TITUS
Biblia Udica, Versio Nizhensis: Vetus Testamentum
Part No. 22
Previous part

Chapter: 22 


Buxaʒ́uġon Avrahama sinäyinšbsun
Buxačuğon Avrahama sinəyinşbsun


Verse: 1  Link to rar   Sa heq̇ädär vädä hari č̣ovakiṭuxun oša Buxaʒ́uġon Avrahama sinäyinši šoṭay Izi äyitäxun č̣eri-nu č̣eysuna yoxlayinšbsune čureci. Buxaʒ́uġon Avrahama ḳalpi pine: "Ay Avraham!" Avrahamenal qaybaki "izbaksa!" pine.
   Sa heq'ədər vədə hari c'ovakit'uxun oşa Buxačuğon Avrahama sinəyinşi şot'ay İzi əyitəxun c'eri-nu c'eysuna yoxlayinşbsune çureśi. Buxačuğon Avrahama k'alpi pine: «Ay Avraham!» Avrahamenal qaybaki "izbaksa!" pine.

Verse: 2  Link to rar   Buxaʒ́uġon pine: "Vi ġar Isaaḳa, vi piin išiġ bakala ṭe sa ġara exṭa Moria oćala taki. Šoṭo ṭeṭiya Zu va aḳesṭala buruġoy bel śampi Zaynaḳ boḳospsuni q̇urban eča".
   Buxačuğon pine: «Vi ğar İsaak'a, vi piin işiğ bakala t'e sa ğara ext'a Moria oç̌ala taki. Şot'o t'et'iya Zu va ak'est'ala buruğoy bel šampi Zaynak' bok'ospsuni q'urban eça».

Verse: 3  Link to rar   Avrahamenal savaxṭan üšenen hayzeri häzirläyinšaksane burqi. Šoṭin lazəmbakalṭoġo girbi elemi bać̣ane lanexi, taci q̇urbana boḳospseynaḳ uśal qə͑biṭuxun oša, Isaaḳa q̇a ṗä͑ nökäräl exṭi Buxaʒ́uġon iču pi gala yaq̇ane bafṭi.
   Avrahamenal savaxt'an üşenen hayzeri həzirləyinşaksane burqi. Şot'in lazımbakalt'oğo girbi elemi bač'ane lanexi, taśi q'urbana bok'ospseynak' ušal qı̌bit'uxun oşa, İsaak'a q'a p'ə̌ nökərəl ext'i Buxačuğon içu pi gala yaq'ane baft'i.

Verse: 4  Link to rar   Xib ġi yaq̇ taciṭuxun oša Avrahamen be͑neġi ki, ṭe ga ä͑xiläxun aḳesa.
   Xib ği yaq' taśit'uxun oşa Avrahamen běneği ki, t'e ga ə̌xiləxun ak'esa.

Verse: 5  Link to rar   Šoṭin iz nökärxo pine: "Vä͑n miya čurpanan, elemal ef ṭo͑ġo͑lq̇an. Yan isä äyläxun taci Buxaʒ́uġoynaḳ q̇urban śampi eġalyan".
   Şot'in iz nökərxo pine: «Və̌n miya çurpanan, elemal ef t'ǒğǒlq'an. Yan isə əyləxun taśi Buxačuğoynak' q'urban šampi eğalyan».

Verse: 6  Link to rar   Avrahamen q̇urbana boḳospseynaḳ girbi uśa exṭi Isaaḳi bać̣anene laxi, ičinal aruxpseynaḳ bakala o͑liġo saal menane exṭi. Hametär burṭunqi ṗä͑ tan taysa.
   Avrahamen q'urbana bok'ospseynak' girbi uša ext'i İsaak'i bač'anene laxi, içinal aruxpseynak' bakala ǒliğo saal menane ext'i. Hametər burt'unqi p'ə̌ tan taysa.

Verse: 7  Link to rar   Šorox taġala gala Isaaḳen fərəpi iz bava Avrahama pine: "Ay bava!" Avrahamenal qaybaki "izbaksa, bez ġar" pine. Isaaḳen xavare haq̇i: "Uśal exṭeyan, aruxpseynaḳ o͑liyal buyax, ṗoy boḳospseynaḳ bakala q̇urbanluġ q̇uzi maya?"
   Şorox tağala gala İsaak'en fırıpi iz bava Avrahama pine: «Ay bava!» Avrahamenal qaybaki "izbaksa, bez ğar" pine. İsaak'en xavare haq'i: «Ušal ext'eyan, aruxpseynak' ǒliyal buyax, p'oy bok'ospseynak' bakala q'urbanluğ q'uzi maya?»

Verse: 8  Link to rar   Avrahamen metäre ǯoġab tadi: "Bez ġar, boḳospseynaḳ bakala q̇urbanluġ q̇uzina Buxaʒ́uġon Ičin yax ṗaṗesṗale". Hame exläte baki, oša ene šiṗč̣ä ičoġoy bula suruḳṗi taṭunci.
   Avrahamen metəre coğab tadi: «Bez ğar, bok'ospseynak' bakala q'urbanluğ q'uzina Buxačuğon İçin yax p'ap'esp'ale». Hame exləte baki, oşa ene şip'c'ə içoğoy bula suruk'p'i tat'unśi.

Verse: 9  Link to rar   Hari Buxaʒ́uġon iču pi gala ṗaṗaṭan Avrahamen q̇urban ečala ga düzbi uśurxoval iz loxol girebi. Oša iz ġar Isaaḳal ġaćṗi ṭe uśurxoy loxol lanexi ki, šoṭo Buxaʒ́uġoynaḳ q̇urban ečale. *
   Hari Buxačuğon içu pi gala p'ap'at'an Avrahamen q'urban eçala ga düzbi ušurxoval iz loxol girebi. Oşa iz ğar İsaak'al ğaç̌p'i t'e ušurxoy loxol lanexi ki, şot'o Buxačuğoynak' q'urban eçale. *

Verse: 10  Link to rar   Ama mena exṭi iz ġara śamḳale uḳaṭan
   Ama mena ext'i iz ğara šamk'ale uk'at'an

Verse: 11  Link to rar   Q̣ONƷ́UĠOY angelen göynuxun Avrahama ḳalpi pine: "Avraham! Avraham!" Šoṭinal "izbaksa" pine.
   Q'ONČUĞOY angelen göynuxun Avrahama k'alpi pine: «Avraham! Avraham!» Şot'inal "izbaksa" pine.

Verse: 12  Link to rar   Angelen pine: "Zapa vi kula, äylä ma lafṭa! Isä avazbaki ki, vaynaḳ Buxaʒ́uġoxun be͑ś hiḳḳal butene, šoṭo görä ki, vi piin išiġ bakala täk sa ġaral hun Zaynaḳ gele ten aḳi!"
   Angelen pine: «Zapa vi kula, əylə ma laft'a! İsə avazbaki ki, vaynak' Buxačuğoxun běš hik'k'al butene, şot'o görə ki, vi piin işiğ bakala tək sa ğaral hun Zaynak' gele ten ak'i!»

Verse: 13  Link to rar   Avrahamenal iz bula alabaṭan be͑neġi ki, samal be͑ś iz mu͑q̇o͑o͑x caca lamandi sa ärkäy eġele bu. Taciyal ṭe eġela exṭi iz ġare gala šoṭone boḳospsuni q̇urban ečeri. *
   Avrahamenal iz bula alabat'an běneği ki, samal běš iz mǔq'ǒǒx śaśa lamandi sa ərkəy eğele bu. Taśiyal t'e eğela ext'i iz ğare gala şot'one bok'ospsuni q'urban eçeri. *

Verse: 14  Link to rar   Avrahamen ṭe gane c̣iya Yahve-Irene * laxi, šoṭo görä häysääl ḳänesa bakaṭan nexṭun "Q̣ONƷ́UĠON Ičin Iz buruġoxun ṗaṗesṗale". me äyit "Q̣onʒ́uġon ṗaṗesṗale" upsune.
   Avrahamen t'e gane s'iya Yahve-İrene * laxi, şot'o görə həysəəl k'ənesa bakat'an next'un "Q'ONČUĞON İçin İz buruğoxun p'ap'esp'ale". me əyit "Q'ončuğon p'ap'esp'ale" upsune.

Verse: 15  Link to rar   Oša Q̣ONƷ́UĠOY angelen ṗurum göynuxun Avrahama ḳalpi pine:
   Oşa Q'ONČUĞOY angelen p'urum göynuxun Avrahama k'alpi pine:

Verse: 16  Link to rar   "Q̣ONƷ́UĠON metäre nex: "Isä ki hun vi piin išiġ bakala, vi ṭe täk sa ġara Zaynaḳ gele ten aḳi, Zuval Bez c̣iyen elasṗi äyitez tasṭa ki, vi biq̇i me äšlä görä
   «Q'ONČUĞON metəre nex: "İsə ki hun vi piin işiğ bakala, vi t'e tək sa ğara Zaynak' gele ten ak'i, Zuval Bez s'iyen elasp'i əyitez tast'a ki, vi biq'i me əşlə görə

Verse: 17  Link to rar   Bezi xeyir-bäräkätä vaxun kamtezbal Zu! Vaxun ämälä eġala näsili saya göynul bakala muć̣uliġoy q̇a dänizi börine bakala q̇ume hama booz Zu. Düšmänxo saki ičoġoy šähärmoġo kiyel badalṭun šoṭoġon, *
   Bezi xeyir-bərəkətə vaxun kamtezbal Zu! Vaxun əmələ eğala nəsili saya göynul bakala muč'uliğoy q'a dənizi börine bakala q'ume hama booz Zu. Düşmənxo saki içoğoy şəhərmoğo kiyel badalt'un şot'oğon, *

Verse: 18  Link to rar   vi Bezi äyitäxun nu č̣eysuna görä oćali ćoyel bakala azuḳxoy bitoṭin xeyir-bäräkätä vaxun töräyinšakiṭoġoxun haq̇ale"". *
   vi Bezi əyitəxun nu c'eysuna görə oç̌ali ç̌oyel bakala azuk'xoy bitot'in xeyir-bərəkətə vaxun törəyinşakit'oğoxun haq'ale"». *

Verse: 19  Link to rar   Hametär, Avrahamen hari iz nökärxoval exṭi qaybaki iz mandala gala, yäni Beer-Ševinane taci. Šoṭin miyane iz čadərxo laxi čurpey.
   Hametər, Avrahamen hari iz nökərxoval ext'i qaybaki iz mandala gala, yəni Beer-Şevinane taśi. Şot'in miyane iz çadırxo laxi çurpey.


Avrahami viči Naxoraxun bakiyorox
Avrahami viçi Naxoraxun bakiyorox


Verse: 20  Link to rar   Sa heq̇ädär vädä č̣ovakiṭuxun oša Avrahami u͑mu͑ġo hari ṗaneṗi ki, iz viči Naxori čuux Milḳayal ġarmuxe bake:
   Sa heq'ədər vədə c'ovakit'uxun oşa Avrahami ǔmǔğo hari p'anep'i ki, iz viçi Naxori çuux Milk'ayal ğarmuxe bake:

Verse: 21  Link to rar   kalaṭay c̣i Usey, ṗä͑mǯiṭay c̣i Buz, xibimǯiyo Gemuel (šo Arami bavane baksa),
   kalat'ay s'i Usey, p'ə̌mcit'ay s'i Buz, xibimciyo Gemuel (şo Arami bavane baksa),

Verse: 22  Link to rar   oša Ḳesed, Xazo, P̣ildaš, Idlaf saal Beṭuel.
   oşa K'esed, Xazo, P'ildaş, İdlaf saal Bet'uel.

Verse: 23  Link to rar   Beṭuelaxun Rebeḳa uḳala xuyäre baki. Avrahami viči Naxoreynaḳ izi čuux Milḳan ečeri ġarmux me muġoney.
   Bet'uelaxun Rebek'a uk'ala xuyəre baki. Avrahami viçi Naxoreynak' izi çuux Milk'an eçeri ğarmux me muğoney.

Verse: 24  Link to rar   Naxori Reuma uḳala ṗä͑mǯi čuġoxun baki ġarmoġoy c̣i isä metärey: Ṭebah, Gaham, Ṭaxaš saal Maaḳa.
   Naxori Reuma uk'ala p'ə̌mci çuğoxun baki ğarmoğoy s'i isə metərey: T'ebah, Gaham, T'axaş saal Maak'a.
Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.