TITUS
Biblia Udica, Versio Nizhensis: Vetus Testamentum
Part No. 54
Previous part

Chapter: 4 

Q̣ONƷ́UĠON Moiseya möǯüzoox aḳesṭuni exṭiyär tasṭun
Q'ONČUĞON Moiseya möcüzoox ak'est'uni ext'iyər tast'un


Verse: 1  Link to rat Ama Moiseyen metäre ǯoġab tadi: "P̣oy šoṭoġon za nu ve͑baki, bezi äyitä nu u͑mu͑xlaxi "Q̣ONƷ́UX va aḳecitene" uḳayṭun?"
   Ama Moiseyen metəre coğab tadi: "P'oy şot'oğon za nu věbaki, bezi əyitə nu ǔmǔxlaxi "Q'ONČUX va ak'eśitene" uk'ayt'un?"

Verse: 2  Link to rat Ṭe vädä Q̣ONƷ́UĠON Moiseya pine: "Vi kiyel bakalo hiḳä?" Šoṭin pine: "Čombaġ".
   T'e vədə Q'ONČUĞON Moiseya pine: "Vi kiyel bakalo hik'ə?" Şot'in pine: "Çombağ".

Verse: 3  Link to rat Q̣ONƷ́UĠON pine: "Šoṭo oq̇a bosa". Moiseyen šoṭo bonesi, čombaġ diziḳäne fərəpi. Moisey qoš-qoše baki.
   Q'ONČUĞON pine: "Şot'o oq'a bosa". Moiseyen şot'o bonesi, çombağ dizik'əne fırıpi. Moisey qoş-qoşe baki.

Verse: 4  Link to rat Q̣ONƷ́UĠON isä Moiseya pine: "Vi kula boxodi šoṭay oźulaxun biq̇a". Moiseyenal iz kula boxodi diziḳä biq̇aṭan šo ṗurum iz kiyel čombaġe baki.
   Q'ONČUĞON isə Moiseya pine: "Vi kula boxodi şot'ay oǰulaxun biq'a". Moiseyenal iz kula boxodi dizik'ə biq'at'an şo p'urum iz kiyel çombağe baki.

Verse: 5  Link to rat Oša Q̣ONƷ́UĠON pine: "Me niśan šoṭo göräne ki, israilluġon Q̣ONƷ́UĠOY, ičoġoy bavoġoy - Avrahami Buxaʒ́ux, Isaaḳi Buxaʒ́ux saal Iaḳovi Buxaʒ́uġoy va aḳesuna ve͑bakaṭun".
   Oşa Q'ONČUĞON pine: "Me nišan şot'o görəne ki, israilluğon Q'ONČUĞOY, içoğoy bavoğoy - Avrahami Buxačux, İsaak'i Buxačux saal İak'ovi Buxačuğoy va ak'esuna věbakat'un".

Verse: 6  Link to rat Oša Q̣ONƷ́UĠON pine: "Vi kula vi q̇oltuġe laxa". Moiseyen kula q̇oltuġe lanexi, kula q̇oltuġexun č̣evḳaṭan isä iz kul dirisṭ q̇otur bafṭiney, šo ə͑ź ḳinäḳ mapmac̣iney.
   Oşa Q'ONČUĞON pine: "Vi kula vi q'oltuğe laxa". Moiseyen kula q'oltuğe lanexi, kula q'oltuğexun c'evk'at'an isə iz kul dirist' q'otur baft'iney, şo ı̌ǰ k'inək' mapmas'iney.

Verse: 7  Link to rat Oša Q̣ONƷ́UĠON pine: "Isä kula ṗurum vi q̇oltuġe laxa". Moiseyen ṗurum iz kula q̇oltuġene laxi, kula q̇oltuġexun č̣evḳaṭan isä šo iz \ bädän ḳinäḳ tämizey.
   Oşa Q'ONČUĞON pine: "İsə kula p'urum vi q'oltuğe laxa". Moiseyen p'urum iz kula q'oltuğene laxi, kula q'oltuğexun c'evk'at'an isə şo iz \ bədən k'inək' təmizey.

Verse: 8  Link to rat Q̣ONƷ́UĠON saal pine: "Ägär va nu ve͑bakayṭun, süfṭin möǯüzinen ičoġo nu ve͑dayin, ošin möǯüzinen šoṭoġo ve͑dale.
   Q'ONČUĞON saal pine: "Əgər va nu věbakayt'un, süft'in möcüzinen içoğo nu vědayin, oşin möcüzinen şot'oğo vědale.

Verse: 9  Link to rat Ama ägär me ṗrannal nu ve͑baki vi äyitä nu u͑mu͑xlaxayṭun, Nil oqe xenaxun exṭi q̇ariluġa cipa. Oqexun exṭi xe q̇ariluġa ṗiya taraḳale".
   Ama əgər me p'rannal nu věbaki vi əyitə nu ǔmǔxlaxayt'un, Nil oqe xenaxun ext'i q'ariluğa śipa. Oqexun ext'i xe q'ariluğa p'iya tarak'ale".

Verse: 10  Link to rat Moiseyen Q̣ONƷ́UĠO pine: "Ay bezi Q̣onʒ́ux, zu nä ṭevaxṭ yönbäri äyitḳal tez bake, nääl isä, Hun me Vi ḳulaxun äyitḳala vädineyal sa yönbäri äyitḳal tezu".
   Moiseyen Q'ONČUĞO pine: "Ay bezi Q'ončux, zu nə t'evaxt' yönbəri əyitk'al tez bake, nəəl isə, Hun me Vi k'ulaxun əyitk'ala vədineyal sa yönbəri əyitk'al tezu".

Verse: 11  Link to rat Q̣ONƷ́UĠON šoṭo pine: Amdara muz tadiyo šuva? Amdara lal, kar, ḳać̣i nääl iz aḳes baksuna tadiyo šuva? Moṭo balo Zu Q̣ONƷ́UX tezu ki?
   Q'ONČUĞON şot'o pine: Amdara muz tadiyo şuva? Amdara lal, kar, k'ač'i nəəl iz ak'es baksuna tadiyo şuva? Mot'o balo Zu Q'ONČUX tezu ki?

Verse: 12  Link to rat Häysä isä taki! Zu va kömäyboz, vi ḳä upsun lazəmesa va zomboz".
   Həysə isə taki! Zu va köməyboz, vi k'ə upsun lazımesa va zomboz".

Verse: 13  Link to rat Moiseyen pine: "Ay bezi Q̣onʒ́ux, xoyinśezbsa, q̇eräz sa amdar yaq̇aba".
   Moiseyen pine: "Ay bezi Q'ončux, xoyinšezbsa, q'erəz sa amdar yaq'aba".

Verse: 14  Link to rat Q̣ONƷ́UĠON Moiseyi loxol äǯuġon biq̇i pine: "Axəri vi viči Leviṭ Aaronal bune. Avazu ki, šoṭin šaaṭ äyitṗes baneksa. Häysä šo vi be͑śe eysa. Va aḳaṭanal šo üḳin mu͑qbakale.
   Q'ONČUĞON Moiseyi loxol əcuğon biq'i pine: "Axıri vi viçi Levit' Aaronal bune. Avazu ki, şot'in şaat' əyitp'es baneksa. Həysə şo vi běše eysa. Va ak'at'anal şo ük'in mǔqbakale.

Verse: 15  Link to rat Vi vičäxun exlätṗa, ḳä upsun lazəmesa, šoṭo upa. Vä͑n ṗrannanal äyitḳaṭan Zu vä͑x kömäyboz, ḳä bsun lazəmesa zomboz.
   Vi viçəxun exlətp'a, k'ə upsun lazımesa, şot'o upa. Və̌n p'rannanal əyitk'at'an Zu və̌x köməyboz, k'ə bsun lazımesa zomboz.

Verse: 16  Link to rat Vi gala ǯamaataxun Aaronen äyitḳale. Hun šoṭo Bez äyitmoġo ṗaṗesṗalnu, šoṭinal vi muzen ǯamaataxun exlätṗale.
   Vi gala camaataxun Aaronen əyitk'ale. Hun şot'o Bez əyitmoğo p'ap'esp'alnu, şot'inal vi muzen camaataxun exlətp'ale.

Verse: 17  Link to rat Me čombaġal vi kiyel exṭa, šoṭay kömäyen möǯüzoox aḳesṭalnu".
   Me çombağal vi kiyel ext'a, şot'ay köməyen möcüzoox ak'est'alnu".



Moiseyi Misirä qaybaksun
Moiseyi Misirə qaybaksun


Verse: 18  Link to rat Moisey iz q̇ayinba Yeṭroni ṭo͑ġo͑l qaybaki pine: "Barta bezi Misirä bakala q̇oomxoy ṭo͑ġo͑l qaybakaz, be͑ġaz be͑yn šorox dirisṭṭun". Yeṭronen Moiseya pine: "Taki, vaynaḳ šaaṭ yaq̇".
   Moisey iz q'ayinba Yet'roni t'ǒğǒl qaybaki pine: "Barta bezi Misirə bakala q'oomxoy t'ǒğǒl qaybakaz, běğaz běyn şorox dirist't'un". Yet'ronen Moiseya pine: "Taki, vaynak' şaat' yaq'".

Verse: 19  Link to rat Moisey Midyan oćala bakaṭan Q̣ONƷ́UĠON iču peney: "Misirä qaybaka, vi elmoġo haq̇sun čureġalṭoġoy bito ene ṗureṭun".
   Moisey Midyan oç̌ala bakat'an Q'ONČUĞON içu peney: "Misirə qaybaka, vi elmoğo haq'sun çureğalt'oğoy bito ene p'uret'un".

Verse: 20  Link to rat Metärluġen, Moiseyen iz čuġo q̇a ġarmoġo elema arcevḳi, Buxaʒ́uġon iču bürüši čombaġal iz kiyel exṭi Misiräne taci.
   Metərluğen, Moiseyen iz çuğo q'a ğarmoğo elema arśevk'i, Buxačuğon içu bürüşi çombağal iz kiyel ext'i Misirəne taśi.

Verse: 21  Link to rat Q̣ONƷ́UĠON Moiseya pine: "Be͑ġa, Misirä qaybakaṭan Bezi va aḳesṭeynaḳ tadi zoren bito ṭe möǯüzoġo faraoni be͑ś aḳesṭa. Ama Zu šoṭo inadkärboz, šoṭinal azuḳa tene tärbal.
   Q'ONČUĞON Moiseya pine: "Běğa, Misirə qaybakat'an Bezi va ak'est'eynak' tadi zoren bito t'e möcüzoğo faraoni běš ak'est'a. Ama Zu şot'o inadkərboz, şot'inal azuk'a tene tərbal.

Verse: 22  Link to rat Ṭe vädä faraona uḳalnu: "Q̣ONƷ́UĠON metäre nex: "Israilluyox Bezi süfṭin ġar ḳinäḳṭun.
   T'e vədə faraona uk'alnu: "Q'ONČUĞON metəre nex: "İsrailluyox Bezi süft'in ğar k'inək't'un.

Verse: 23  Link to rat Va pizu ki, Za bul ḳoc̣bseynaḳ Bezi ġara tärba! Hun isä šoṭo ten čureci tärbsun. Moṭo görä Zu vi süfṭin ġara besṗoz". *
   Va pizu ki, Za bul k'os'bseynak' Bezi ğara tərba! Hun isə şot'o ten çureśi tərbsun. Mot'o görə Zu vi süft'in ğara besp'oz". *

Verse: 24  Link to rat Yaq̇a, üše basḳi vädine Q̣ONƷ́UX ə͑śalayinšaki, šoṭo bespsune čureci.
   Yaq'a, üşe bask'i vədine Q'ONČUX ı̌šalayinşaki, şot'o bespsune çureśi.

Verse: 25  Link to rat Siṗṗoran isä sa ġayin źe͑ exṭi iz ġara sünnätebi, oša sünnätbi yeq̇a šoṭay turmoġo lafṭesṭi pine: "Hun bezi ṗiye q̇oomnu". *
   Sip'p'oran isə sa ğayin ǰě ext'i iz ğara sünnətebi, oşa sünnətbi yeq'a şot'ay turmoğo laft'est'i pine: "Hun bezi p'iye q'oomnu". *

Verse: 26  Link to rat Ṭe vädä \ Q̣ONƷ́UĠON šoṭoxun kule haq̇i. Siṗṗoran ġara sünnätbsuna göräne "Hun bezi ṗiye q̇oomnu" pey.
   T'e vədə \ Q'ONČUĞON şot'oxun kule haq'i. Sip'p'oran ğara sünnətbsuna görəne "Hun bezi p'iye q'oomnu" pey.



Moiseyi q̇a Aaroni israilluġoy aġsaq̇q̇alxoy ṭo͑ġo͑l taysun
Moiseyi q'a Aaroni israilluğoy ağsaq'q'alxoy t'ǒğǒl taysun


Verse: 27  Link to rat Q̣ONƷ́UĠON Aarona pine: "Moiseyi be͑ś č̣eyseynaḳ amc̣i oćala taki". Aaronenal taci Buxaʒ́uġoy buruġoy * ṭo͑ġo͑l iz vičä iräsṭe hari, šoṭo mučepi.
   Q'ONČUĞON Aarona pine: "Moiseyi běš c'eyseynak' ams'i oç̌ala taki". Aaronenal taśi Buxačuğoy buruğoy * t'ǒğǒl iz viçə irəst'e hari, şot'o muçepi.

Verse: 28  Link to rat Moiseyen Q̣ONƷ́UĠOY iču hetär yaq̇absuni, iču mani äyitmoġo upsuni, hetär möǯüzoġoy aḳesṭuni barada pi äyitmoġo bütümä Aarona exlätebi.
   Moiseyen Q'ONČUĞOY içu hetər yaq'absuni, içu mani əyitmoğo upsuni, hetər möcüzoğoy ak'est'uni barada pi əyitmoğo bütümə Aarona exlətebi.

Verse: 29  Link to rat Šoṭoġon taci israilluġoy bütüm aġsaq̇q̇alxo girṭunbi.
   Şot'oğon taśi israilluğoy bütüm ağsaq'q'alxo girt'unbi.

Verse: 30  Link to rat Aaronen Q̣ONƷ́UĠON Moiseya pi äyitmoġo bitova šoṭoġo exlätebi, Moiseyenal azuḳi be͑ś möǯüzoġone aḳesṭi.
   Aaronen Q'ONČUĞON Moiseya pi əyitmoğo bitova şot'oğo exlətebi, Moiseyenal azuk'i běš möcüzoğone ak'est'i.

Verse: 31  Link to rat Azuḳal moṭoġo ve͑nebaki. Šoṭoġon Q̣ONƷ́UĠOY israilluġoy äzyätä aḳi Iz kula šoṭoġoy loxolxun nu zapsuna ibakaṭan, Šoṭo bulṭun ḳoc̣bi.
   Azuk'al mot'oğo věnebaki. Şot'oğon Q'ONČUĞOY israilluğoy əzyətə ak'i İz kula şot'oğoy loxolxun nu zapsuna ibakat'an, Şot'o bult'un k'os'bi.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.