TITUS
Biblia Udica, Versio Nizhensis: Vetus Testamentum
Part No. 11
Previous part

Chapter: 11 


Vaviloni ḳüllä
Vaviloni k'üllə


Verse: 1  Link to rar   Ṭe dööräsṭä dünyäne bakala amdarxoy bitoṭin sa muzine äyitey, bitoṭinal suna q̇amišebaksay.
   T'e döörəst'ə dünyəne bakala amdarxoy bitot'in sa muzine əyitey, bitot'inal suna q'amişebaksay.

Verse: 2  Link to rar   Šorox gelebaksunen be͑ġč̣eġalač taci Šinar oćala ṗaṭunṗi, hariyal sa qavun ga bä͑ġä͑bi miya mäsḳänṭun saki.
   Şorox gelebaksunen běğc'eğalaç taśi Şinar oç̌ala p'at'unp'i, hariyal sa qavun ga bə̌ğə̌bi miya məsk'ənt'un saki.

Verse: 3  Link to rar   Sa ġiyal metärṭun pi: "Ekinan neśum ḳulen kärpič düzbi šoṭo yönbäri boḳosṗen". Haketäräl biṭun: šoṭoġon źe͑ne gala kärpič, oć̣in galal q̇irṭun äšṗesṭa burqi.
   Sa ğiyal metərt'un pi: «Ekinan nešum k'ulen kərpiç düzbi şot'o yönbəri bok'osp'en». Haketərəl bit'un: şot'oğon ǰěne gala kərpiç, oč'in galal q'irt'un əşp'est'a burqi.

Verse: 4  Link to rar   Oša metärṭun pi: "Ekinan sa šähär lasaki iz bə͑yex ṭetär sa ḳüllä biq̇en ki, iz bul taci göynulq̇an ṗaṗi. Metär bayan beši c̣i ṭaṗeġale, me dünyäne caralġayan aći teyan batḳal".
   Oşa metərt'un pi: «Ekinan sa şəhər lasaki iz bı̌yex t'etər sa k'üllə biq'en ki, iz bul taśi göynulq'an p'ap'i. Metər bayan beşi s'i t'ap'eğale, me dünyəne śaralğayan aç̌i teyan batk'al».

Verse: 5  Link to rar   Q̣ONƷ́UĠONAL amdarxon biq̇ala šähärä q̇a me alloy ḳüllinä be͑ġseynaḳ oq̇a ciri
   Q'ONČUĞONAL amdarxon biq'ala şəhərə q'a me alloy k'üllinə běğseynak' oq'a śiri

Verse: 6  Link to rar   pine: "Morox bito amdarxoy sa azuḳ ḳinäḳ baki sa muzin äyitpsunaxune. Häysä metärṭun bsasa, oša ḳä balṭun? Be͑śinä͑mä haq̇es tene bakal moṭoġoy!
   pine: «Morox bito amdarxoy sa azuk' k'inək' baki sa muzin əyitpsunaxune. Həysə metərt'un bsasa, oşa k'ə balt'un? Běšinə̌mə haq'es tene bakal mot'oğoy!

Verse: 7  Link to rar   Nexzu ciġen moṭoġoy sunaxun äyitḳala muza ǯöyben, barta suna maq̇aṭun q̇amišaki".
   Nexzu śiğen mot'oğoy sunaxun əyitk'ala muza cöyben, barta suna maq'at'un q'amişaki».

Verse: 8  Link to rar   Metärluġen, Q̣ONƷ́UĠON ṭetäre bi ki, šorox ǯöybaki dünyäni biṗ ṭo͑o͑x carṭunci, ṭe šähäräl haṭetär qu͑nqu͑l manedi.
   Metərluğen, Q'ONČUĞON t'etəre bi ki, şorox cöybaki dünyəni bip' t'ǒǒx śart'unśi, t'e şəhərəl hat'etər qǔnqǔl manedi.

Verse: 9  Link to rar   Ṭe gane c̣iyal moṭo göräṭun Vavilon * laxey, Q̣ONƷ́UĠON miya amdarxoy muza gärgürbi dünyänen sa carpsuna görä.
   T'e gane s'iyal mot'o görət'un Vavilon * laxey, Q'ONČUĞON miya amdarxoy muza gərgürbi dünyənen sa śarpsuna görə.


Šemaxun burqi Avramal ciriḳ bakiyorox *
Şemaxun burqi Avramal śirik' bakiyorox *


Verse: 10  Link to rar   Moval Šemaxun bakiṭoġoy siyäyi:
   Moval Şemaxun bakit'oğoy siyəyi:
   Oćala xenen ćaxṗiṭuxun ṗä͑ usen oša, Šeme düz sabać yäš bakaṭan iz ġar Arṗaḳšade baki.
   Oç̌ala xenen ç̌axp'it'uxun p'ə̌ usen oşa, Şeme düz sabaç̌ yəş bakat'an iz ğar Arp'ak'şade baki.

Verse: 11  Link to rar   Arṗaḳšad bakiṭuxun oša Šem hälä sa qobać usenal yäšäyinšebi, šoṭay q̇eräzäl ġarmux, xuyärmuxe baki.
   Arp'ak'şad bakit'uxun oşa Şem hələ sa qobaç̌ usenal yəşəyinşebi, şot'ay q'erəzəl ğarmux, xuyərmuxe baki.

Verse: 12  Link to rar   Arṗaḳšadi otuz qo yäš bakaṭan iz ġar Šelaxe baki.
   Arp'ak'şadi otuz qo yəş bakat'an iz ğar Şelaxe baki.

Verse: 13  Link to rar   Šelax bakiṭuxun oša Arṗaḳšad hälä sa biṗbać xib usenal yäšäyinšebi, šoṭay q̇eräzäl ġarmux, xuyärmuxe baki.
   Şelax bakit'uxun oşa Arp'ak'şad hələ sa bip'baç̌ xib usenal yəşəyinşebi, şot'ay q'erəzəl ğarmux, xuyərmuxe baki.

Verse: 14  Link to rar   Šelaxi otuz yäš bakaṭan iz ġar Evere baki.
   Şelaxi otuz yəş bakat'an iz ğar Evere baki.

Verse: 15  Link to rar   Ever bakiṭuxun oša Šelax hälä sa biṗbać xib usenal yäšäyinšebi, šoṭay q̇eräzäl ġarmux, xuyärmuxe baki.
   Ever bakit'uxun oşa Şelax hələ sa bip'baç̌ xib usenal yəşəyinşebi, şot'ay q'erəzəl ğarmux, xuyərmuxe baki.

Verse: 16  Link to rar   Everi otuz biṗ yäš bakaṭan iz ġar P̣elege baki.
   Everi otuz bip' yəş bakat'an iz ğar P'elege baki.

Verse: 17  Link to rar   P̣eleg bakiṭuxun oša Ever hälä sa biṗbać otuz usenal yäšäyinšebi, šoṭay q̇eräzäl ġarmux, xuyärmuxe baki.
   P'eleg bakit'uxun oşa Ever hələ sa bip'baç̌ otuz usenal yəşəyinşebi, şot'ay q'erəzəl ğarmux, xuyərmuxe baki.

Verse: 18  Link to rar   P̣elegi otuz yäš bakaṭan iz ġar Reune baki.
   P'elegi otuz yəş bakat'an iz ğar Reune baki.

Verse: 19  Link to rar   Reu bakiṭuxun oša P̣eleg hälä sa ṗä͑bać vuy usenal yäšäyinšebi, šoṭay q̇eräzäl ġarmux, xuyärmuxe baki.
   Reu bakit'uxun oşa P'eleg hələ sa p'ə̌baç̌ vuy usenal yəşəyinşebi, şot'ay q'erəzəl ğarmux, xuyərmuxe baki.

Verse: 20  Link to rar   Reuni otuz ṗä͑ yäš bakaṭan iz ġar Seruḳe baki.
   Reuni otuz p'ə̌ yəş bakat'an iz ğar Seruk'e baki.

Verse: 21  Link to rar   Seruḳ bakiṭuxun oša Reu hälä sa ṗä͑bać vu͑ġ usenal yäšäyinšebi, šoṭay q̇eräzäl ġarmux, xuyärmuxe baki.
   Seruk' bakit'uxun oşa Reu hələ sa p'ə̌baç̌ vǔğ usenal yəşəyinşebi, şot'ay q'erəzəl ğarmux, xuyərmuxe baki.

Verse: 22  Link to rar   Seruḳi otuz yäš bakaṭan iz ġar Naxore baki.
   Seruk'i otuz yəş bakat'an iz ğar Naxore baki.

Verse: 23  Link to rar   Naxor bakiṭuxun oša Seruḳ hälä sa ṗä͑bać usenal yäšäyinšebi, šoṭay q̇eräzäl ġarmux, xuyärmuxe baki.
   Naxor bakit'uxun oşa Seruk' hələ sa p'ə̌baç̌ usenal yəşəyinşebi, şot'ay q'erəzəl ğarmux, xuyərmuxe baki.

Verse: 24  Link to rar   Naxori saq̇ovuy yäš bakaṭan iz ġar Ṭeraxe baki.
   Naxori saq'ovuy yəş bakat'an iz ğar T'eraxe baki.

Verse: 25  Link to rar   Ṭerax bakiṭuxun oša Naxor hälä sa sabać vuyec̣c̣e usenal yäšäyinšebi, šoṭay q̇eräzäl ġarmux, xuyärmuxe baki.
   T'erax bakit'uxun oşa Naxor hələ sa sabaç̌ vuyes's'e usenal yəşəyinşebi, şot'ay q'erəzəl ğarmux, xuyərmuxe baki.

Verse: 26  Link to rar   Ṭeraxi yetmiš yäš bakiṭuxun oša šoṭay me ġarmuxe baki: Avram, Naxor saal Xaran.
   T'eraxi yetmiş yəş bakit'uxun oşa şot'ay me ğarmuxe baki: Avram, Naxor saal Xaran.


Ṭerax q̇a Ṭeraxaxun bakiyorox
T'erax q'a T'eraxaxun bakiyorox


Verse: 27  Link to rar   Moval Ṭeraxi ġarmux: Avram, Naxor saal Xaran. Xarani Luṭ uḳala ġare buy.
   Moval T'eraxi ğarmux: Avram, Naxor saal Xaran. Xarani Lut' uk'ala ğare buy.

Verse: 28  Link to rar   Xaran ič isä hälä iz bava dirisṭ bakaṭan izi nanaxun baki šähäre, yäni xaldeyluġoy Ur šähäre ṗure.
   Xaran iç isə hələ iz bava dirist' bakat'an izi nanaxun baki şəhəre, yəni xaldeyluğoy Ur şəhəre p'ure.

Verse: 29  Link to rar   Avram q̇a Naxor laśḳoyṭunbaki. Avrami čuġoy c̣i Saray, Naxori čuġoy c̣i isä Milḳaney. Milḳa Xarani xuyärey, Xarani q̇eräz sa xuyäräl buney, iz c̣i Isḳa.
   Avram q'a Naxor lašk'oyt'unbaki. Avrami çuğoy s'i Saray, Naxori çuğoy s'i isə Milk'aney. Milk'a Xarani xuyərey, Xarani q'erəz sa xuyərəl buney, iz s'i İsk'a.

Verse: 30  Link to rar   Sarayi äyel tene baksay, šo ärämiḳey.
   Sarayi əyel tene baksay, şo ərəmik'ey.

Verse: 31  Link to rar   Ṭeraxen iz ġar Avrama q̇a iz bin Saraya saal Xaranaxun baki ġar Luṭa, yäni izi nävä, exṭi ičoġoy bakala xaldeyluġoy Ur šähärexun č̣ere. Šo Känan oćalane taysun čuresay, ama hari Xarrana ṗaṗi miyane mäsḳän saki.
   T'eraxen iz ğar Avrama q'a iz bin Saraya saal Xaranaxun baki ğar Lut'a, yəni izi nəvə, ext'i içoğoy bakala xaldeyluğoy Ur şəhərexun c'ere. Şo Kənan oç̌alane taysun çuresay, ama hari Xarrana p'ap'i miyane məsk'ən saki.

Verse: 32  Link to rar   Ṭerax düz ṗä͑bać qo usen yäšäyinši, hame Xarranal ṗure.
   T'erax düz p'ə̌baç̌ qo usen yəşəyinşi, hame Xarranal p'ure.
Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.