TITUS
Biblia Udica, Versio Nizhensis: Vetus Testamentum
Part No. 33
Previous part

Chapter: 33 


Iaḳovi q̇a Esavi barišaksun
İak'ovi q'a Esavi barişaksun


Verse: 1  Link to rar   Samal taciṭuxun oša Iaḳoven be͑neġi ki, mone, Esav, izi ṭo͑ġo͑lal biṗbać tan amdar enesa. Šoṭin äyloġo Leay, Raxiläy saal šoṭoġoy bać̣anexun hari ṗä͑ čuux-nökäri arane ǯöyebi:
   Samal taśit'uxun oşa İak'oven běneği ki, mone, Esav, izi t'ǒğǒlal bip'baç̌ tan amdar enesa. Şot'in əyloğo Leay, Raxiləy saal şot'oğoy bač'anexun hari p'ə̌ çuux-nökəri arane cöyebi:

Verse: 2  Link to rar   be͑ś nökärxo q̇a šoṭoġon ečeri äyloġo, oša Lea q̇a Lean ečeri äyloġo, šoṭoġoy bać̣aneyal Raxilä q̇a Iosifane čurdesṭi.
   běš nökərxo q'a şot'oğon eçeri əyloğo, oşa Lea q'a Lean eçeri əyloğo, şot'oğoy bač'aneyal Raxilə q'a İosifane çurdest'i.

Verse: 3  Link to rar   Ič isä be͑ś č̣eri, hälä iz viči ə͑śalayinšakamin biti šoṭay be͑ś vu͑ġ käräm bule ḳoc̣ṗi.
   İç isə běš c'eri, hələ iz viçi ǐšalayinşakamin biti şot'ay běš vǔğ kərəm bule k'os'p'i.

Verse: 4  Link to rar   Ama Esav Iaḳovi ṭo͑ġo͑l ṭiṭeri šoṭo osṭaar q̇užbi mučepi, šoṭoġon ṗrannaṭinal o͑nepsaṭun burqi.
   Ama Esav İak'ovi t'ǒğǒl t'it'eri şot'o ost'aar q'ujbi muçepi, şot'oğon p'rannat'inal ǒnepsat'un burqi.

Verse: 5  Link to rar   Esaven čupuxxo q̇a äyloġo aḳi pine: "P̣oy me vaxun hariyorox šuva?" Iaḳovenal qaybaki "mo Buxaʒ́uġon vi ḳula pay tadi äyluxe" pine.
   Esaven çupuxxo q'a əyloğo ak'i pine: «P'oy me vaxun hariyorox şuva?» İak'ovenal qaybaki "mo Buxačuğon vi k'ula pay tadi əyluxe" pine.

Verse: 6  Link to rar   Metär uḳaṭan be͑ś čurpi čuux nökärxon q̇a ičoġoy ečeri äyloġon Esavi ṭo͑ġo͑l hari šoṭo bulṭun ḳoc̣ṗi,
   Metər uk'at'an běš çurpi çuux nökərxon q'a içoğoy eçeri əyloğon Esavi t'ǒğǒl hari şot'o bult'un k'os'p'i,

Verse: 7  Link to rar   oša Lean q̇a Lean ečeri äyloġonṭun hari bul ḳoc̣ṗi, axərdal Raxilän q̇a Iosifene ə͑śalayinšaki bul ḳoc̣ṗi.
   oşa Lean q'a Lean eçeri əyloğont'un hari bul k'os'p'i, axırdal Raxilən q'a İosifene ı̌šalayinşaki bul k'os'p'i.

Verse: 8  Link to rar   Oša Esaven xavare haq̇i: "Zu miya eġaṭan bez be͑ś č̣eri sürüyox hiḳäy ṗoy?" Iaḳovenal qaybaki "vi piyes šaaṭ aḳeseynaḳ payez yaq̇abey vaynaḳ šoṭoġo, bezi aġa" pine.
   Oşa Esaven xavare haq'i: «Zu miya eğat'an bez běš c'eri sürüyox hik'əy p'oy?» İak'ovenal qaybaki "vi piyes şaat' ak'eseynak' payez yaq'abey vaynak' şot'oğo, bezi ağa" pine.

Verse: 9  Link to rar   Esaven pine: "Bezi här šey buzax, bez viči, vi mala vasṭa efa".
   Esaven pine: «Bezi hər şey buzax, bez viçi, vi mala vast'a efa».

Verse: 10  Link to rar   Ama Iaḳoven qaybaki metäre pi: "Bezi xätirä čurensasa, exṭa zu va tadala me paya. Zaynaḳ häysä va aksun Buxaʒ́uġo aksun ḳinäḳe baki, hälä vi zaynaḳ bi šaaṭluġa tez nex!
   Ama İak'oven qaybaki metəre pi: «Bezi xətirə çurensasa, ext'a zu va tadala me paya. Zaynak' həysə va aksun Buxačuğo aksun k'inək'e baki, hələ vi zaynak' bi şaat'luğa tez nex!

Verse: 11  Link to rar   Šoṭo göräl, ma saka bezi äyitä oq̇a, exṭa bezi vaynaḳ yaq̇abi payurxo. Buxaʒ́uġon kamtenebi zaxun Izi xeyir-bäräkätä, bezi belxun oq̇a baramine tadi za här šeyaxun".
   Şot'o görəl, ma saka bezi əyitə oq'a, ext'a bezi vaynak' yaq'abi payurxo. Buxačuğon kamtenebi zaxun İzi xeyir-bərəkətə, bezi belxun oq'a baramine tadi za hər şeyaxun».
   Hametär, Iaḳoven ṭema xoyinśebi ki, axərda Esav iräzinebaki ičeynaḳ yaq̇abi payurxo exsṭuna.
   Hametər, İak'oven t'ema xoyinšebi ki, axırda Esav irəzinebaki içeynak' yaq'abi payurxo exst'una.

Verse: 12  Link to rar   Oša Esaven pine: "Isä häzirläyinšaka č̣eġen, meyin ṭaġay zaxun taġalnu".
   Oşa Esaven pine: «İsə həzirləyinşaka c'eğen, meyin t'ağay zaxun tağalnu».

Verse: 13  Link to rar   Ama Iaḳoven qaybaki metäre pi: "Hunal avanu ki, bezi aġa, äyloġoxun yaq̇ č̣eysun heq̇ädär čätine. Hälä sa čaxeġala čurur q̇a eġelxoval buzax, šoṭoġo sa ġiyal bakayin kapsṭun č̣idayiz ḳac̣eġalṭun yaq̇a.
   Ama İak'oven qaybaki metəre pi: «Hunal avanu ki, bezi ağa, əyloğoxun yaq' c'eysun heq'ədər çətine. Hələ sa çaxeğala çurur q'a eğelxoval buzax, şot'oğo sa ğiyal bakayin kapst'un c'idayiz k'as'eğalt'un yaq'a.

Verse: 14  Link to rar   Šoṭo göräl, šaaṭo šone, hun be͑ś taki, zu isä äyloġoy q̇a sürüġoy eyes bakala ḳinäḳ, yavaš-yavaš vi bać̣anexun eġaz. Ene Seira ayanḳon suna ṗurum, bezi aġa".
   Şot'o görəl, şaat'o şone, hun běš taki, zu isə əyloğoy q'a sürüğoy eyes bakala k'inək', yavaş-yavaş vi bač'anexun eğaz. Ene Seira ayank'on suna p'urum, bezi ağa».

Verse: 15  Link to rar   Esaven pine: "Ṭe vädä, barta bezi amdarxoxun sa hemara efaz, va kömäybeq̇aṭun". Ama Iaḳov ṗurum iräzitenebaki, "äzyät ma zapa, bez aġa, vi zaynaḳ biyorox bäse" pine.
   Esaven pine: «T'e vədə, barta bezi amdarxoxun sa hemara efaz, va köməybeq'at'un». Ama İak'ov p'urum irəzitenebaki, "əzyət ma zapa, bez ağa, vi zaynak' biyorox bəse" pine.

Verse: 16  Link to rar   Ene be͑neġi Iaḳov iräzitenebaksa, Esav haṭe ġi hayzeri izi ḳoya, Seirane yaq̇a bafṭi,
   Ene běneği İak'ov irəzitenebaksa, Esav hat'e ği hayzeri izi k'oya, Seirane yaq'a baft'i,

Verse: 17  Link to rar   Iaḳov isä Suḳḳoṭač taci ṭiyane izi čadərxo laxi čurpi. Šoṭin miya izi heyvanxo efala ganxoval düzebi, šoṭo görä gane c̣iyal haketär manedi -- Suḳḳoṭ. *
   İak'ov isə Suk'k'ot'aç taśi t'iyane izi çadırxo laxi çurpi. Şot'in miya izi heyvanxo efala ganxoval düzebi, şot'o görə gane s'iyal haketər manedi -- Suk'k'ot'. *

Verse: 18  Link to rar   Hametär, Iaḳov Lavanaxun ǯöybaki, yäni P̣addan-Aramaxun č̣eri, iz bel äš harinuṭal hari Känan oćala ṗaneṗi. Šo miya Šekem šähärä ə͑śa iz čadərxo laxi čurepi.
   Hametər, İak'ov Lavanaxun cöybaki, yəni P'addan-Aramaxun c'eri, iz bel əş harinut'al hari Kənan oç̌ala p'anep'i. Şo miya Şekem şəhərə ǐša iz çadırxo laxi çurepi.

Verse: 19  Link to rar   Šoṭin iz čadərxo laxi me oćala Xamori ġarmoġoxun bać dänä gümüši tängä tadi haneq̇ey. Me Xamor Šekem šähäri binorina laxiyoney. *
   Şot'in iz çadırxo laxi me oç̌ala Xamori ğarmoğoxun baç̌ dənə gümüşi təngə tadi haneq'ey. Me Xamor Şekem şəhəri binorina laxiyoney. *

Verse: 20  Link to rar   Iaḳoven miya sa q̇urban ečala gaal düzebi, iz c̣iyal El Elohe Israile * laxi.
   İak'oven miya sa q'urban eçala gaal düzebi, iz s'iyal El Elohe İsraile * laxi.

Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.