TITUS
The Shatberd Codex
Part No. 245
Previous part

Chapter: XLVII  
Page of ed.: 283  
Line of ed.: 20     47. რამეთუ იტყჳს იოვანე-ცა: "მივსცნე ორთა მათ მოწამეთა ჩემთა რომელნი
Line of ed.: 21     წინაჲსწარმეტყუელებდენ, დღენი ათას ორას და სამეოც, შემოსილნი ძაძითა",
Line of ed.: 22     ესე არს კერძოჲ შჳდეულისაჲ მის რომელ თქუა დანიელ; "ესე არიან ორნი
Line of ed.: 23     იგი ზეთის-ხილნი და ორნი იგი სასანთლენი რომელნი დგანან Page of sec. ed.: 100  წინაშე უფლისა
Line of ed.: 24     ქუეყანისა; და თუ ვის-მე უნდეს მათა ვნებად, ცეცხლი გამოჴდეს
Line of ed.: 25     პირისაგან მათისა და შეჭამნეს მტერნი მათნი. ამათ აქუნდეს ფლობა
Line of ed.: 26     დაჴსვად (!) ცისა რაჲთა არა იყოს წჳმაჲ დღეთა წინაჲსწარმეტყუელებისათა;
Line of ed.: 27     და ჴელმწიფებაჲ აქუნდეს წყალთა ზედა, გარდაქცევად სისხლად და დაცემად
Line of ed.: 28     ქუეყანისა ყოვლითა დაცემითა რაოდენ-ცა უნდეს. და რაჟამს აღასრულონ
Line of ed.: 29     სრბაჲ მათი და წამებაჲ მათი -- რასა იტყჳს წინაჲსწარმეტყუელი იგი? --
Line of ed.: 30     მჴეცი იგი რომელ გამოვიდოდა ზღჳსა მისგან ბრძოლა სცეს მათ და ერეოდის
Line of ed.: 31     მათ და მოწყჳდნეს იგინი", მისთჳს რამეთუ არა ინებონ დიდებისა მიცემად
Line of ed.: 32     მჴდომსა მას (ესე არს რომელ იგი აღმოჴდა მცირჱ იგი რქაჲ).
Line of ed.: 33     რომელმან აღიმაღლოს გული თჳსი, აღმაღლდეს და განიდიდებდეს თავსა თჳსსა
Line of ed.: 34     ვითარცა ღმერთი; სდევნიდეს წმიდათა და ჰგმობდეს ქრისტესა ვითარცა
Line of ed.: 35     იტყჳს დანიელ: "ვხედევდ რქასა მას, და აჰა თუალნი ვითარცა კაცისანი, და
Line of ed.: 36     პირი იყო და იტყოდა დიდ-დიდსა; და აღაღო პირი თჳსი გმობად ღმრთისა; და
Line of ed.: 37     რქაჲ იგი ჰყოფდა ბრძოლასა წმიდათა მიმართ და განძლიერდებოდა მათ ზედა,
Line of ed.: 38     ვიდრემდე მოისპო მჴეცი იგი და წარწყმდა, და ჴორცნი მისნი მიეცნეს დასაწუველად
Line of ed.: 39     ცეცხლსა".

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.