TITUS
Biblia Udica, Versio Nizhensis: Vetus Testamentum
Part No. 20
Previous part

Chapter: 20 


Avrahamen ṗurum Sara iz xunči pi čalxesṭun
Avrahamen p'urum Sara iz xunçi pi çalxest'un


Verse: 1  Link to rar   Avraham iz bakala ganuxun č̣eri Negev oćalače taci. Šoṭin izi amdarxo q̇a sürüġoval exṭi, ečeri izi čadərxo Qadeš šähäri q̇a Šur amc̣i oćali aranene laxi čurpi. Šo samal vädä Gerar šähäreyal baneki,
   Avraham iz bakala ganuxun c'eri Negev oç̌alaçe taśi. Şot'in izi amdarxo q'a sürüğoval ext'i, eçeri izi çadırxo Qadeş şəhəri q'a Şur ams'i oç̌ali aranene laxi çurpi. Şo samal vədə Gerar şəhəreyal baneki,

Verse: 2  Link to rar   miyal q̇äribey pi izi čuux Sara amdarxo "xunči" pine čalxesṭi. Ṭe vädä Gerari padčaġ Avimeleḳen izi amdarxo yaq̇abi Sara izi ṭo͑ġo͑le ečesṭi. *
   miyal q'əribey pi izi çuux Sara amdarxo "xunçi" pine çalxest'i. T'e vədə Gerari padçağ Avimelek'en izi amdarxo yaq'abi Sara izi t'ǒğǒle eçest'i. *

Verse: 3  Link to rar   Ama Buxaʒ́uġon Avimeleḳa neṗen metäre pi: "Ke čuġo vi ṭo͑ġo͑l ečesṭuna görä biyalnu hun, šoṭo görä ki, išq̇arane ko".
   Ama Buxačuğon Avimelek'a nep'en metəre pi: «Ke çuğo vi t'ǒğǒl eçest'una görə biyalnu hun, şot'o görə ki, işq'arane ko».

Verse: 4  Link to rar   Avimeleḳen isä hälä iz kula tene duġey čuġo, qaybakiyal pine: "Ay Q̣onʒ́ux, yäni taxsərsuz sa azuḳa äfčibalnu?
   Avimelek'en isə hələ iz kula tene duğey çuğo, qaybakiyal pine: «Ay Q'ončux, yəni taxsırsuz sa azuk'a əfçibalnu?

Verse: 5  Link to rar   Amdaren ičine za pi ki, "mo bezi xunčine". Oša čuġoxunal ǯöy xavarez haq̇i, šoṭinal pine "mo bezi vičine". Me äšläsṭa taxsər tezax bu, šuḳḳali be͑śal ćomä͑yin tezu".
   Amdaren içine za pi ki, "mo bezi xunçine". Oşa çuğoxunal cöy xavarez haq'i, şot'inal pine "mo bezi viçine". Me əşləst'a taxsır tezax bu, şuk'k'ali běšal ç̌omə̌yin tezu».

Verse: 6  Link to rar   Ṭe vädä neṗen Buxaʒ́uġon saal pine: "Düzen nex, vi me äšläsṭa taxsərsuz baksuna avazu. Koṭo göräl ke čuġoxun ə͑śaluġbi Bez be͑ś günax äšṗesṭunaxun ezfi va.
   T'e vədə nep'en Buxačuğon saal pine: «Düzen nex, vi me əşləst'a taxsırsuz baksuna avazu. Kot'o görəl ke çuğoxun ı̌šaluğbi Bez běš günax əşp'est'unaxun ezfi va.

Verse: 7  Link to rar   Isä qayda yaq̇aba ke čuġo izi išq̇ari ṭo͑ġo͑l. Koṭay išq̇ar xavarečale, vi äšṗesṭi günaxa baġəšlayinšbseynaḳ šoṭin Za afərəpi xoyinśṗayin ten biyal. Ama nu qaydayvax, nä hun, nä vaxun sa ḳožin oq̇a bakalṭoġoy sayǯo dirisṭ tenan mandal".
   İsə qayda yaq'aba ke çuğo izi işq'ari t'ǒğǒl. Kot'ay işq'ar xavareçale, vi əşp'est'i günaxa bağışlayinşbseynak' şot'in Za afırıpi xoyinšp'ayin ten biyal. Ama nu qaydayvax, nə hun, nə vaxun sa k'ojin oq'a bakalt'oğoy sayco dirist' tenan mandal».

Verse: 8  Link to rar   Avimeleḳenal savaxṭan käybakala ḳinäḳ izi sarayi amdarxo girbi Buxaʒ́uġon iču piṭoġo bitova šoṭoġo exlätebi. Amdarxo q̇ə͑yene haq̇i.
   Avimelek'enal savaxt'an kəybakala k'inək' izi sarayi amdarxo girbi Buxačuğon içu pit'oğo bitova şot'oğo exlətebi. Amdarxo q'ı̌yene haq'i.

Verse: 9  Link to rar   Oša Avimeleḳen Avrahama izi ṭo͑ġo͑l ečesṭi pine: "Mo hetär äše hun beš bel enčeri? Va ḳäz be ki, hun zaal, bezi padčaġluġal metär sa günaxan badi? Šuḳḳalen me äšlä tene biq̇oy!"
   Oşa Avimelek'en Avrahama izi t'ǒğǒl eçest'i pine: «Mo hetər əşe hun beş bel ençeri? Va k'əz be ki, hun zaal, bezi padçağluğal metər sa günaxan badi? Şuk'k'alen me əşlə tene biq'oy!»

Verse: 10  Link to rar   Avimeleḳen Avrahamaxun saal xavare haq̇i: "Me äšlä biq̇aṭan ḳä fikirbin biq̇i?"
   Avimelek'en Avrahamaxun saal xavare haq'i: «Me əşlə biq'at'an k'ə fikirbin biq'i?»

Verse: 11  Link to rar   Avrahamenal qaybaki metäre ǯoġab tadi: "Fikirezbi ki, miyanin amdarxon Buxaʒ́uġoxun teṭun q̇ə͑bsa, bezi čuġo ičoġoy kiyel basṭuna görä za besṭunbon.
   Avrahamenal qaybaki metəre coğab tadi: «Fikirezbi ki, miyanin amdarxon Buxačuğoxun tet'un q'ı̌bsa, bezi çuğo içoğoy kiyel bast'una görə za best'unbon.

Verse: 12  Link to rar   Metär exṭaṭan äfčiyal tene, bezi čuux hägigiyal bezi xunčine baksa, yan bava sa, nana ǯöy xunči-vičiyan.
   Metər ext'at'an əfçiyal tene, bezi çuux həgigiyal bezi xunçine baksa, yan bava sa, nana cöy xunçi-viçiyan.

Verse: 13  Link to rar   Buxaʒ́uġonal za ḳalpi "vi bakala ganu barta, hayza q̇eräz gala taki" uḳaṭan koṭo pizu ki, "bezi šaaṭa čurensasa, meyin oša q̇ärib gala bafṭayan, upa ki, zu vi vičizu"".
   Buxačuğonal za k'alpi "vi bakala ganu barta, hayza q'erəz gala taki" uk'at'an kot'o pizu ki, "bezi şaat'a çurensasa, meyin oşa q'ərib gala baft'ayan, upa ki, zu vi viçizu"».

Verse: 14  Link to rar   Ṭe vädä Avimeleḳen eġelxo, beliġo, čuux q̇a išq̇ar nökärxo ečesṭi Avrahama paye tadi. Oša Saral qaydi iču tadi
   T'e vədə Avimelek'en eğelxo, beliğo, çuux q'a işq'ar nökərxo eçest'i Avrahama paye tadi. Oşa Saral qaydi içu tadi

Verse: 15  Link to rar   pine: "Mone, bezi oćalxoy bito vaynaḳ qaye, vi üḳen maya čuresa vi čadərxo laxi čurpes bankon".
   pine: «Mone, bezi oç̌alxoy bito vaynak' qaye, vi ük'en maya çuresa vi çadırxo laxi çurpes bankon».

Verse: 16  Link to rar   Sara isä metäre pi: "Mone, vi vičä sa hazar gümüši tängäz tasṭa, barta me tängä vi günaxsuz gala c̣i č̣eysuna oc̣ḳi tašṭeynaḳq̇an baki, ṭe vädä vaxun sa ḳožin oq̇a bakalṭoġoy be͑ś vi bul ḳoc̣ tene bakon".
   Sara isə metəre pi: «Mone, vi viçə sa hazar gümüşi təngəz tast'a, barta me təngə vi günaxsuz gala s'i c'eysuna os'k'i taşt'eynak'q'an baki, t'e vədə vaxun sa k'ojin oq'a bakalt'oğoy běš vi bul k'os' tene bakon».

Verse: 17  Link to rar   Avrahamen Buxaʒ́uġo afərəpi xoyinśebi, Buxaʒ́uġonal Avimeleḳa iču, Avimeleḳi čuġo q̇a šoṭay saraya bakala bito čuux-nökärxo q̇olayebi. Isä šorox ṗurum äylä mandesṭun baksay,
   Avrahamen Buxačuğo afırıpi xoyinšebi, Buxačuğonal Avimelek'a içu, Avimelek'i çuğo q'a şot'ay saraya bakala bito çuux-nökərxo q'olayebi. İsə şorox p'urum əylə mandest'un baksay,

Verse: 18  Link to rar   axəri Avrahami čuux Sara görä Q̣ONƷ́UĠON ṭetäre bey ki, Avimeleḳi ḳoya bakala čupuxxoy sayǯo äylä mantenesṭay.
   axıri Avrahami çuux Sara görə Q'ONČUĞON t'etəre bey ki, Avimelek'i k'oya bakala çupuxxoy sayco əylə mantenest'ay.
Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.