TITUS
Biblia Udica, Versio Nizhensis: Vetus Testamentum
Part No. 14
Previous part

Chapter: 14 


Avrami Luṭa čarḳesṭun
Avrami Lut'a çark'est'un


Verse: 1  Link to rar   Šinari padčaġ Amrafel bakaṭan, Ellasari padčaġ Aryoḳ, Elami padčaġ Ḳedorlaomer, Goyimi padčaġ isä Ṭidal bakaṭan
   Şinari padçağ Amrafel bakat'an, Ellasari padçağ Aryok', Elami padçağ K'edorlaomer, Goyimi padçağ isə T'idal bakat'an

Verse: 2  Link to rar   davane burqeci. Šorox hayzeri Sodomi padčaġ Berayi, Homorray padčaġ Biršayi, Admay padčaġ Šinavi, Cevoyimi padčaġ Šemeveri q̇a Belay, yäni Coari padčaġi loxol davinaṭun taci.
   davane burqeśi. Şorox hayzeri Sodomi padçağ Berayi, Homorray padçağ Birşayi, Admay padçağ Şinavi, Śevoyimi padçağ Şemeveri q'a Belay, yəni Śoari padçaği loxol davinat'un taśi.

Verse: 3  Link to rar   Me padčaġxonal ičoġoy loxol davinen eġalṭoġoy be͑ś čurpes bakseynaḳ ičoġoy q̇ošunxo gärbi Siddim uḳala däräne čurṭunpi. Mo häysä Elaxoy däniz bakala gane.
   Me padçağxonal içoğoy loxol davinen eğalt'oğoy běš çurpes bakseynak' içoğoy q'oşunxo gərbi Siddim uk'ala dərəne çurt'unpi. Mo həysə Elaxoy dəniz bakala gane.

Verse: 4  Link to rar   P̣ac̣c̣e useney ki, Ḳedorlaomeren šoṭoġo iz kiyel badi efeney, ama xibec̣c̣emǯi usenasṭa e͑qṭunci.
   P'as's'e useney ki, K'edorlaomeren şot'oğo iz kiyel badi efeney, ama xibes's'emci usenast'a ěqt'unśi.

Verse: 5  Link to rar   Moṭoxun sa usen oša isä Ḳedorlaomeren q̇a me äšläsṭa iz täräf bakala padčaġxon č̣eri rafaluġoxun Ašṭeroṭ-Ḳarnayima uḳala gala, zuzluġoxun Hama uḳala gala, emluġoxun Ḳiryaṭayima,
   Mot'oxun sa usen oşa isə K'edorlaomeren q'a me əşləst'a iz tərəf bakala padçağxon c'eri rafaluğoxun Aşt'erot'-K'arnayima uk'ala gala, zuzluğoxun Hama uk'ala gala, emluğoxun K'iryat'ayima,

Verse: 6  Link to rar   xorluġoxun isä amc̣i oćali ośel bakala El-P̣arana taġala yaq̇e loxol, Seir uḳala burux ganxo davabi šoṭoġo taṭunšeri.
   xorluğoxun isə ams'i oç̌ali ošel bakala El-P'arana tağala yaq'e loxol, Seir uk'ala burux ganxo davabi şot'oğo tat'unşeri.

Verse: 7  Link to rar   Oša ṭeṭiin qaybaki En-Mišṗaṭač, yäni Qadešačṭun taci. Taciyal amalegluġoy q̇a Xaseson-Ṭamara yäšäyinšala emorluġoy oćalxo davabi dirisṭ exṭundi.
   Oşa t'et'iin qaybaki En-Mişp'at'aç, yəni Qadeşaçt'un taśi. Taśiyal amalegluğoy q'a Xaseson-T'amara yəşəyinşala emorluğoy oç̌alxo davabi dirist' ext'undi.

Verse: 8  Link to rar   Metärluġen, Sodomi padčaġen, Homorray padčaġen, Admay padčaġen, Cevoyimi padčaġen saal Belay, yäni Coari padčaġen, Siddim uḳala däräne ičoġoy q̇ošunxo girbi č̣erṭun ki, davabalṭun.
   Metərluğen, Sodomi padçağen, Homorray padçağen, Admay padçağen, Śevoyimi padçağen saal Belay, yəni Śoari padçağen, Siddim uk'ala dərəne içoğoy q'oşunxo girbi c'ert'un ki, davabalt'un.

Verse: 9  Link to rar   Ičoġoy loxol eġalorox isä Elami padčaġ Ḳedorlaomer, Goyimi padčaġ Ṭidal, Šinari padčaġ Amrafel saal Ellasari padčaġ Aryoḳey. Biṗ padčaġi q̇ošunen qo padčaġi q̇ošunaxun davabaley.
   İçoğoy loxol eğalorox isə Elami padçağ K'edorlaomer, Goyimi padçağ T'idal, Şinari padçağ Amrafel saal Ellasari padçağ Aryok'ey. Bip' padçaği q'oşunen qo padçaği q'oşunaxun davabaley.

Verse: 10  Link to rar   Me Siddim uḳala däräne isä oćali oq̇axun q̇ire č̣eysay, ṭiya bakala kururxoval bito me q̇iren buyey. Sodomi q̇a Homorray padčaġi äsḳärxonal davina taševḳi ṭisṭa burqaṭan gelo me kururxo bafṭi ṗurṭun. Dirisṭ mandiyorox isä č̣eri buruxmoġoṭun ṭiṭeri.
   Me Siddim uk'ala dərəne isə oç̌ali oq'axun q'ire c'eysay, t'iya bakala kururxoval bito me q'iren buyey. Sodomi q'a Homorray padçaği əsk'ərxonal davina taşevk'i t'ist'a burqat'an gelo me kururxo baft'i p'urt'un. Dirist' mandiyorox isə c'eri buruxmoğot'un t'it'eri.

Verse: 11  Link to rar   Davina tašeri ṭe biṗ padčaġenal Sodom q̇a Homorra šähäre ḳä bunesa bitova fu͑q̇ṗi taṭunšeri, ičoġoy ambarxo bakala ukunal ciriḳ.
   Davina taşeri t'e bip' padçağenal Sodom q'a Homorra şəhəre k'ə bunesa bitova fǔq'p'i tat'unşeri, içoğoy ambarxo bakala ukunal śirik'.

Verse: 12  Link to rar   Sodoma bakala Avrami vičey ġar Luṭal fu͑q̇ṭunpi, taġaṭanal šoṭo ičoġoy be͑ś badi haq̇i taṭunci.
   Sodoma bakala Avrami viçey ğar Lut'al fǔq't'unpi, tağat'anal şot'o içoğoy běš badi haq'i tat'unśi.

Verse: 13  Link to rar   Ṭetäre baki ki, šoṭoġoy kiyexun ṭiṭeri iču čarḳesṭes baki sa amdare buy, šoṭin hari moṭo äbraniġoxun bakala Avrama ṗaṗesebi. Avram Mamreni mä͑xluġ uḳala ganu ə͑śane baksay, Ešḳol q̇a Aneral hame Mamreni näsiläxunṭuniy. Moṭoġon ičoġoy arane iräziluġṭun ġaćecey ki, čätinluġa bafṭaṭan suna kömäybalṭun.
   T'etəre baki ki, şot'oğoy kiyexun t'it'eri içu çark'est'es baki sa amdare buy, şot'in hari mot'o əbraniğoxun bakala Avrama p'ap'esebi. Avram Mamreni mə̌xluğ uk'ala ganu ı̌šane baksay, Eşk'ol q'a Aneral hame Mamreni nəsiləxunt'uniy. Mot'oğon içoğoy arane irəziluğt'un ğaç̌eśey ki, çətinluğa baft'at'an suna köməybalt'un.

Verse: 14  Link to rar   Avramen iz vičey ġar düšmäni kiyel baksuna ibakaṭan, ičoġoy pula qaypi ġinaxun iz śuma käyi kalabaki ġarmoġoxun xibbać muġec̣c̣e tanluġ sa däsṭäne girbi. Šo Luṭa biq̇i tašeriṭoġoy bać̣anexun bafṭi, düz Dan šähäräl ciriḳ taneci.
   Avramen iz viçey ğar düşməni kiyel baksuna ibakat'an, içoğoy pula qaypi ğinaxun iz šuma kəyi kalabaki ğarmoğoxun xibbaç̌ muğes's'e tanluğ sa dəst'əne girbi. Şo Lut'a biq'i taşerit'oğoy bač'anexun baft'i, düz Dan şəhərəl śirik' taneśi.

Verse: 15  Link to rar   Ṭiya ṗaṗiṭuxun oša üše iz amdarxo däsṭoġo ǯöybi iz vičey ġara biq̇i tašeriṭoġoy be͑śṭan boṭesedi. Šorox Avrami girbi ečeri däsṭin be͑ś čurpes nu baki č̣eri ṭiṭalaṭun baki, Avramenal šoṭoġo düz Damasḳi q̇uzey täräf bakala Xovinal ciriḳ šäṗeci.
   T'iya p'ap'it'uxun oşa üşe iz amdarxo dəst'oğo cöybi iz viçey ğara biq'i taşerit'oğoy běšt'an bot'esedi. Şorox Avrami girbi eçeri dəst'in běš çurpes nu baki c'eri t'it'alat'un baki, Avramenal şot'oğo düz Damask'i q'uzey tərəf bakala Xovinal śirik' şəp'eśi.

Verse: 16  Link to rar   Avramen šoṭoġoy kiyelxun ičoġoy fu͑q̇ṗi tašeriṭoġo bitova exedi. Luṭa, Luṭe čupuxxo q̇a nökärxoval čarḳesedi, Luṭaxun fu͑q̇ṗiṭoġoval bitova qaydi exedi.
   Avramen şot'oğoy kiyelxun içoğoy fǔq'p'i taşerit'oğo bitova exedi. Lut'a, Lut'e çupuxxo q'a nökərxoval çark'esedi, Lut'axun fǔq'p'it'oğoval bitova qaydi exedi.


Melḳisedeḳi Avrama xeyir-bäräkät tasṭun
Melk'isedek'i Avrama xeyir-bərəkət tast'un


Verse: 17  Link to rar   Avram Ḳedorlaomera q̇a šoṭay täräf bakalṭoġo šäṗeci qaybakaṭan iz be͑ś Šaveni därä uḳala gala Sodomi padčaġe č̣eri. Me däräni c̣iya "Padčaġi däräl" nexṭuniy.
   Avram K'edorlaomera q'a şot'ay tərəf bakalt'oğo şəp'eśi qaybakat'an iz běš Şaveni dərə uk'ala gala Sodomi padçağe c'eri. Me dərəni s'iya "Padçaği dərəl" next'uniy.

Verse: 18  Link to rar   Salemi padčaġ bakala Melḳisedeḳal iz kiyel śum q̇a fi exṭi č̣ereney. Me Melḳisedeḳ Ala Arci Buxaʒ́uġo q̇ulluġbala sa be͑yinśey,
   Salemi padçağ bakala Melk'isedek'al iz kiyel šum q'a fi ext'i c'ereney. Me Melk'isedek' Ala Arśi Buxačuğo q'ulluğbala sa běyinšey,

Verse: 19  Link to rar   šoṭin Avrama me äyitmoġo pi xeyir-bäräkäte tadi: "Ala Arci Buxaʒ́uġon, göyä q̇a oćala Yaratmišiṭin Avrama xeyir-bäräkätq̇an tadi!
   şot'in Avrama me əyitmoğo pi xeyir-bərəkəte tadi: «Ala Arśi Buxačuğon, göyə q'a oç̌ala Yaratmişit'in Avrama xeyir-bərəkətq'an tadi!

Verse: 20  Link to rar   Düšmänxo vi kiyel tadi Ala Arci Buxaʒ́uġo alxəšq̇an baki".
   Düşmənxo vi kiyel tadi Ala Arśi Buxačuğo alxışq'an baki».
   Avramenal düšmäni kiyexun exṭiṭoġoy vic̣ payaxun sunṭu Melḳisedeḳane tadi. *
   Avramenal düşməni kiyexun ext'it'oğoy vis' payaxun sunt'u Melk'isedek'ane tadi. *

Verse: 21  Link to rar   Sodomi padčaġen isä Avrama metäre pi: "Za täk bezi amdarxo qayda tada, mandi bito viq̇an baki".
   Sodomi padçağen isə Avrama metəre pi: «Za tək bezi amdarxo qayda tada, mandi bito viq'an baki».

Verse: 22  Link to rar   Ama Avramen Sodomi padčaġa qaybaki metäre pi: "Ala Arci Buxaʒ́uġoy be͑śez nex, göyä q̇a oćala yaratmiši Q̣ONƷ́UĠOY c̣iyaz duġi elase ki,
   Ama Avramen Sodomi padçağa qaybaki metəre pi: «Ala Arśi Buxačuğoy běšez nex, göyə q'a oç̌ala yaratmişi Q'ONČUĞOY s'iyaz duği elase ki,

Verse: 23  Link to rar   zasṭa vi sa čöpäl tez efal. Za vi hiḳḳal lazəm tene, oša umapa ki, "zuz Avrama be͑ś badi".
   zast'a vi sa çöpəl tez efal. Za vi hik'k'al lazım tene, oşa umapa ki, "zuz Avrama běš badi".

Verse: 24  Link to rar   Bezi amdarxon käyiṭoġo č̣eriṭuxun oša zaxun sagala davabi Aneri, Ešḳoli saal Mamreni paya tada, q̇eräz hiḳḳal čurtezsa".
   Bezi amdarxon kəyit'oğo c'erit'uxun oşa zaxun sagala davabi Aneri, Eşk'oli saal Mamreni paya tada, q'erəz hik'k'al çurtezsa».
Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.