TITUS
Biblia Udica, Versio Nizhensis: Vetus Testamentum
Part No. 3
Previous part

Chapter: 3 


Adami q̇a Yevay günax äšṗesṭun
Adami q'a Yevay günax əşp'est'un


Verse: 1  Link to rar   Q̣ONƷ́UX Buxaʒ́uġon yaratmiši bito heyvanxoxun än bič̣o diziḳey. * Diziḳen čuġo pine: "Düze ki, Buxaʒ́uġon vä͑x ganu bakala xodurxoxun čuki ma ukanan pene?"
   Q'ONČUX Buxačuğon yaratmişi bito heyvanxoxun ən bic'o dizik'ey. * Dizik'en çuğo pine: «Düze ki, Buxačuğon və̌x ganu bakala xodurxoxun çuki ma ukanan pene?»

Verse: 2  Link to rar   Čuġon qaybaki diziḳä metäre pi: "Tää, yan bito xodurxoxun čuki ukes bayankon,
   Çuğon qaybaki dizik'ə metəre pi: «Təə, yan bito xodurxoxun çuki ukes bayankon,

Verse: 3  Link to rar   sayǯä gane bə͑yex bakala xodin meyvinäne piyo ki, ma ukanan. Pene sal ef kula boxodi šoṭo galmadanan, tene biyalnan".
   saycə gane bı̌yex bakala xodin meyvinəne piyo ki, ma ukanan. Pene sal ef kula boxodi şot'o galmadanan, tene biyalnan».

Verse: 4  Link to rar   Ṭe vädä diziḳen čuġo metäre pi:
   T'e vədə dizik'en çuğo metəre pi:
   "Hiḳḳalal biyalatenan!
   «Hik'k'alal biyalatenan!

Verse: 5  Link to rar   Buxaʒ́uġon avane ki, ṭe xodin meyvoġoxun ukala ġine efi pulmux qayeġale, šaaṭa q̇a pisa q̇amišakiyal Ičullariḳ bakalnan".
   Buxačuğon avane ki, t'e xodin meyvoğoxun ukala ğine efi pulmux qayeğale, şaat'a q'a pisa q'amişakiyal İçullarik' bakalnan».

Verse: 6  Link to rar   Čuġon be͑neġi ki, xodin meyvoox šaaṭ ukalane, ičoġoy loxol be͑ġaṭanal amdari üḳe taysa, hälä sa amdara gele q̇amišakalal bes baneksa. Metär fikirbiyal, ṭe xodin meyvoġoxun soġo čuki käye, oša iz išq̇aral soġo tanedi, šoṭinal käye. *
   Çuğon běneği ki, xodin meyvoox şaat' ukalane, içoğoy loxol běğat'anal amdari ük'e taysa, hələ sa amdara gele q'amişakalal bes baneksa. Metər fikirbiyal, t'e xodin meyvoğoxun soğo çuki kəye, oşa iz işq'aral soğo tanedi, şot'inal kəye. *

Verse: 7  Link to rar   Haṭe saad ṗrannaṭayal pulmux qayeci ičoġoy memačaġ nu q̇amišakala šeyurxoṭun q̇amišaksa burqi. Be͑ṭunġi memačaġ čuplaxṭun tarape, ečeriyal inǯilnä xazalxo suna ġaćṗi ičoġoy be͑śṭan buṭṭunki.
   Hat'e saad p'rannat'ayal pulmux qayeśi içoğoy memaçağ nu q'amişakala şeyurxot'un q'amişaksa burqi. Bět'unği memaçağ çuplaxt'un tarape, eçeriyal incilnə xazalxo suna ğaç̌p'i içoğoy běšt'an but't'unki.


Äšṗesṭi günaxi ǯaza
Əşp'est'i günaxi caza


Verse: 8  Link to rar   Biyäsćoye särin sa mušene duġsa burqi, šoṭoġonal Q̣ONƷ́UX Buxaʒ́uġoy ganu tarapsuni säsäṭun ibaki. Adam q̇a iz čuux ṭiṭeri xodurxoy bać̣ane č̣aṗṭunbaki.
   Biyəsç̌oye sərin sa muşene duğsa burqi, şot'oğonal Q'ONČUX Buxačuğoy ganu tarapsuni səsət'un ibaki. Adam q'a iz çuux t'it'eri xodurxoy bač'ane c'ap't'unbaki.

Verse: 9  Link to rar   Q̣ONƷ́UX Buxaʒ́uġon Adama ḳalpi pine: "Mayanu?"
   Q'ONČUX Buxačuğon Adama k'alpi pine: «Mayanu?»

Verse: 10  Link to rar   Adamenal qaybaki metäre pi: "Ganu Vi eysuni säse lafṭi bez u͑mu͑ġo, zuval čuplaġzu pi q̇ə͑bi č̣aṗezbaki miya".
   Adamenal qaybaki metəre pi: «Ganu Vi eysuni səse laft'i bez ǔmǔğo, zuval çuplağzu pi q'ı̌bi c'ap'ezbaki miya».

Verse: 11  Link to rar   Buxaʒ́uġon pine: "Va šine pi ki, čuplaġnu? Bezi va uksuna q̇adaġanbi xodin meyvinäxunen käyo?"
   Buxačuğon pine: «Va şine pi ki, çuplağnu? Bezi va uksuna q'adağanbi xodin meyvinəxunen kəyo?»

Verse: 12  Link to rar   Adamenal qaybaki "Vi za tadi me čuġone za ṭe meyvinäxun čuki tadi, zuval käyiz" pine.
   Adamenal qaybaki "Vi za tadi me çuğone za t'e meyvinəxun çuki tadi, zuval kəyiz" pine.

Verse: 13  Link to rar   Ṭe vädä Q̣ONƷ́UX Buxaʒ́uġon čuġo pine: "Heṭu görän metär äš biq̇i hun?" Čuġonal qaybaki "diziḳene za yaq̇nuxun č̣evḳi, zuval käyiz" pine. *
   T'e vədə Q'ONČUX Buxačuğon çuğo pine: «Het'u görən metər əş biq'i hun?» Çuğonal qaybaki "dizik'ene za yaq'nuxun c'evk'i, zuval kəyiz" pine. *

Verse: 14  Link to rar   Q̣ONƷ́UX Buxaʒ́uġonal diziḳä pine: "Q̣arġiši q̇onʒ́ux bakalnu hun vi biq̇i me äšlä görä, bito ḳožin q̇a ä͑qnä heyvanxoy boš än piyexun bitiyo bakalnu! Tapani loxol xoreci vi ömüri axəral ciriḳ ḳul ukalnu hun.
   Q'ONČUX Buxačuğonal dizik'ə pine: «Q'arğişi q'ončux bakalnu hun vi biq'i me əşlə görə, bito k'ojin q'a ə̌qnə heyvanxoy boş ən piyexun bitiyo bakalnu! Tapani loxol xoreśi vi ömüri axıral śirik' k'ul ukalnu hun.

Verse: 15  Link to rar   Zu va q̇a čuġo düšmän booz sunaxun, vaxun bakiyorox q̇a čuġoxun bakiyoroxal düšmän bakalṭun. Šoṭay äylen vi bula duǧi ć̣aḳḳale, hunal šoṭo dabanexun duġalnu". *
   Zu va q'a çuğo düşmən booz sunaxun, vaxun bakiyorox q'a çuğoxun bakiyoroxal düşmən bakalt'un. Şot'ay əylen vi bula duǧi č'ak'k'ale, hunal şot'o dabanexun duğalnu». *

Verse: 16  Link to rar   Čuġo isä Buxaʒ́uġon metäre pi: "Äzyät zapesṭoz va hun bə͑hi taraḳaṭan, q̇ać̣ zapsun äyel ečalnu hun. Išq̇araxun ġać bakalnu, šoṭinal vi loxol kalaluġbale".
   Çuğo isə Buxačuğon metəre pi: «Əzyət zapest'oz va hun bı̌hi tarak'at'an, q'ač' zapsun əyel eçalnu hun. İşq'araxun ğaç̌ bakalnu, şot'inal vi loxol kalaluğbale».

Verse: 17  Link to rar   Oša Buxaʒ́uġon Adamane Izi äyitä pi: "Čuġoy äyitä be͑ġi Bezi va q̇adaġanbi xodaxunen čuki käyi hun! Isä mone, vi biq̇i me äšlä görä oćalal q̇arġiši q̇onʒ́uxe baksa! Isä me oćalen tadala bara ukes bakseynaḳ üše-ġena äšṗalnu hun vi ömüri axəral ciriḳ.
   Oşa Buxačuğon Adamane İzi əyitə pi: «Çuğoy əyitə běği Bezi va q'adağanbi xodaxunen çuki kəyi hun! İsə mone, vi biq'i me əşlə görə oç̌alal q'arğişi q'ončuxe baksa! İsə me oç̌alen tadala bara ukes bakseynak' üşe-ğena əşp'alnu hun vi ömüri axıral śirik'.

Verse: 18  Link to rar   Cac q̇a il č̣eġale oćali ćoyel, sayǯä vi biṭi ganuxun exṗi ukala bakalnu hun.
   Śaś q'a il c'eğale oç̌ali ç̌oyel, saycə vi bit'i ganuxun exp'i ukala bakalnu hun.

Verse: 19  Link to rar   Aṗ cipi vi sa loq̇ma śuma ukalnu hun, axərdal ḳule oq̇a taġalnu, mayin haq̇ecenusa ṭiya. Šoṭo görä ki, ḳulaxunen haq̇ece hun, ḳula gärbakiyal taġalnu". *
   Ap' śipi vi sa loq'ma šuma ukalnu hun, axırdal k'ule oq'a tağalnu, mayin haq'eśenusa t'iya. Şot'o görə ki, k'ulaxunen haq'eśe hun, k'ula gərbakiyal tağalnu». *

Verse: 20  Link to rar   Adamen iz čuġoy c̣iya Yevane * laxi, šoṭo görä ki, süfṭä äyel ečeriyo šone baki, metärluġenal oćali ćoyel yäšäyinšala amdarxoy bitoṭay nanane hesabbaksa.
   Adamen iz çuğoy s'iya Yevane * laxi, şot'o görə ki, süft'ə əyel eçeriyo şone baki, metərluğenal oç̌ali ç̌oyel yəşəyinşala amdarxoy bitot'ay nanane hesabbaksa.

Verse: 21  Link to rar   Q̣ONƷ́UX Buxaʒ́uġon Adameynaḳ q̇a iz čuġoynaḳ ṭolaxun paltar düzbi šoṭoġo lapesedi.
   Q'ONČUX Buxačuğon Adameynak' q'a iz çuğoynak' t'olaxun paltar düzbi şot'oğo lapesedi.

Verse: 22  Link to rar   Oša Q̣ONƷ́UX Buxaʒ́uġon pine: "Mone, amdaren šaaṭa q̇a pisa q̇amišaki Beši ǯörginäne baci. Ama iz kula boxodi yäšäyinš tadala xodin meyvinäxun nu ukalane koṭin, hämišäluġ nu yäšäyinšalane". *
   Oşa Q'ONČUX Buxačuğon pine: «Mone, amdaren şaat'a q'a pisa q'amişaki Beşi cörginəne baśi. Ama iz kula boxodi yəşəyinş tadala xodin meyvinəxun nu ukalane kot'in, həmişəluğ nu yəşəyinşalane». *

Verse: 23  Link to rar   Q̣ONƷ́UX Buxaʒ́uġonal amdara Eden ganuxun šäṗeci ki, barta isä taci ič haq̇eci ṭe ḳule loxol äšṗi šoṭo beǯärišeq̇an.
   Q'ONČUX Buxačuğonal amdara Eden ganuxun şəp'eśi ki, barta isə taśi iç haq'eśi t'e k'ule loxol əşp'i şot'o becərişeq'an.

Verse: 24  Link to rar   Amdara šäṗeciṭuxun oša Buxaʒ́uġon ṭe Eden uḳala gane be͑ġč̣eġalač täräf angelxo q̇a boḳosṗi c̣iḳala
   Amdara şəp'eśit'uxun oşa Buxačuğon t'e Eden uk'ala gane běğc'eğalaç tərəf angelxo q'a bok'osp'i s'ik'ala
Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.