TITUS
The Shatberd Codex
Part No. 246
Previous part

Chapter: XLVIII  
Page of ed.: 283  
Line of ed.: 40        48. არამედ რამეთუ თანა-გუაც სრულიად გამოძიებად მისთჳს და თხრობად,
Line of ed.: 41     და ვითარცა სული იგი წმიდაჲ რიცხჳთ რაჲთ-მე სახელსა მას-ცა გამოაცხადებს,
Page of ed.: 284   Line of ed.: 1     განცხადებულად მისთჳს გითხრათ. რამეთუ იტყჳს იოვანე ესრე: "და ვიხილე
Line of ed.: 2     სხუაჲ მჴეცი რომელი გამოვიდოდა ქუეყანით, და დგეს ორნი რქანი მსგავსად
Line of ed.: 3     კრავისა, და იტყოდა ვითარცა ვეშაპი. და ჴელმწიფებასა პირველისა მის მჴეცისასა
Line of ed.: 4     ჰყოფდა წინაშე ისა, და დადვას ქუეყანაჲ და მკჳდრნი მისნი რაჲთა
Line of ed.: 5     თაყუანის-სცენ Page of sec. ed.: 101  მჴეცსა მას პირველსა, რომლისაჲ განიკურნა წყლულებაჲ
Line of ed.: 6     თჳსი. და ჰყოფდეს სასწაულსა დიდ-დიდსა, რამეთუ ცეცხლი-ცა აწჳმოს რეცათუ
Line of ed.: 7     ზეცით ქუეყანად თუალთა წინაშე კაცთა. და შეიცთუნნეს მკჳდრნი ქუეყანისანი
Line of ed.: 8     სასწაულთა მათთჳს რომელ მიეცნენ მას ყოფად წინაშე მჴეცისა
Line of ed.: 9     მის, რამეთუ ჰრქუას მკჳდრთა ქუეყანისათა გამოსაქმედ ხატი მჴეცისაჲ მის,
Line of ed.: 10     რომელსა აქუნდეს წყლულებაჲ მახჳლითა და დადგა. და მიეცა სული ხატსა
Line of ed.: 11     მას მჴეცსა, და იყოს, რომელთა არა თაყუანის-სცენ ხატსა მას მჴეცსა
Line of ed.: 12     მოწყდენ. და ყვნეს თჳსა მცირენი და დიდ-დიდნი, შეურაცხნი და დავრდომილნი,
Line of ed.: 13     აზნაურნი და მონანი, რაჲთა დაიდვან ნიში ზედა მარჯუენესა ჴელსა
Line of ed.: 14     თჳსსა და შუბლსა თჳსსა, რაჲთა არა ვის ეუფლოს არცა მოსყიდად არცა მისყიდად
Line of ed.: 15     რომელსა არა აქუნდეს სასწაულად სახელი მჴეცისაჲ მის და გინათუ
Line of ed.: 16     რიცხჳ ზახებისა [!] მისისაჲ. ესე არს გულისხმის-ყოფაჲ; რომელსა აქუნდეს
Line of ed.: 17     გონებაჲ ცანნ რიცხჳთ სახელი მჴეცისაჲ მის, რამეთუ რიცხჳ კაცისაჲ არს,
Line of ed.: 18     და რიცხჳ მისი არს ქართველთა ენად ექუსას {285} სამეოც და ერთ".

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.