bakiṭoġo häsrbseynaḳ q̇aydoox
Nanaxun süft'in bakit'oğo həsrbseynak' q'aydoox


Verse: 11  Link to rat Q̣ONƷ́UĠON vä͑x saal ef bavoġo äyit tadi elaspi ḳinäḳ vä͑x känanluġoy oćala ečaṭan, ṭiyana vä͑x tadaṭan
   Q'ONČUĞON və̌x saal ef bavoğo əyit tadi elaspi k'inək' və̌x kənanluğoy oç̌ala eçat'an, t'iyana və̌x tadat'an

Verse: 12  Link to rat bütüm süfṭin nanaxun baki ġar äyloġo Q̣ONƷ́UĠO häsrbanan, ef heyvanxoy bütüm süfṭin ärkäy baloxal Q̣ONƷ́UĠOYQ̣AN baki. *
   bütüm süft'in nanaxun baki ğar əyloğo Q'ONČUĞO həsrbanan, ef heyvanxoy bütüm süft'in ərkəy baloxal Q'ONČUĞOYQ'AN baki. *

Verse: 13  Link to rat Elemi süfṭin ärkäy balin galal sa eġeli, nääl kečin bala tadanan. Ägär šoṭay gala moṭo nu tadaynan, ṭe elemi balin ozana xoxṗanan. Efi süfṭin ġar äyloġoy galal sa eġeli, nääl kečin bala tadanan.
   Elemi süft'in ərkəy balin galal sa eğeli, nəəl keçin bala tadanan. Əgər şot'ay gala mot'o nu tadaynan, t'e elemi balin ozana xoxp'anan. Efi süft'in ğar əyloğoy galal sa eğeli, nəəl keçin bala tadanan.

Verse: 14  Link to rat Gäläǯäye ef ġarmoġon vä͑xun "mo heṭaynaḳe?" pi xavar haq̇aṭan šoṭoġo metär upanan: "Q̣ONƷ́UĠON yax Misiräxun, beši ḳul baki ölkinäxun Izi zorba kiin č̣eveḳi.
   Gələcəye ef ğarmoğon və̌xun "mo het'aynak'e?" pi xavar haq'at'an şot'oğo metər upanan: "Q'ONČUĞON yax Misirəxun, beşi k'ul baki ölkinəxun İzi zorba kiin c'evek'i.

Verse: 15  Link to rat Faraonen inadkärluġbi yax nu tärbaṭan Q̣ONƷ́UĠON bütüm misirluġoy süfṭin ġarmoġo, hamal šoṭoġoy heyvanxoy bütüm süfṭin baloġo besebi. Moṭo göräyan yan heyvanxoy bütüm süfṭin ärkäy baloġo q̇urban tasṭa, beš süfṭin ġarmoġoy gala isä sa eġeli, nääl kečin balayan q̇urban ešṭa".
   Faraonen inadkərluğbi yax nu tərbat'an Q'ONČUĞON bütüm misirluğoy süft'in ğarmoğo, hamal şot'oğoy heyvanxoy bütüm süft'in baloğo besebi. Mot'o görəyan yan heyvanxoy bütüm süft'in ərkəy baloğo q'urban tast'a, beş süft'in ğarmoğoy gala isə sa eğeli, nəəl keçin balayan q'urban eşt'a".

Verse: 16  Link to rat Barta morox vaynaḳ vi kiin nääl vi ḳodoġoy loxol bakala sa niśan ḳinäḳq̇an baki ki, Q̣ONƷ́UĠON yax Misiräxun Iz zorba kiin \ č̣evksuna eyex efanan".
   Barta morox vaynak' vi kiin nəəl vi k'odoğoy loxol bakala sa nišan k'inək'q'an baki ki, Q'ONČUĞON yax Misirəxun İz zorba kiin \ c'evksuna eyex efanan".



Buxaʒ́uġoy israilluġo ičoġoy taġala yaq̇a aḳesṭun
Buxačuğoy israilluğo içoğoy tağala yaq'a ak'est'un


Verse: 17  Link to rat Faraonen israilluġo tärbiṭuxun oša Buxaʒ́uġon šoṭoġo filisṭluġoy ölkinäxun č̣ovakala yaq̇en tene tašeri. Ṭe yaq̇ ə͑śa yaq̇ey, ama Buxaʒ́uġon pine: "Me yaq̇en taġaṭan filisṭluyoxun davabsun lazəm bakale, azuḳen isä moṭo aḳi iz fikirä badalbi Misirä qaybaksune čureġon".
   Faraonen israilluğo tərbit'uxun oşa Buxačuğon şot'oğo filist'luğoy ölkinəxun c'ovakala yaq'en tene taşeri. T'e yaq' ı̌ša yaq'ey, ama Buxačuğon pine: "Me yaq'en tağat'an filist'luyoxun davabsun lazım bakale, azuk'en isə mot'o ak'i iz fikirə badalbi Misirə qaybaksune çureğon".

Verse: 18  Link to rat Koṭo göräl Buxaʒ́uġon azuḳa Ć̣oć̣a dänizäč amc̣i oćali yaq̇ene fərədi tašeri. Šorox davina häzir bakala q̇ošun ḳinäḳṭun Misiräxun č̣eri.
   Kot'o görəl Buxačuğon azuk'a Č'oč'a dənizəç ams'i oç̌ali yaq'ene fırıdi taşeri. Şorox davina həzir bakala q'oşun k'inək't'un Misirəxun c'eri.

Verse: 19  Link to rat Moiseyen Iosifi u͑q̇e͑nxoval ičuxun tanešeri, šoṭaynaḳ ki, Iosifen israilluġo "Buxaʒ́uġon müṭläḳ vä͑x čarḳesṭale, taġala vädine vä͑xun bezi u͑q̇e͑nxoval memiin č̣evḳanan" pi elase tadesṭey. *
   Moiseyen İosifi ǔq'ěnxoval içuxun taneşeri, şot'aynak' ki, İosifen israilluğo "Buxačuğon müt'lək' və̌x çark'est'ale, tağala vədine və̌xun bezi ǔq'ěnxoval memiin c'evk'anan" pi elase tadest'ey. *

Verse: 20  Link to rat Israilluyox Suḳḳoṭaxun yaq̇a bafṭi hari amc̣i oćali bel bakala Eṭama čurḳala gaṭun düzbi.
   İsrailluyox Suk'k'ot'axun yaq'a baft'i hari ams'i oç̌ali bel bakala Et'ama çurk'ala gat'un düzbi.

Verse: 21  Link to rat Q̣ONƷ́UĠON Ičine šoṭoġo tašṭay: ġenaxun asoyi sütüni boš, üše isä išiġ sakala aruġoy sütüni boš šoṭoġoy be͑ś taci yaq̇e aḳesṭay. Metärluġen, šorox ham ġene išiġen, hamal üše yaq̇ tayesṭun baksay.
   Q'ONČUĞON İçine şot'oğo taşt'ay: ğenaxun asoyi sütüni boş, üşe isə işiğ sakala aruğoy sütüni boş şot'oğoy běš taśi yaq'e ak'est'ay. Metərluğen, şorox ham ğene işiğen, hamal üşe yaq' tayest'un baksay.

Verse: 22  Link to rat Nä ġenaxun bakala asoyi sütün, nä üše bakala aruġoy sütün azuḳi be͑śṭan ǯöy tene baksay.
   Nə ğenaxun bakala asoyi sütün, nə üşe bakala aruğoy sütün azuk'i běšt'an cöy tene baksay.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.