TITUS
Biblia Udica, Versio Nizhensis: Vetus Testamentum
Part No. 17
Previous part

Chapter: 17 


Sünnätbaksun - Buxaʒ́uġoxun ġaćeci iräziluġa ämälbsun upsune
Sünnətbaksun - Buxačuğoxun ğaç̌eśi irəziluğa əməlbsun upsune


Verse: 1  Link to rar   Avrami doxsan vuy yäš bakaṭan Q̣ONƷ́UĠON šoṭo aḳeci pine: "Bitova Bašarbala Buxaʒ́ux Zuzu! Bez laxi yaq̇en taki, günaxal va ə͑śa bisṭa ma barta.
   Avrami doxsan vuy yəş bakat'an Q'ONČUĞON şot'o ak'eśi pine: «Bitova Başarbala Buxačux Zuzu! Bez laxi yaq'en taki, günaxal va ı̌ša bist'a ma barta.

Verse: 2  Link to rar   Zu isä vaxun sa iräziluġ ġaćeġoz, vaxunal bo͑q̇ä͑lpi čarḳesṭes nu bakala sa näsil töräyinšakale".
   Zu isə vaxun sa irəziluğ ğaç̌eğoz, vaxunal bǒq'ə̌lpi çark'est'es nu bakala sa nəsil törəyinşakale».

Verse: 3  Link to rar   Moṭo ibaki Avramen Buxaʒ́uġoy be͑ś čökṭi iz bul oćala lafṭamin ḳoc̣ebaki, Buxaʒ́uġon isä saal äyitpsa burqi pine:
   Mot'o ibaki Avramen Buxačuğoy běš çökt'i iz bul oç̌ala laft'amin k'os'ebaki, Buxačuğon isə saal əyitpsa burqi pine:

Verse: 4  Link to rar   "Mone, vaxun sa iräziluġ ġaćeci va äyitez tasṭa ki, vaxun azuḳxo töräyinšakale.
   «Mone, vaxun sa irəziluğ ğaç̌eśi va əyitez tast'a ki, vaxun azuk'xo törəyinşakale.

Verse: 5  Link to rar   Vi c̣iyal ene Avram tää, Avraham * bakale, šoṭo görä ki, vaxun töräyinšaki ṭe azuḳxoy bitoṭay bava hun bakalnu. *
   Vi s'iyal ene Avram təə, Avraham * bakale, şot'o görə ki, vaxun törəyinşaki t'e azuk'xoy bitot'ay bava hun bakalnu. *

Verse: 6  Link to rar   Vaxun töräyinšakalṭoġo ṭeq̇ädär booz ki, azuḳxo ämälä eġale vaxun, padčaġxo č̣eġale vaxun baki näsiläxun!
   Vaxun törəyinşakalt'oğo t'eq'ədər booz ki, azuk'xo əmələ eğale vaxun, padçağxo c'eğale vaxun baki nəsiləxun!

Verse: 7  Link to rar   Me iräziluġa vaxun q̇a vaxun bakiṭoġoxunez ġaćesa, viyal, vaxun töräyinšakiṭoġoyal Buxaʒ́ux baksuna hämišäluġ äyitez tasṭa.
   Me irəziluğa vaxun q'a vaxun bakit'oğoxunez ğaç̌esa, viyal, vaxun törəyinşakit'oğoyal Buxačux baksuna həmişəluğ əyitez tast'a.

Verse: 8  Link to rar   Häysä vi q̇ärib ḳinäḳ čurpi me Känan oćala exṭi hämišäluġ va q̇a vaxun töräyinšakalṭoġo tadoz Zu. Šoṭoġo mandale me oćal, Zuval ičoġoy Buxaʒ́ux bakoz!" *
   Həysə vi q'ərib k'inək' çurpi me Kənan oç̌ala ext'i həmişəluğ va q'a vaxun törəyinşakalt'oğo tadoz Zu. Şot'oğo mandale me oç̌al, Zuval içoğoy Buxačux bakoz!» *

Verse: 9  Link to rar   Oša Buxaʒ́uġon Avrahama pine: "Ama hun q̇a vaxun töräyinšakalṭoġonal, näsilxoval hari badalbakayin Bezi vä͑xun ġaćeci iräziluġa ämäl balanan.
   Oşa Buxačuğon Avrahama pine: «Ama hun q'a vaxun törəyinşakalt'oğonal, nəsilxoval hari badalbakayin Bezi və̌xun ğaç̌eśi irəziluğa əməl balanan.

Verse: 10  Link to rar   Efi me ġaćeci iräziluġa ämälbsuna aḳesṭeynaḳ isä efi boš ḳä išq̇ar q̇a ġar äyel bunesa, sünnätbakalane. *
   Efi me ğaç̌eśi irəziluğa əməlbsuna ak'est'eynak' isə efi boş k'ə işq'ar q'a ğar əyel bunesa, sünnətbakalane. *

Verse: 11  Link to rar   Sünnätbaksunen aḳesṭalnan Bezi q̇a efi arane ġaćeci iräziluġa ämälbsuna.
   Sünnətbaksunen ak'est'alnan Bezi q'a efi arane ğaç̌eśi irəziluğa əməlbsuna.

Verse: 12  Link to rar   Ef boš ḳä ġar äyel bunesa, nanaxun bakiṭay muġumǯi ġine sünnätbakalane: čuresa iz pula ef ḳoya qaypi äyelq̇an baki, čuresa tänginen haq̇eci nökäri äyel. Barta mo häysääl, oša eġala näsilxoynaḳal hämišä metärq̇an baki.
   Ef boş k'ə ğar əyel bunesa, nanaxun bakit'ay muğumci ğine sünnətbakalane: çuresa iz pula ef k'oya qaypi əyelq'an baki, çuresa tənginen haq'eśi nökəri əyel. Barta mo həysəəl, oşa eğala nəsilxoynak'al həmişə metərq'an baki.

Verse: 13  Link to rar   Iz pula ef ḳoya qaypi ġar äyelal sünnätbakalane, oša tänginen haq̇i ečeriyoval. Efi bädäni loxol bakala ṭe yeq̇a boṭi bosṭunen aḳesṭale Bezi vä͑xun hämišäluġ sa iräziluġ ġaćesuna.
   İz pula ef k'oya qaypi ğar əyelal sünnətbakalane, oşa tənginen haq'i eçeriyoval. Efi bədəni loxol bakala t'e yeq'a bot'i bost'unen ak'est'ale Bezi və̌xun həmişəluğ sa irəziluğ ğaç̌esuna.

Verse: 14  Link to rar   Ef boš nu sünnätbakiyo, yäni iz bädäni loxol bakala ṭe yeq̇ nu boṭeciyo nu bakalane. Metärṭay tura boṭanan azuḳaxun, šoṭo görä ki, Zaxun ġaćeci iräziluġa nu ämälbalone šo".
   Ef boş nu sünnətbakiyo, yəni iz bədəni loxol bakala t'e yeq' nu bot'eśiyo nu bakalane. Metərt'ay tura bot'anan azuk'axun, şot'o görə ki, Zaxun ğaç̌eśi irəziluğa nu əməlbalone şo».

Verse: 15  Link to rar   Oša Buxaʒ́uġon Avrahama metäre pi: "Vi čuġoval ene Saray pi ma ḳalpa, ġeyin ġinaxun šoṭay c̣i Sarane * baki.
   Oşa Buxačuğon Avrahama metəre pi: «Vi çuğoval ene Saray pi ma k'alpa, ğeyin ğinaxun şot'ay s'i Sarane * baki.

Verse: 16  Link to rar   Bezi xeyir- bäräkätä tadi vaynaḳ sa ġar ečesṭoz Zu šoṭo. Šoṭo ṭetär sa xeyir-bäräkät tadoz ki, millätxo töräyinšakale šoṭoxun, azuḳxoynaḳ padčaġxo ämälä eġale".
   Bezi xeyir- bərəkətə tadi vaynak' sa ğar eçest'oz Zu şot'o. Şot'o t'etər sa xeyir-bərəkət tadoz ki, millətxo törəyinşakale şot'oxun, azuk'xoynak' padçağxo əmələ eğale».

Verse: 17  Link to rar   Avrahamen ṗurum Buxaʒ́uġoy be͑ś čökṭi iz bul oćala lafṭamin ḳoc̣ebaki, iz boš isä axśumpi "maya aḳece ki, sabać yäšṭä amdaraxun äyel bakane? Doxsan yäšṭä Saran ečale meyin oša äyel?" pine.
   Avrahamen p'urum Buxačuğoy běš çökt'i iz bul oç̌ala laft'amin k'os'ebaki, iz boş isə axšumpi "maya ak'eśe ki, sabaç̌ yəşt'ə amdaraxun əyel bakane? Doxsan yəşt'ə Saran eçale meyin oşa əyel?" pine.

Verse: 18  Link to rar   Metär fikirbiyal Buxaʒ́uġo pine: "Ismaili elmux dirisṭ, šoṭay Vi piyes šaaṭ aḳesun za bäse!"
   Metər fikirbiyal Buxačuğo pine: «İsmaili elmux dirist', şot'ay Vi piyes şaat' ak'esun za bəse!»

Verse: 19  Link to rar   Ama Buxaʒ́uġon qaybaki metäre pi: "Bezi va pi ḳinäḳ bakale, ġara vi čuux Saran vaynaḳ ečale, hunal ṭe ġare c̣iya Isaaḳ * laxalnu. Šoṭoxun q̇a šoṭoxun töräyinšakalṭoġoxunez ġaćesa Zu me hämišäluġ iräziluġa.
   Ama Buxačuğon qaybaki metəre pi: «Bezi va pi k'inək' bakale, ğara vi çuux Saran vaynak' eçale, hunal t'e ğare s'iya İsaak' * laxalnu. Şot'oxun q'a şot'oxun törəyinşakalt'oğoxunez ğaç̌esa Zu me həmişəluğ irəziluğa.

Verse: 20  Link to rar   Ama vi Ismaili barada piṭoġoval izbaki Zu, Bezi xeyir-bäräkätä kamtezbal Zu šoṭoxun. Šoṭo ṭema äyel tadoz ki, šoṭoġoxun töräyinšakalṭoġo bo͑q̇ä͑lpi čarḳesṭes tene bakal. P̣ac̣c̣e dänä kalaluġbal č̣eġale šoṭay näsiläxun, kala sa azuḳi bava bakale šo.
   Ama vi İsmaili barada pit'oğoval izbaki Zu, Bezi xeyir-bərəkətə kamtezbal Zu şot'oxun. Şot'o t'ema əyel tadoz ki, şot'oğoxun törəyinşakalt'oğo bǒq'ə̌lpi çark'est'es tene bakal. P'as's'e dənə kalaluğbal c'eğale şot'ay nəsiləxun, kala sa azuk'i bava bakale şo.

Verse: 21  Link to rar   Bezi uḳala iräziluġa isä vi ġar Isaaḳaxun ġaćeġoz, eġala usen me vädine Saran vaynaḳ ečala ġaraxun".
   Bezi uk'ala irəziluğa isə vi ğar İsaak'axun ğaç̌eğoz, eğala usen me vədine Saran vaynak' eçala ğaraxun».

Verse: 22  Link to rar   Metär piyal Buxaʒ́ux Avrahami ṭo͑ġo͑lxun ä͑xilebaki.
   Metər piyal Buxačux Avrahami t'ǒğǒlxun ə̌xilebaki.

Verse: 23  Link to rar   Avrahamenal bitova Buxaʒ́uġon iču pi ḳinäḳ bine. Šoṭin haṭe ġi iz ḳoya ḳä išq̇ar q̇a ġar äyel bunesa bitova sünnätebi, ičuxun q̇a iz ġar Ismailaxun burqi, iz ḳoya nanaxun baki nökärxoxun q̇a oša tänginen haq̇i nökärxol ciriḳ šu bunesa bitova.
   Avrahamenal bitova Buxačuğon içu pi k'inək' bine. Şot'in hat'e ği iz k'oya k'ə işq'ar q'a ğar əyel bunesa bitova sünnətebi, içuxun q'a iz ğar İsmailaxun burqi, iz k'oya nanaxun baki nökərxoxun q'a oşa tənginen haq'i nökərxol śirik' şu bunesa bitova.

Verse: 24  Link to rar   Avrahami sünnätbakaṭan doxsan vuy,
   Avrahami sünnətbakat'an doxsan vuy,

Verse: 25  Link to rar   izi ġar Ismaili isä xibec̣c̣e yäše buy.
   izi ğar İsmaili isə xibes's'e yəşe buy.

Verse: 26  Link to rar   Šorox ṗo͑ġä͑l haṭe sa ġineṭun sünnätbaki,
   Şorox p'ǒğə̌l hat'e sa ğinet'un sünnətbaki,

Verse: 27  Link to rar   Avrahami ḳožin nökärxoxun baki ġar äylux q̇a oša tänginen haq̇eciyorox haṭe ġineṭun sünnätbakey.
   Avrahami k'ojin nökərxoxun baki ğar əylux q'a oşa tənginen haq'eśiyorox hat'e ğinet'un sünnətbakey.
Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.