TITUS
Biblia Udica, Versio Nizhensis: Vetus Testamentum
Part No. 55
Previous part

Chapter: 5 

Moisey q̇a Aaron faraoni saraya
Moisey q'a Aaron faraoni saraya


Verse: 1  Link to rat Oša Moiseyen q̇a Aaronen faraoni ṭo͑ġo͑l taci piṭun: "Q̣ONƷ́UĠON, israilluġoy Buxaʒ́uġon metäre nex: "Bezi azuḳa tärba ki, taci amc̣i oćala \ Bez c̣iyen axsibayq̇aṭun č̣ovakesṭi!"
   Oşa Moiseyen q'a Aaronen faraoni t'ǒğǒl taśi pit'un: "Q'ONČUĞON, israilluğoy Buxačuğon metəre nex: "Bezi azuk'a tərba ki, taśi ams'i oç̌ala \ Bez s'iyen axsibayq'at'un c'ovakest'i!"

Verse: 2  Link to rat Faraonen pine: "Q̣ONƷ́UX šuva ki, Šoṭo u͑mu͑xlaxi israilluġo tärbaz? Nä Q̣ONƷ́UĠO čaltezaxsa, nä israilluġo tärbala fikir tezax bu".
   Faraonen pine: "Q'ONČUX şuva ki, Şot'o ǔmǔxlaxi israilluğo tərbaz? Nə Q'ONČUĞO çaltezaxsa, nə israilluğo tərbala fikir tezax bu".

Verse: 3  Link to rat Šoṭoġon piṭun: "Yax äbraniġoy Buxaʒ́uxe aḳece. Barta yan amc̣i oćala xib ġiluġ yaq̇ taci, ṭiya Q̣ONƷ́UĠOYNAḲ, beši Buxaʒ́uġoynaḳ q̇urban ečen ki, yax yaroġon nääl q̇ələnǯen maq̇an äfčibi".
   Şot'oğon pit'un: "Yax əbraniğoy Buxačuxe ak'eśe. Barta yan ams'i oç̌ala xib ğiluğ yaq' taśi, t'iya Q'ONČUĞOYNAK', beşi Buxačuğoynak' q'urban eçen ki, yax yaroğon nəəl q'ılıncen maq'an əfçibi".

Verse: 4  Link to rat Misiri padčaġen isä šoṭoġo pine: "Ay Moisey q̇a Aaron, heṭaynaḳnan azuḳa iz äšläxunbsa? Takinan, ef äšlä äšṗanan".
   Misiri padçağen isə şot'oğo pine: "Ay Moisey q'a Aaron, het'aynak'nan azuk'a iz əşləxunbsa? Takinan, ef əşlə əşp'anan".

Verse: 5  Link to rat Oša faraonen pine: "Be͑ġanan me ölkinä ef azuḳi say heq̇ädäre, vä͑n isä šoṭoġo äšläxunbsunnan čuresa"
   Oşa faraonen pine: "Běğanan me ölkinə ef azuk'i say heq'ədəre, və̌n isə şot'oğo əşləxunbsunnan çuresa"



Faraoni israilluġo aḳesṭala q̇äddarluġ
Faraoni israilluğo ak'est'ala q'əddarluğ


Verse: 6  Link to rat Haṭe ġi faraonen näzärätčiġo q̇a äšläbe͑ġalxo ämirbi pine:
   Hat'e ği faraonen nəzərətçiğo q'a əşləběğalxo əmirbi pine:

Verse: 7  Link to rat "Moṭoxun oša ene me azuḳa kärpič düzbseynaḳ neq tamadanan. Bartanan ičanq̇aṭun taci neq girbi.
   "Mot'oxun oşa ene me azuk'a kərpiç düzbseynak' neq tamadanan. Bartanan içanq'at'un taśi neq girbi.

Verse: 8  Link to rat Ama ičoġoy tadala kärpič̣i say hämišänin ḳinäḳq̇an baki. Tänbälluġaxun "taġen beši Buxaʒ́uġo q̇urban ečen" pi šivanṭunbsa.
   Ama içoğoy tadala kərpic'i say həmişənin k'inək'q'an baki. Tənbəlluğaxun "tağen beşi Buxačuğo q'urban eçen" pi şivant'unbsa.

Verse: 9  Link to rat Ičoġoy äšlä samalal gelebanan ki, amc̣i exlätxo fikir tasṭuna ičoġoy vaxṭ maq̇an baki!"
   İçoğoy əşlə samalal gelebanan ki, ams'i exlətxo fikir tast'una içoğoy vaxt' maq'an baki!"

Verse: 10  Link to rat Näzärätčiyox q̇a äšläbe͑ġalxoval ǯamaati be͑ś č̣eri piṭun: "Faraonen metäre nex: "Ene zu vä͑x neq tez tadal.
   Nəzərətçiyox q'a əşləběğalxoval camaati běš c'eri pit'un: "Faraonen metəre nex: "Ene zu və̌x neq tez tadal.

Verse: 11  Link to rat Takinan, vä͑n mayin čurnansa neqa girbanan. Ef tadala kärpič̣i say isä hämišänin ḳinäḳ mandale".
   Takinan, və̌n mayin çurnansa neqa girbanan. Ef tadala kərpic'i say isə həmişənin k'inək' mandale".

Verse: 12  Link to rat Azuḳal dirisṭ Misiri oćalxo bafṭi neqe gala koloś girbsane burqi.
   Azuk'al dirist' Misiri oç̌alxo baft'i neqe gala kološ girbsane burqi.

Verse: 13  Link to rat Näzärätčiġonal šoṭoġo mäǯburbi nexṭuniy: "Vä͑x neq tadeġala vädine ġiluġ heq̇ädär kärpič bsananiysa, isääl haṭeq̇ädär banan!"
   Nəzərətçiğonal şot'oğo məcburbi next'uniy: "Və̌x neq tadeğala vədine ğiluğ heq'ədər kərpiç bsananiysa, isəəl hat'eq'ədər banan!"

Verse: 14  Link to rat Faraoni näzärätčiġon israilluġoxun bakala äšläbe͑ġalxo isä ṭapi piṭun: "Heṭaynaḳ ef hämišänin ġiluġ kärpič̣i saya tenanbsa?"
   Faraoni nəzərətçiğon israilluğoxun bakala əşləběğalxo isə t'api pit'un: "Het'aynak' ef həmişənin ğiluğ kərpic'i saya tenanbsa?"

Verse: 15  Link to rat Ṭe vädä israilluġoxun bakala äšläbe͑ġalxon faraoni ṭo͑ġo͑l taci šoṭo xoyinśbi piṭun: "Yaxun heṭaynaḳen metär räfṭärbsa?
   T'e vədə israilluğoxun bakala əşləběğalxon faraoni t'ǒğǒl taśi şot'o xoyinšbi pit'un: "Yaxun het'aynak'en metər rəft'ərbsa?

Verse: 16  Link to rat Vi ḳulurxo neq teṭun tasṭa, ama "kärpič düzbanan" nexṭun. Mone, vi ḳulurxo ṭaṗesa, ama me günax vi azuḳi loxole".
   Vi k'ulurxo neq tet'un tast'a, ama "kərpiç düzbanan" next'un. Mone, vi k'ulurxo t'ap'esa, ama me günax vi azuk'i loxole".

Verse: 17  Link to rat Faraonen isä pine: "Tänbälxonan, tänbälxo, koṭo göränän "taġen, Q̣ONƷ́UĠO q̇urban ečen" nexe.
   Faraonen isə pine: "Tənbəlxonan, tənbəlxo, kot'o görənən "tağen, Q'ONČUĞO q'urban eçen" nexe.

Verse: 18  Link to rat Takinan äšṗanan! Vä͑x neq tene tadeġal, ama ġiluġ kärpič̣i saya düzbinanbuq̇on".
   Takinan əşp'anan! Və̌x neq tene tadeğal, ama ğiluğ kərpic'i saya düzbinanbuq'on".

Verse: 19  Link to rat Israillu äšläbe͑ġalxon "vä͑ynaḳ laxeci ġiluġ kärpič̣i say tene malbakal" äyitmoġo ibakaṭan ičoġoy čätin väzyätä bafsṭuna q̇amišṭunbaki.
   İsraillu əşləběğalxon "və̌ynak' laxeśi ğiluğ kərpic'i say tene malbakal" əyitmoğo ibakat'an içoğoy çətin vəzyətə bafst'una q'amişt'unbaki.

Verse: 20  Link to rat Šoṭoġon faraoni ṭo͑o͑xun č̣eġaṭan šoṭoġoy yaq̇a be͑ġala Moiseya q̇a Aarona aḳi
   Şot'oğon faraoni t'ǒǒxun c'eğat'an şot'oğoy yaq'a běğala Moiseya q'a Aarona ak'i

Verse: 21  Link to rat piṭun: "Barta Q̣ONƷ́UĠONQ̣AN ef ḳä bsuna aḳi, ef ǯazina tadi! Vä͑n yax faraoni q̇a šoṭay sarayi amdarxoy piyes pisnanbi, yax bespseynaḳ ičoġoy kiyel q̇ələnǯnan tadi".
   pit'un: "Barta Q'ONČUĞONQ'AN ef k'ə bsuna ak'i, ef cazina tadi! Və̌n yax faraoni q'a şot'ay sarayi amdarxoy piyes pisnanbi, yax bespseynak' içoğoy kiyel q'ılıncnan tadi".



Moiseyi Q̣onʒ́uġoxun umuksuluġbsun
Moiseyi Q'ončuğoxun umuksuluğbsun


Verse: 22  Link to rat Moiseyen Q̣ONƷ́UĠO pine: "Ay bezi Q̣onʒ́ux, heṭaynaḳen me azuḳa metär bälinä badi? Za moṭo görän yaq̇abey?
   Moiseyen Q'ONČUĞO pine: "Ay bezi Q'ončux, het'aynak'en me azuk'a metər bəlinə badi? Za mot'o görən yaq'abey?

Verse: 23  Link to rat Faraoni ṭo͑ġo͑l Vi c̣iyen exlätpseynaḳ taciṭuxun maġay šoṭin me azuḳa zülüme tasṭa. Hun isä Vi azuḳa ten čarḳesṭi".
   Faraoni t'ǒğǒl Vi s'iyen exlətpseynak' taśit'uxun mağay şot'in me azuk'a zülüme tast'a. Hun isə Vi azuk'a ten çark'est'i".



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.