TITUS
Biblia Udica, Versio Nizhensis: Vetus Testamentum
Part No. 7
Previous part

Chapter: 7 


Oćala xenen ćaxpsun
Oç̌ala xenen ç̌axpsun


Verse: 1  Link to rar   Q̣ONƷ́UĠON Noya pine: "Vi külfätäl exṭi gäminä baki; oćali ćoyel bakala amdarxoy boš sayǯä hunen Bez piyes düzgün aḳeci.
   Q'ONČUĞON Noya pine: «Vi külfətəl ext'i gəminə baki; oç̌ali ç̌oyel bakala amdarxoy boş saycə hunen Bez piyes düzgün ak'eśi.

Verse: 2  Link to rar   Gäminä baġaṭan Bezi vä͑x uksuna iǯaza tadi, halal hesabbakala heyvanxoxunal härṭuxun vu͑ġ čüt, yäni sa ärkäy, sa diši, vaxun exṭa. Bezi vä͑x uksuna iǯaza nu tadi, haram hesabbakala heyvanxoxun isä härṭuxun sa čüt exṭa.
   Gəminə bağat'an Bezi və̌x uksuna icaza tadi, halal hesabbakala heyvanxoxunal hərt'uxun vǔğ çüt, yəni sa ərkəy, sa dişi, vaxun ext'a. Bezi və̌x uksuna icaza nu tadi, haram hesabbakala heyvanxoxun isə hərt'uxun sa çüt ext'a.

Verse: 3  Link to rar   Q̣ušurxoxunal härṭuxun vu͑ġ čüt, yäni sa śumaḳ q̇a sa dadal, exṭa. Barta koṭoġoy cil maq̇an äfčibaki.
   Q'uşurxoxunal hərt'uxun vǔğ çüt, yəni sa šumak' q'a sa dadal, ext'a. Barta kot'oğoy śil maq'an əfçibaki.

Verse: 4  Link to rar   Zu ṭetär booz ki, vu͑ġ ġinaxun oša q̇ərx ġi-q̇ərx üše aġala eġale, oćali ćoyel Bezi yaratmiši ḳä bunesa äfčibakale".
   Zu t'etər booz ki, vǔğ ğinaxun oşa q'ırx ği-q'ırx üşe ağala eğale, oç̌ali ç̌oyel Bezi yaratmişi k'ə bunesa əfçibakale».

Verse: 5  Link to rar   Noyenal bitova Buxaʒ́uġon iču pi ḳinäḳ bine.
   Noyenal bitova Buxačuğon içu pi k'inək' bine.

Verse: 6  Link to rar   Oćala xenen ćaxḳaṭan Noye u͑qbać yäše buy.
   Oç̌ala xenen ç̌axk'at'an Noye ǔqbaç̌ yəşe buy.

Verse: 7  Link to rar   Xenen ičoġo maq̇an tašeri pi, šoṭin iz čuġo, ġarmoġo saal ġarmoġoy čupuxxoval exṭi izi düzbi gäminäne baci. * 8-9 Buxaʒ́uġon iču tapšurbi ḳinäḳ, šoṭin gäminä baġaṭan halal q̇a haram heyvanxoxun, göynul purḳala q̇ušurxoxun, oćali loxol xoreġala heyvanxoxunal bitoṭuxun čüt-čüt exedi, härṭuxun sa ärkäy, sa diši.
   Xenen içoğo maq'an taşeri pi, şot'in iz çuğo, ğarmoğo saal ğarmoğoy çupuxxoval ext'i izi düzbi gəminəne baśi. * 8-9 Buxačuğon içu tapşurbi k'inək', şot'in gəminə bağat'an halal q'a haram heyvanxoxun, göynul purk'ala q'uşurxoxun, oç̌ali loxol xoreğala heyvanxoxunal bitot'uxun çüt-çüt exedi, hərt'uxun sa ərkəy, sa dişi.

Verse: 10  Link to rar   Vu͑ġ ġinaxun oša oćala xenen ćaxpsane burqi.
   Vǔğ ğinaxun oşa oç̌ala xenen ç̌axpsane burqi.

Verse: 11  Link to rar   Noye u͑qbać yäš baki ṭe useni ṗä͑mǯi xaše vu͑ġec̣c̣emǯi ġine oćali oq̇a bakala xeyure posṗi č̣eri, göyurxoy q̇a oćali źomone ä͑meci,
   Noye ǔqbaç̌ yəş baki t'e useni p'ə̌mci xaşe vǔğes's'emci ğine oç̌ali oq'a bakala xeyure posp'i c'eri, göyurxoy q'a oç̌ali ǰomone ə̌meśi,

Verse: 12  Link to rar   oćali loxolal q̇ərx ġi-q̇ərx üše biq̇i laġala aġalane hari.
   oç̌ali loxolal q'ırx ği-q'ırx üşe biq'i lağala ağalane hari.

Verse: 13  Link to rar   Oćala xenen ćaxṗi ṭe ġinene Noyen iz čuġo, izi ġar Šema, Xama, Yafeṭa saal xib bina exṭi gäminä laci.
   Oç̌ala xenen ç̌axp'i t'e ğinene Noyen iz çuğo, izi ğar Şema, Xama, Yafet'a saal xib bina ext'i gəminə laśi.

Verse: 14  Link to rar   Gäminä laġaṭan šoṭin ičuxun sagala oćali loxol taraḳala q̇a xoreġala heyvanxoy bito ǯüräxun saal göynul purpes bakala q̇a purpes nu bakala q̇ušurxoxunal bitoṭuxun exedi. 15-16 Noyen Buxaʒ́uġon iču tapšurbi ḳinäḳ oćali ćoye iz boš näfäs taci eġala ḳä bunesa bitoṭuxun čüt-čüte exṭi -- sa ärkäy, sa diši. Šorox gäminä baṭunci, Buxaʒ́uġonal gämin ćomo šoṭoġoy bać̣anexun buṭeḳi.
   Gəminə lağat'an şot'in içuxun sagala oç̌ali loxol tarak'ala q'a xoreğala heyvanxoy bito cürəxun saal göynul purpes bakala q'a purpes nu bakala q'uşurxoxunal bitot'uxun exedi. 15-16 Noyen Buxačuğon içu tapşurbi k'inək' oç̌ali ç̌oye iz boş nəfəs taśi eğala k'ə bunesa bitot'uxun çüt-çüte ext'i -- sa ərkəy, sa dişi. Şorox gəminə bat'unśi, Buxačuğonal gəmin ç̌omo şot'oğoy bač'anexun but'ek'i.

Verse: 17  Link to rar   Oćala düz q̇ərx ġi xenene ćaxṗi. Oćali ćoyel xe gelebaksunen gämi e͑qesane burqi,
   Oç̌ala düz q'ırx ği xenene ç̌axp'i. Oç̌ali ç̌oyel xe gelebaksunen gəmi ěqesane burqi,

Verse: 18  Link to rar   hariyal ṭemane baki ki, gämi lap alloy e͑qeci xene ćoyel manedi.
   hariyal t'emane baki ki, gəmi lap alloy ěqeśi xene ç̌oyel manedi.

Verse: 19  Link to rar   Hari buybaki xene kiyexun oćali ćoyel bakala buruxmuġoy bul tene aḳesay.
   Hari buybaki xene kiyexun oç̌ali ç̌oyel bakala buruxmuğoy bul tene ak'esay.

Verse: 20  Link to rar   Xene oq̇ane mandey šorox bito, än alloy buruxmoġoxun hälä sa q̇oc̣c̣e ä͑mal alloye e͑qecey xe.
   Xene oq'ane mandey şorox bito, ən alloy buruxmoğoxun hələ sa q'os's'e ə̌mal alloye ěqeśey xe.

Verse: 21  Link to rar   Oćali ćoyel iz boš elmux bakala ḳä bunesa -- q̇ušurxo, ḳožin q̇a ä͑qnä heyvanxo, xoreġala heyvanxo saal amdarxoy bito ḳac̣eci.
   Oç̌ali ç̌oyel iz boş elmux bakala k'ə bunesa -- q'uşurxo, k'ojin q'a ə̌qnə heyvanxo, xoreğala heyvanxo saal amdarxoy bito k'as'eśi.

Verse: 22  Link to rar   Iz boš näfäs taci eġala ḳä bunesa, oćali loxol bakalṭoġoy bito ḳac̣eci baredi.
   İz boş nəfəs taśi eğala k'ə bunesa, oç̌ali loxol bakalt'oğoy bito k'as'eśi baredi.

Verse: 23  Link to rar   Ḳä bunesa bito -- amdarxo, oćali loxol taraḳala q̇a xoreġala heyvanxo, q̇ušurxo! Nä sa dänä amdar, nääl sa dänä heyvan tene mandi. Sayǯä Noy q̇a šoṭoxun sagala gäminä baciyoroxe dirisṭ mandi.
   K'ə bunesa bito -- amdarxo, oç̌ali loxol tarak'ala q'a xoreğala heyvanxo, q'uşurxo! Nə sa dənə amdar, nəəl sa dənə heyvan tene mandi. Saycə Noy q'a şot'oxun sagala gəminə baśiyoroxe dirist' mandi.

Verse: 24  Link to rar   Düz sabać älli ġiyal oćali loxol bakala xe tene zaṗeci.
   Düz sabaç̌ əlli ğiyal oç̌ali loxol bakala xe tene zap'eśi.
Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.