TITUS
The Shatberd Codex
Part No. 229
Previous part

Chapter: XXXI  
Page of ed.: 278  
Line of ed.: 21        31. აწ ვინმე თქუენგანი უფროჲს შევიყუარო? არამედ ეგრე-ვე მეცა ქვითა
Line of ed.: 22     დაქოლვილ; ეგრე-ვე დანიელ-ცა წამებს-ვე; და შენ, დანიელ, უმეტჱს ყოველთასა
Line of ed.: 23     გაქებდე? არამედ იოვანე-ცა არა-ვე ტყუვის, და უფროჲს-ღა იგი რომელ
Line of ed.: 24     თქუენდა მიმართ Page of sec. ed.: 90  ითქუა სიტყუაჲ იგი. რამეთუ მოჰკუედით ქრისტეს თანა,
Line of ed.: 25     არამედ ცხოველ ხართ ღმრთისა თანა. გესმოდენ და გიხაროდენ; აჰა თქუენგან
Line of ed.: 26     თხრობილნი იგი ჟამთა მათ ყოფილნი აღესრულნეს; რამეთუ იხილენით პირველად
Line of ed.: 27     ესენი, და მერმე შემდგომად ესრეთ-ვე მოახარეთ ყოველთა ნათესავთა
Line of ed.: 28     ღმრთისა იგი სიტყუანი და მაუწყეთ ყოველთა ნათესავთა. წინაჲსწარმეტყუელად
Line of ed.: 29     გამოშჩნდით რაჲთა ყოველთა განრინებად შემძლებელ იყვნეთ,
Line of ed.: 30     რაჲთა ესრეთ ნანდჳლ-ვე წინაჲსწარმეტყუელი იგი ვითარცა წინაჲსწარმეტყუელი
Line of ed.: 31     შეირაცხოს, რაჟამს განმზადებულთა მათ ყოფადთათჳს
Line of ed.: 32     წინაჲსწარ ქადაგებდეს და წარსრულთასა-ცა გჳჩუენებს. კეთილისა მოძღურისა
Line of ed.: 33     ყოველნი-ვე ყოფილ ხართ მოწაფე; ამისთჳს ვითარცა თქუენ ცხოველთა
Line of ed.: 34     და ღირსთა გეტყჳ, რამეთუ აჰა გაქუს-ცა ცხორებისაჲ იგი და განურყუნელებისაჲ
Line of ed.: 35     იგი, რომელ დგას და გემარხვის, ზეცისაჲ იგი გჳრგჳნი.

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.