TITUS
Biblia Udica, Versio Nizhensis: Vetus Testamentum
Part No. 10
Previous part

Chapter: 10 


Noyaxun ämälä hariyorox *
Noyaxun əmələ hariyorox *


Verse: 1  Link to rar   Moval Noye ġarmoġoxun, Šem, Xam saal Yafeṭaxun bakiṭǧoy siyäyi. Oćala xenen ćaxṗiṭuxun oša šoṭoġoy ġarmuxe bakey.
   Moval Noye ğarmoğoxun, Şem, Xam saal Yafet'axun bakit'ǧoy siyəyi. Oç̌ala xenen ç̌axp'it'uxun oşa şot'oğoy ğarmuxe bakey.

Verse: 2  Link to rar   Yafeṭi ġarmux: Gomer, Magog, Maday, Yavan, Ṭuval, Mešeḳ saal Ṭiras.
   Yafet'i ğarmux: Gomer, Magog, Maday, Yavan, T'uval, Meşek' saal T'iras.

Verse: 3  Link to rar   Gomeri ġarmux: Ašḳenaz, Rifaṭ saal Ṭogarma.
   Gomeri ğarmux: Aşk'enaz, Rifat' saal T'ogarma.

Verse: 4  Link to rar   Yavani ġarmux: Eliša, Taršiš, Ḳiṭṭim saal Dodanim.
   Yavani ğarmux: Elişa, Tarşiş, K'it't'im saal Dodanim.

Verse: 5  Link to rar   Yavani ġarmoġoxun bakiṭoġon dänizi börine bakala oćalxoṭun mäsḳän sakey.
   Yavani ğarmoğoxun bakit'oğon dənizi börine bakala oç̌alxot'un məsk'ən sakey.
   Metärluġen, Yafeṭaxun ämälä hari azuḳxo moroxey, här azuḳiyal iz oćal, iz muze buy. Azuḳ isä ši näsiläxune ämälä haresa ṭe amdari c̣iyene taysay.
   Metərluğen, Yafet'axun əmələ hari azuk'xo moroxey, hər azuk'iyal iz oç̌al, iz muze buy. Azuk' isə şi nəsiləxune əmələ haresa t'e amdari s'iyene taysay.

Verse: 6  Link to rar   Xame ġarmux: Ḳuš, Misrayim, P̣uṭ saal Känan.
   Xame ğarmux: K'uş, Misrayim, P'ut' saal Kənan.

Verse: 7  Link to rar   Ḳuše ġarmux: Seva, Xavila, Savṭa, Raama saal Savṭeḳa. Raamay ġarmux: Ševa q̇a Dedan.
   K'uşe ğarmux: Seva, Xavila, Savt'a, Raama saal Savt'ek'a. Raamay ğarmux: Şeva q'a Dedan.

Verse: 8  Link to rar   Iz ci Nemrud, ičusṭa nu aḳeci sa zor bakala saamǯi amdaral hame Ḳušaxun baki azuḳaxuney.
   İz śi Nemrud, içust'a nu ak'eśi sa zor bakala saamci amdaral hame K'uşaxun baki azuk'axuney.

Verse: 9  Link to rar   Q̣ONƷ́UĠON šoṭo ṭetär sa bašaraġe tadey ki, šoṭollariḳ o͑xä͑lbal tene buy. Šoṭo göräne amdarxon häläl "šaaṭ o͑xä͑lbal" uḳaṭan "Nemrud ḳinäḳ o͑xä͑lbal" nex.
   Q'ONČUĞON şot'o t'etər sa başarağe tadey ki, şot'ollarik' ǒxə̌lbal tene buy. Şot'o görəne amdarxon hələl "şaat' ǒxə̌lbal" uk'at'an "Nemrud k'inək' ǒxə̌lbal" nex.

Verse: 10  Link to rar   Šoṭay padčaġluġa süfṭä Šinar ölkinä bakala me šähärmuxe buy: Vavilon, Ereḳ, Aḳḳad saal Ḳalne.
   Şot'ay padçağluğa süft'ə Şinar ölkinə bakala me şəhərmuxe buy: Vavilon, Erek', Ak'k'ad saal K'alne.

Verse: 11  Link to rar   Ama oša Aššur ölkinä köčṗi me šähärmoġone biq̇i: Nineva, Rixovoṭ-Ir saal Ḳelax.
   Ama oşa Aşşur ölkinə köçp'i me şəhərmoğone biq'i: Nineva, Rixovot'-İr saal K'elax.

Verse: 12  Link to rar   Šoṭin Ninevin q̇a Ḳelaxi arane Resen šähäräl lasaneki. Ḳelax kala šähärey.
   Şot'in Ninevin q'a K'elaxi arane Resen şəhərəl lasaneki. K'elax kala şəhərey.

Verse: 13  Link to rar   Misrayimaxun ämälä hari azuḳxo: ludluyox, anamluyox, lehabluyox, nafṭuhluyox,
   Misrayimaxun əmələ hari azuk'xo: ludluyox, anamluyox, lehabluyox, naft'uhluyox,

Verse: 14  Link to rar   ṗaṭrusluyox, ḳafṭorluyox saal oša ičoġoxun filisṭluyox ämälä hari ḳasluhluyox.
   p'at'rusluyox, k'aft'orluyox saal oşa içoğoxun filist'luyox əmələ hari k'asluhluyox.

Verse: 15  Link to rar   Känanaxun iz süfṭin ġar Sidon, oša Xeṭ,
   Kənanaxun iz süft'in ğar Sidon, oşa Xet',

Verse: 16  Link to rar   saal me azuḳxone baki: yevusluyox, emorluyox, girḳasluyox,
   saal me azuk'xone baki: yevusluyox, emorluyox, girk'asluyox,

Verse: 17  Link to rar   xivluyox, argluyox, sinluyox,
   xivluyox, argluyox, sinluyox,

Verse: 18  Link to rar   ervadluyox, semarluyox saal xamaṭluyox. Känanaxun ämälä hari azuḳxo taysun caresaṭun burqi,
   ervadluyox, semarluyox saal xamat'luyox. Kənanaxun əmələ hari azuk'xo taysun śaresat'un burqi,

Verse: 19  Link to rar   ičoġoy oćalxoval Sidonaxun burqi taci Gerara bakala Gazal ciriḳ ṗaneṗi. Sodom, Homorra, Adma q̇a Sevoyimay täräf bakala oćalxo isä Lešal ciriḳ tanesay.
   içoğoy oç̌alxoval Sidonaxun burqi taśi Gerara bakala Gazal śirik' p'anep'i. Sodom, Homorra, Adma q'a Sevoyimay tərəf bakala oç̌alxo isə Leşal śirik' tanesay.

Verse: 20  Link to rar   Metärluġen, Xamaxun ämälä hari azuḳxo moroxey, här azuḳiyal iz oćal, iz muze buy. Azuḳ isä ši näsiläxune ämälä haresa ṭe amdari c̣iyene taysay.
   Metərluğen, Xamaxun əmələ hari azuk'xo moroxey, hər azuk'iyal iz oç̌al, iz muze buy. Azuk' isə şi nəsiləxune əmələ haresa t'e amdari s'iyene taysay.

Verse: 21  Link to rar   Yafeṭi kala viči Šemeyal äyluxe baki. Everaxun baki everluyox uḳala azuḳal hame Šemaxun ämälä hariyoroxe.
   Yafet'i kala viçi Şemeyal əyluxe baki. Everaxun baki everluyox uk'ala azuk'al hame Şemaxun əmələ hariyoroxe.

Verse: 22  Link to rar   Šeme ġarmux: Elam, Aššur, Arṗaḳšad, Lud saal Aram.
   Şeme ğarmux: Elam, Aşşur, Arp'ak'şad, Lud saal Aram.

Verse: 23  Link to rar   Arami ġarmux: Us, Xul, Geter saal Maš.
   Arami ğarmux: Us, Xul, Geter saal Maş.

Verse: 24  Link to rar   Arṗaḳšadaxun Šelaxe baki, Šelaxaxun isä Evere baki.
   Arp'ak'şadaxun Şelaxe baki, Şelaxaxun isə Evere baki.

Verse: 25  Link to rar   Everi izi ṗä͑ ġare baki: sunṭay c̣i P̣elegey, * šoṭo görä ki, šoṭay dööräsṭä amdarxon ičoġoy arane oćala dirisṭ ǯöy-ǯöyṭunbi, ṭe sunṭay c̣iyal Yoḳṭan.
   Everi izi p'ə̌ ğare baki: sunt'ay s'i P'elegey, * şot'o görə ki, şot'ay döörəst'ə amdarxon içoğoy arane oç̌ala dirist' cöy-cöyt'unbi, t'e sunt'ay s'iyal Yok't'an.

Verse: 26  Link to rar   Yoḳṭanaxun Almodad, Šelef, Xasarmaveṭ, Yerah,
   Yok't'anaxun Almodad, Şelef, Xasarmavet', Yerah,

Verse: 27  Link to rar   Gadoram, Uzal, Diḳla,
   Gadoram, Uzal, Dik'la,

Verse: 28  Link to rar   Oval, Avimael, Ševa,
   Oval, Avimael, Şeva,

Verse: 29  Link to rar   Ofir, Xavila saal Yovave baki. Morox bito Yoḳṭanaxun bakiyoroxey,
   Ofir, Xavila saal Yovave baki. Morox bito Yok't'anaxun bakiyoroxey,

Verse: 30  Link to rar   ičoġoxun ämälä hari azuḳxoy oćalxoval Mešadaxun burqi be͑ġč̣eġalač bakala Sefar uḳala burux ganxol ciriḳ tanesay.
   içoğoxun əmələ hari azuk'xoy oç̌alxoval Meşadaxun burqi běğc'eğalaç bakala Sefar uk'ala burux ganxol śirik' tanesay.

Verse: 31  Link to rar   Metärluġen, Šemaxun ämälä hari azuḳxo moroxey, här azuḳiyal iz oćal, iz muze buy. Azuḳ isä ši näsiläxune ämälä haresa ṭe amdari c̣iyene taysay.
   Metərluğen, Şemaxun əmələ hari azuk'xo moroxey, hər azuk'iyal iz oç̌al, iz muze buy. Azuk' isə şi nəsiləxune əmələ haresa t'e amdari s'iyene taysay.

Verse: 32  Link to rar   Moval Noye ġarmoġoxun bakiyorox q̇a šoṭoġoy näsiläxun ämälä hari azuḳxo. Xenen ćaxṗiṭuxun oša oćali ćoyel bakala azuḳxoy bito moṭoġoxune ämälä hare.
   Moval Noye ğarmoğoxun bakiyorox q'a şot'oğoy nəsiləxun əmələ hari azuk'xo. Xenen ç̌axp'it'uxun oşa oç̌ali ç̌oyel bakala azuk'xoy bito mot'oğoxune əmələ hare.
Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.