TITUS
Biblia Udica, Versio Nizhensis: Vetus Testamentum
Part No. 40
Previous part

Chapter: 40 


Iosifen zindana arciṭoġoy neṗurxon ḳä upsunane nex
İosifen zindana arśit'oğoy nep'urxon k'ə upsunane nex


Verse: 1  Link to rar   Sa heq̇ädär vädä hari č̣ovaneki, sa ġiyal ṭetäre baki ki, saraya äšṗala fibaḳalen q̇a śumbadalen ičoġoy aġay, Misiri padčaġ bakala faraoni äǯuġo biq̇esṭundi.
   Sa heq'ədər vədə hari c'ovaneki, sa ğiyal t'etəre baki ki, saraya əşp'ala fibak'alen q'a šumbadalen içoğoy ağay, Misiri padçağ bakala faraoni əcuğo biq'est'undi.

Verse: 2  Link to rar   Faraonenal izi äǯuġon biq̇i ämirebi ki, izi saraya bakala fibaḳalxoy kalaṭu q̇a śumbadalxoy kalaṭu
   Faraonenal izi əcuğon biq'i əmirebi ki, izi saraya bakala fibak'alxoy kalat'u q'a šumbadalxoy kalat'u

Verse: 3  Link to rar   biq̇i badeq̇aṭun zindana. Zindan isä padčaġi ämiren biq̇eciṭoġoy arcala zindaney, q̇aroolčiġoy kalo bakala P̣oṭifari ḳožal läčäq̇ey. Iosifal me zindanane arsṭay.
   biq'i badeq'at'un zindana. Zindan isə padçaği əmiren biq'eśit'oğoy arśala zindaney, q'aroolçiğoy kalo bakala P'ot'ifari k'ojal ləçəq'ey. İosifal me zindanane arst'ay.

Verse: 4  Link to rar   Zindani kalaṭin ečeri šoṭoġoval Iosifane tapšurbi, Iosifenal mandiṭoġo be͑ġalṭullariḳ bureqi moṭoġoval be͑ġsa.
   Zindani kalat'in eçeri şot'oğoval İosifane tapşurbi, İosifenal mandit'oğo běğalt'ullarik' bureqi mot'oğoval běğsa.
   Šoṭoġon sa heq̇ädär vädä zindana arciṭuxun oša
   Şot'oğon sa heq'ədər vədə zindana arśit'uxun oşa

Verse: 5  Link to rar   sa üše neṗṭun aḳi. Padčaġi fibaḳalenal, śumbadalenal haṭe sa üšeṭun aḳi ičoġoy neṗa, härsunṭay neṗal ǯöy-ǯöyey.
   sa üşe nep't'un ak'i. Padçaği fibak'alenal, šumbadalenal hat'e sa üşet'un ak'i içoğoy nep'a, hərsunt'ay nep'al cöy-cöyey.

Verse: 6  Link to rar   Iosif savaxṭan šoṭoġoy ṭo͑ġo͑l eġaṭan be͑neġi ki, ḳänesa ičoġoy ṗi mä͑yine.
   İosif savaxt'an şot'oğoy t'ǒğǒl eğat'an běneği ki, k'ənesa içoğoy p'i mə̌yine.

Verse: 7  Link to rar   Ṭe vädä Iosifen faraoni saraya äšṗiṭoġoxun, ičuxun sagala izi aġay ḳoža läčäq̇ me zindana arciṭoġoxun xavare haq̇i: "Ḳä bake? Heṭu göränan efi ḳodoġo cipi arce?"
   T'e vədə İosifen faraoni saraya əşp'it'oğoxun, içuxun sagala izi ağay k'oja ləçəq' me zindana arśit'oğoxun xavare haq'i: «K'ə bake? Het'u görənan efi k'odoğo śipi arśe?»

Verse: 8  Link to rar   Šoṭoġonal qaybaki "neṗyan aḳe, ama me neṗe ḳä upsuna avabakal tene bu" piṭun. Iosifen šoṭoġo metäre pi: "Buxaʒ́uġon Ičin avabakesṭale efi aḳi neṗurxoy ḳä upsuna. Isä exlätṗanan be͑yn ḳänan aḳe".
   Şot'oğonal qaybaki "nep'yan ak'e, ama me nep'e k'ə upsuna avabakal tene bu" pit'un. İosifen şot'oğo metəre pi: «Buxačuğon İçin avabakest'ale efi ak'i nep'urxoy k'ə upsuna. İsə exlətp'anan běyn k'ənan ak'e».

Verse: 9  Link to rar   Padčaġi saraya bito fibaḳalxoy kalo äšṗiṭin izi aḳi neṗa exlätpsa burqi pine: "Neṗen azḳi ki, č̣aṗe bu,
   Padçaği saraya bito fibak'alxoy kalo əşp'it'in izi ak'i nep'a exlətpsa burqi pine: «Nep'en azk'i ki, c'ap'e bu,

Verse: 10  Link to rar   izi loxolal xib dänä tay. Taymoġon bureqi c̣ic̣iḳ qaypsa, ošal haṭe saad ġuma biq̇i ṭule č̣epi.
   izi loxolal xib dənə tay. Taymoğon bureqi s'is'ik' qaypsa, oşal hat'e saad ğuma biq'i t'ule c'epi.

Verse: 11  Link to rar   Faraoni fi u͑ġä͑lä äyaq̇ isä bezi kiyeley: exṭi burezqi me ṭulurxo äyaq̇i boš q̇ać̣ṗi faraona tasṭa ki, u͑ġe͑q̇an".
   Faraoni fi ǔğə̌lə əyaq' isə bezi kiyeley: ext'i burezqi me t'ulurxo əyaq'i boş q'ač'p'i faraona tast'a ki, ǔğěq'an».

Verse: 12  Link to rar   Iosifen šoṭo pine: "Häysä uḳoz va ḳä upsune ke neṗ. Xib dänä tay -- mo xib ġi upsune.
   İosifen şot'o pine: «Həysə uk'oz va k'ə upsune ke nep'. Xib dənə tay -- mo xib ği upsune.

Verse: 13  Link to rar   Xib ġinaxun oša faraonen va memiin č̣evḳesṭi tašeri ṗurum izi fibaḳalxoy kalo laxale. Hunal be͑śin ḳinäḳ vi padčaġa fi bapi tadalnu.
   Xib ğinaxun oşa faraonen va memiin c'evk'est'i taşeri p'urum izi fibak'alxoy kalo laxale. Hunal běšin k'inək' vi padçağa fi bapi tadalnu.

Verse: 14  Link to rar   Ama ṭetär ba ki, zaal eyexun ma č̣evḳa, bezi pi ṭe šaaṭ ġimxo eġaṭan zaynaḳ źomo ä͑mba faraoni ṭo͑ġo͑l, č̣evḳesṭa za me zindanaxun.
   Ama t'etər ba ki, zaal eyexun ma c'evk'a, bezi pi t'e şaat' ğimxo eğat'an zaynak' ǰomo ə̌mba faraoni t'ǒğǒl, c'evk'est'a za me zindanaxun.

Verse: 15  Link to rar   Axəri äbraniġoy oćalaxunal bezi čuresunen tez č̣ere zu, hari miyal hiḳḳali loxolez zindana arce".
   Axıri əbraniğoy oç̌alaxunal bezi çuresunen tez c'ere zu, hari miyal hik'k'ali loxolez zindana arśe».

Verse: 16  Link to rar   Saraya padčaġeynaḳ śum badiṭin aḳaṭan ki, fibaḳali neṗ šaaṭe č̣eri, ičinal izi neṗa Iosifa exlätpsa burqi pine: "Zuval sa neṗ azḳi. Neṗen azḳi ki, bezi bel xib dänä ḳanc̣arane bu sunay loxol,
   Saraya padçağeynak' šum badit'in ak'at'an ki, fibak'ali nep' şaat'e c'eri, içinal izi nep'a İosifa exlətpsa burqi pine: «Zuval sa nep' azk'i. Nep'en azk'i ki, bezi bel xib dənə k'ans'arane bu sunay loxol,

Verse: 17  Link to rar   ćoyel bakalṭay bošal faraoneynaḳ badeci śumen q̇a muć̣a šeymoġon buye. Ama q̇ušurxon hari bezi bel bakala ḳanc̣arin bošṭan ṭuḳṭi uṭunksay faraoni c̣iyen badeci ṭe śumurxo".
   ç̌oyel bakalt'ay boşal faraoneynak' badeśi šumen q'a muč'a şeymoğon buye. Ama q'uşurxon hari bezi bel bakala k'ans'arin boşt'an t'uk't'i ut'unksay faraoni s'iyen badeśi t'e šumurxo».

Verse: 18  Link to rar   Iosifen šoṭo pine: "Häysä uḳoz va ḳä upsune ke neṗ. Xib dänä ḳanc̣ara -- mo xib ġi upsune.
   İosifen şot'o pine: «Həysə uk'oz va k'ə upsune ke nep'. Xib dənə k'ans'ara -- mo xib ği upsune.

Verse: 19  Link to rar   Xib ġinaxun oša faraonen vaal memiin č̣evḳale. Tašeriyal vi bula boṭi, bädänä isä maq̇e loxol lavḳale, q̇ušurxonal šoṭo hari ṭuḳṭi ukalṭun".
   Xib ğinaxun oşa faraonen vaal memiin c'evk'ale. Taşeriyal vi bula bot'i, bədənə isə maq'e loxol lavk'ale, q'uşurxonal şot'o hari t'uk't'i ukalt'un».

Verse: 20  Link to rar   Me exläti loxolxun hari xib ġine č̣ovaki, faraonenal izi nanaxun baki ġiney pi ečeri izi sarayi amdarxo käyi-u͑ġsune tadi. Šoṭin haṭe ġi izi fibaḳala q̇a śumbadalal zindanaxun č̣evḳesedi,
   Me exləti loxolxun hari xib ğine c'ovaki, faraonenal izi nanaxun baki ğiney pi eçeri izi sarayi amdarxo kəyi-ǔğsune tadi. Şot'in hat'e ği izi fibak'ala q'a šumbadalal zindanaxun c'evk'esedi,

Verse: 21  Link to rar   ečeriyal sunṭu ṗurum iču fi bapi tadale bi,
   eçeriyal sunt'u p'urum içu fi bapi tadale bi,

Verse: 22  Link to rar   ṭe sunṭayal bula boṭesṭi maq̇e loxol lavḳesedi. Hametär, Iosifen piyorox bito hari düze č̣eri.
   t'e sunt'ayal bula bot'est'i maq'e loxol lavk'esedi. Hametər, İosifen piyorox bito hari düze c'eri.

Verse: 23  Link to rar   Ama fina bapi padčaġi kiyel tadalṭin izi źomo ä͑mbi äyit tene pi Iosifi barada, izi eyexun č̣eveḳi šoṭin Iosifen iču piṭoġo.
   Ama fina bapi padçaği kiyel tadalt'in izi ǰomo ə̌mbi əyit tene pi İosifi barada, izi eyexun c'evek'i şot'in İosifen içu pit'oğo.
Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.