TITUS Texts: Biblia Udica, Versio Nizhensis: Vetus Testamentum

TITUS
Biblia Udica, Versio Nizhensis: Vetus Testamentum
Part No. 36

Chapter: 36

Esavaxun töräyinšakiyorox ^*
Esavaxun törəyinşakiyorox^*

Verse: 1

Moval Esavaxun bakiyorox. Me Esavi c̣iya Edomal nexṭuniy.
Moval Esavaxun bakiyorox. Me Esavi s'iya Edomal next'uniy.

Verse: 2

Esavi čupuxxoxun ṗo͑ġo͑ Känan oćala bakala azuḳxoxunṭuniy: soġo xeṭlu Eloni xuyär Ada, ṭe soġoval xivlu Civeoni nävä, Anani xuyär Oholivama.
Esavi çupuxxoxun p'ǒğǒ Kənan oç̌ala bakala azuk'xoxunt'uniy: soğo xet'lu Eloni xuyər Ada, t'e soğoval xivlu Śiveoni nəvə, Anani xuyər Oholivama.

Verse: 3

Esaven moṭoġoy loxol sa čuuxal haq̇eney, moval Ismaili xuyär Basemaṭey, Nevayoti xunči. ^*
Esaven mot'oğoy loxol sa çuuxal haq'eney, moval İsmaili xuyər Basemat'ey, Nevayoti xunçi. ^*

Verse: 4

Esavi Adaxun baki ġare c̣i Elifaz, Basemaṭaxun baki ġare c̣i isä Reueley.
Esavi Adaxun baki ğare s'i Elifaz, Basemat'axun baki ğare s'i isə Reueley.

Verse: 5

Oholivamaxun baki ġarmoġoy c̣i Yeuš, Yalam saal Goraxey. Esavi Känan oćala baki ġarmux moroxey.
Oholivamaxun baki ğarmoğoy s'i Yeuş, Yalam saal Goraxey. Esavi Kənan oç̌ala baki ğarmux moroxey.

Verse: 6

Iaḳov qaybakiṭuxun oša Esaven izi čupuxxo, äyloġo, nökärxo, eġel-kečiġo q̇a izi sürüġo bakala heyvanxoy bitova, Känan oćala äšṗi girbi ḳä buṭuxsa exṭi samal ṭaġay, q̇eräz oćalane taci yäšäyinšbsa burqi. Šo izi viči Iaḳovaxun samal ä͑xile baksun čuresay,
İak'ov qaybakit'uxun oşa Esaven izi çupuxxo, əyloğo, nökərxo, eğel-keçiğo q'a izi sürüğo bakala heyvanxoy bitova, Kənan oç̌ala əşp'i girbi k'ə but'uxsa ext'i samal t'ağay, q'erəz oç̌alane taśi yəşəyinşbsa burqi. Şo izi viçi İak'ovaxun samal ə̌xile baksun çuresay,

Verse: 7

šoṭo görä ki, ičoġoy hari q̇ärib ḳinäḳ arci me oćala ene sagala ṗateṭunq̇say, ṗrannaṭayal heyvanxo geleney.
şot'o görə ki, içoğoy hari q'ərib k'inək' arśi me oç̌ala ene sagala p'atet'unq'say, p'rannat'ayal heyvanxo geleney.

Verse: 8

Hametär, Esaven, manu ki, izi c̣iya Edomal nexṭuniy, taci Seir buruxmoġoy döšene mäsḳän saki.
Hametər, Esaven, manu ki, izi s'iya Edomal next'uniy, taśi Seir buruxmoğoy döşene məsk'ən saki.

Verse: 9

Moval Seir buruxmoġoy döšel mäsḳän saki Esavaxun töräyinšakiyorox. Edomluyox uḳala azuḳal hame Esavaxune ämälä hare.
Moval Seir buruxmoğoy döşel məsk'ən saki Esavaxun törəyinşakiyorox. Edomluyox uk'ala azuk'al hame Esavaxune əmələ hare.

Verse: 10

Esavaxun baki ġarmoġoy c̣iyur: Adaxun baki ġare c̣i Elifaz, Basemaṭaxun baki ġare c̣i Reuel.
Esavaxun baki ğarmoğoy s'iyur: Adaxun baki ğare s'i Elifaz, Basemat'axun baki ğare s'i Reuel.

Verse: 11

Elifazaxun baki ġarmux: Ṭeman, Omar, Cefo, Gaṭam saal Ḳenaz.
Elifazaxun baki ğarmux: T'eman, Omar, Śefo, Gat'am saal K'enaz.

Verse: 12

Esavi ġar Elifazi izi čuux-nökär Ṭimnaxunal sa ġare buy, izi c̣i Amaleg. Morox bito Esavi Adaxun baki ġare äyluxey.
Esavi ğar Elifazi izi çuux-nökər T'imnaxunal sa ğare buy, izi s'i Amaleg. Morox bito Esavi Adaxun baki ğare əyluxey.

Verse: 13

Reuelaxun baki ġarmux: Naxaṭ, Zerah, Šamma saal Mica. Morox bito Esavi Basemaṭaxun baki ġare äyluxey.
Reuelaxun baki ğarmux: Naxat', Zerah, Şamma saal Miśa. Morox bito Esavi Basemat'axun baki ğare əyluxey.

Verse: 14

Esavi xivlu Civeoni nävä, Anani xuyär Oholivamaxun baki ġarmoġoy c̣iyur: Yeuš, Yalam saal Gorax.
Esavi xivlu Śiveoni nəvə, Anani xuyər Oholivamaxun baki ğarmoğoy s'iyur: Yeuş, Yalam saal Gorax.

Verse: 15

   Moval Esavaxun töräyinšakiṭoġoxun ämälä hari tayfoox.
   Moval Esavaxun törəyinşakit'oğoxun əmələ hari tayfoox.
   Esavi kala ġar Elifazi näsiläxun č̣eri tayfoox: Ṭemani tayfa, Omari tayfa, Cefoni tayfa, Ḳenazi tayfa,
   Esavi kala ğar Elifazi nəsiləxun c'eri tayfoox: T'emani tayfa, Omari tayfa, Śefoni tayfa, K'enazi tayfa,

Verse: 16

Goraxi tayfa, Gaṭami tayfa saal Amalegi tayfa. Morox bito Elifazi ġarmoġoxun, Esavi q̇a Aday nävoġoxun ämälä hari tayfooxey, tayfa mani ġaraxun ämälä hareneysa haṭe ġare c̣iyenal tanesay. Me tayfoġoy bito Edom oćalane yäšäyinšbsay.
Goraxi tayfa, Gat'ami tayfa saal Amalegi tayfa. Morox bito Elifazi ğarmoğoxun, Esavi q'a Aday nəvoğoxun əmələ hari tayfooxey, tayfa mani ğaraxun əmələ hareneysa hat'e ğare s'iyenal tanesay. Me tayfoğoy bito Edom oç̌alane yəşəyinşbsay.

Verse: 17

Esavi ġar Reueli näsiläxun č̣eri tayfoox: Naxaṭi tayfa, Zerahi tayfa, Šammay tayfa saal Micay tayfa. Morox bito Reueli ġarmoġoxun, Esavi q̇a Basemaṭi nävoġoxun ämälä hari tayfooxey, tayfa mani ġaraxun ämälä hareneysa haṭe ġare c̣iyenal tanesay. Me tayfoġoy bito Edom oćalane yäšäyinšbsay.
Esavi ğar Reueli nəsiləxun c'eri tayfoox: Naxat'i tayfa, Zerahi tayfa, Şammay tayfa saal Miśay tayfa. Morox bito Reueli ğarmoğoxun, Esavi q'a Basemat'i nəvoğoxun əmələ hari tayfooxey, tayfa mani ğaraxun əmələ hareneysa hat'e ğare s'iyenal tanesay. Me tayfoğoy bito Edom oç̌alane yəşəyinşbsay.

Verse: 18

Esavi čuux Oholivaman ečeri ġarmoġoxun ämälä hari tayfoġoy c̣i isä metärey: Yeuši tayfa, Yalami tayfa saal Goraxi tayfa. Morox bito Esaveynaḳ Anay xuyär Oholivaman ečeri ġarmoġoxun ämälä hari tayfooxey, tayfa mani ġaraxun ämälä hareneysa haṭe ġare c̣iyenal tanesay.
Esavi çuux Oholivaman eçeri ğarmoğoxun əmələ hari tayfoğoy s'i isə metərey: Yeuşi tayfa, Yalami tayfa saal Goraxi tayfa. Morox bito Esaveynak' Anay xuyər Oholivaman eçeri ğarmoğoxun əmələ hari tayfooxey, tayfa mani ğaraxun əmələ hareneysa hat'e ğare s'iyenal tanesay.

Verse: 19

Moval Esavi, yäni Edomi ġarmux q̇a šoṭoġoxun ämälä hari tayfoox.
Moval Esavi, yəni Edomi ğarmux q'a şot'oğoxun əmələ hari tayfoox.

Seiraxun bakiyorox ^*
Seiraxun bakiyorox ^*

Verse: 20

Me oćala süfṭä hari tum sakiyo isä xorlu Seire bake. Me Seiraxun baki ġarmux moroxey: Loṭan, Šoval, Civeon, Ana,
Me oç̌ala süft'ə hari tum sakiyo isə xorlu Seire bake. Me Seiraxun baki ğarmux moroxey: Lot'an, Şoval, Śiveon, Ana,

Verse: 21

Dišon, Ecer saal Dišan. Šoṭoġoxun ämälä hari xorluyox uḳala azuḳi boš bakala tayfooxal ičoġoy c̣iyene taysay, bitoval hame Edom oćalaṭun yäšäyinšbsay.
Dişon, Eśer saal Dişan. Şot'oğoxun əmələ hari xorluyox uk'ala azuk'i boş bakala tayfooxal içoğoy s'iyene taysay, bitoval hame Edom oç̌alat'un yəşəyinşbsay.

Verse: 22

Loṭanaxun baki ġarmux: Xori q̇a Hemam. Loṭani sa xunčiyal buney, izi c̣i Ṭimna.
Lot'anaxun baki ğarmux: Xori q'a Hemam. Lot'ani sa xunçiyal buney, izi s'i T'imna.

Verse: 23

Šovalaxun baki ġarmux: Alvan, Manaxat, Eval, Šefo saal Onam.
Şovalaxun baki ğarmux: Alvan, Manaxat, Eval, Şefo saal Onam.

Verse: 24

Civeonaxun baki ġarmux: Aya q̇a Ana. Hame Ananey čöle izi bava Civeoni elemxo otarišaṭan źalpi č̣eġala orayinxo bä͑ġä͑biyo.
Śiveonaxun baki ğarmux: Aya q'a Ana. Hame Ananey çöle izi bava Śiveoni elemxo otarişat'an ǰalpi c'eğala orayinxo bə̌ğə̌biyo.

Verse: 25

Seiri ġar Anay ṗä͑ äyele buy: sa ġar, sa xuyär. Ġare c̣i Dišoney, xuyäri c̣i isä Oholivama.
Seiri ğar Anay p'ə̌ əyele buy: sa ğar, sa xuyər. Ğare s'i Dişoney, xuyəri s'i isə Oholivama.

Verse: 26

Seiri ġar Dišonaxun baki ġarmux: Xemdan, Ešban, Itran saal Ḳeran.
Seiri ğar Dişonaxun baki ğarmux: Xemdan, Eşban, İtran saal K'eran.

Verse: 27

Eceraxun baki ġarmux: Bilhan, Caavan saal Aḳan.
Eśeraxun baki ğarmux: Bilhan, Śaavan saal Ak'an.

Verse: 28

Dišanaxun baki ġarmux: Us saal Aran.
Dişanaxun baki ğarmux: Us saal Aran.

Verse: 29

Moval xorluyox uḳala azuḳi boš bakala tayfoox: Loṭani tayfa, Šovali tayfa, Civeoni tayfa, Anay tayfa,
Moval xorluyox uk'ala azuk'i boş bakala tayfoox: Lot'ani tayfa, Şovali tayfa, Śiveoni tayfa, Anay tayfa,

Verse: 30

Dišoni tayfa, Eceri tayfa saal Dišani tayfa. Edom oćali Seir bölginä yäšäyinšala me tayfoox šuxun ämälä hareneysa haṭe amdari c̣iyene taysay.
Dişoni tayfa, Eśeri tayfa saal Dişani tayfa. Edom oç̌ali Seir bölginə yəşəyinşala me tayfoox şuxun əmələ hareneysa hat'e amdari s'iyene taysay.

Edomi padčaġxo q̇a miya yäšäyinšala tayfoġoy kalorox ^*
Edomi padçağxo q'a miya yəşəyinşala tayfoğoy kalorox ^*

Verse: 31

Israilluġoxun padčaġ č̣eġamin Edom oćala kalaluġbi padčaġxo moroxey.
İsrailluğoxun padçağ c'eğamin Edom oç̌ala kalaluğbi padçağxo moroxey.

Verse: 32

Edomi samǯi padčaġ Beori ġar Belane bake. Šo Dinhava šähärene arsṭay.
Edomi samci padçağ Beori ğar Belane bake. Şo Dinhava şəhərene arst'ay.

Verse: 33

Bela ṗuriṭuxun oša šoṭay gala Bocra šähärexun bakala Zerahi ġar Yovave hari.
Bela p'urit'uxun oşa şot'ay gala Bośra şəhərexun bakala Zerahi ğar Yovave hari.

Verse: 34

Yovav ṗuriṭuxun oša šoṭay gala ṭemanluġoy oćalaxun bakala Xušame hari.
Yovav p'urit'uxun oşa şot'ay gala t'emanluğoy oç̌alaxun bakala Xuşame hari.

Verse: 35

Xušam ṗuriṭuxun oša šoṭay gala Bedadi ġar Hadade hari. Midyanluġoy loxol taci šoṭoġo Moava ḳac̣ṗi cipiyo hame Hadadey. Šoṭin Aviṭ šähärene arci padčaġluġbsay.
Xuşam p'urit'uxun oşa şot'ay gala Bedadi ğar Hadade hari. Midyanluğoy loxol taśi şot'oğo Moava k'as'p'i śipiyo hame Hadadey. Şot'in Avit' şəhərene arśi padçağluğbsay.

Verse: 36

Hadad ṗuriṭuxun oša šoṭay gala Masreḳaxun bakala Samlane hari.
Hadad p'urit'uxun oşa şot'ay gala Masrek'axun bakala Samlane hari.

Verse: 37

Samla ṗuriṭuxun oša šoṭay gala Šaule hari. Me Šaul oqe börine bakala Rexovoṭ šähärexuney.
Samla p'urit'uxun oşa şot'ay gala Şaule hari. Me Şaul oqe börine bakala Rexovot' şəhərexuney.

Verse: 38

Šaul ṗuriṭuxun oša šoṭay gala Aḳbori ġar Baal-Xanane hari.
Şaul p'urit'uxun oşa şot'ay gala Ak'bori ğar Baal-Xanane hari.

Verse: 39

Aḳbori ġar Baal-Xanan ṗuriṭuxun oša isä šoṭay gala Hadade hari, šoṭay arci padčaġluġbala šähäri c̣iyal P̣auney. Me Hadadi čuġoy c̣i Meheṭaveley, me Meheṭaveli nana isä Mezahavi xuyär Maṭredey.
Ak'bori ğar Baal-Xanan p'urit'uxun oşa isə şot'ay gala Hadade hari, şot'ay arśi padçağluğbala şəhəri s'iyal P'auney. Me Hadadi çuğoy s'i Mehet'aveley, me Mehet'aveli nana isə Mezahavi xuyər Mat'redey.

Verse: 40

Moval Esavaxun töräyinšakiṭoġoxun ämälä hari tayfoox q̇a šoṭoġoy mandala ganxoy c̣iyurxo. Tayfa šuxun ämälä harenesa ṭe amdari c̣iyene taysay, tayfin mäsḳän saki gane c̣iyal ičoġoy ǯənse boš bakala ṭe kalaṭay c̣iyene taysay: Ṭimnay tayfa, Alvay tayfa, Yeteṭi tayfa,
Moval Esavaxun törəyinşakit'oğoxun əmələ hari tayfoox q'a şot'oğoy mandala ganxoy s'iyurxo. Tayfa şuxun əmələ harenesa t'e amdari s'iyene taysay, tayfin məsk'ən saki gane s'iyal içoğoy cınse boş bakala t'e kalat'ay s'iyene taysay: T'imnay tayfa, Alvay tayfa, Yetet'i tayfa,

Verse: 41

Oholivamay tayfa, Elay tayfa, P̣inoni tayfa,
Oholivamay tayfa, Elay tayfa, P'inoni tayfa,

Verse: 42

Ḳenazi tayfa, Ṭemani tayfa, Mivcari tayfa,
K'enazi tayfa, T'emani tayfa, Mivśari tayfa,

Verse: 43

Magdieli tayfa saal Irami tayfa. Esavaxun töräyinšaki, ošal edomluyox uḳala azuḳi boš bakala tayfoġoy q̇a ičoġoy mandala ganxoy c̣iyur metäre taysay - tayfin ämälä eysuna bulbi ṭe amdari c̣iyen.
Magdieli tayfa saal İrami tayfa. Esavaxun törəyinşaki, oşal edomluyox uk'ala azuk'i boş bakala tayfoğoy q'a içoğoy mandala ganxoy s'iyur metəre taysay -- tayfin əmələ eysuna bulbi t'e amdari s'iyen.

This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.