TITUS
The Shatberd Codex
Part No. 197
Previous part

Chapter: XXVI  
Page of ed.: 266  
Line of ed.: 4              26.1. და რასა-მე იტყჳს: "ვინ არს ესე. რომელი
Line of ed.: 5     გამოვალს უდაბნოჲთ, ვითარცა ბურქუად-ბურქუად კუამლისა აღსლვაჲ, საკუმეველისა
Line of ed.: 6     სულნელებაჲ აღტევებული, მური და გუნდრუკი ყოვლითურთ
Line of ed.: 7     სულნელებითა შესაზავებელთაჲ"?*. ჵ ახლისაჲ მის ჴმისაჲ! ჵ საკჳრველთა მათ
Line of ed.: 8     ზრახვათაჲ! ჵ ეკლესიაჲ, რომელი უდაბნოჲთ გამოვალს, ამისთჳს, რაჲთა
Line of ed.: 9     მოქალაქე ქრისტესა იყოს, "ვინ არს ესე, რომელი გამოვალს უდაბნოჲთ?" რამეთუ
Line of ed.: 10     მრავლით ჟამითგან წარმართნი უდაბნო-ქმნულ Page of sec. ed.: 66  ღმრთისა მიმართ. ხოლო
Line of ed.: 11     ამიერითგან მადლითა ღმრთისაჲთა მოქალაქე წმიდათა თანა შერაცხილ, ვინაჲთგან
Line of ed.: 12     ეკლესიაჲ შემკული, გამოჩინებულ სულნელთა ნელსაცხებელთა შეზავებითა.
Line of ed.: 13     26.2. და იტყჳს: "აწ ვინ-მე არს ესე, რომელი გამოვალს უდაბნოჲთ, ვითარცა
Line of ed.: 14     კუამლი საკუმეველთაჲ აღტევებული?"* ჵ კეთილთაჲ მათ საკუმეველთაჲ,
Line of ed.: 15     სულნელთაჲ საკუმეველთა შეზავებულთაჲ! რამეთუ რომელსა-იგი
Line of ed.: 16     იტყჳს: "ვითარცა კუამლი სულნელი საკუმეველთაჲ აღტევებულო", რამეთუ
Line of ed.: 17     კუამლი ცეცხლისაგან გამოსრულ და ჰაერთა Ms. page: 175r   აღიწიის და ალსა მას,
Line of ed.: 18     ვითარცა ეტლთა წარმმართებელსა, გჳჩუენებს და გამოჩნდების; ეგრე-ცა ქრისტეს
Line of ed.: 19     ზრახვაჲ კეთილი მიმოდებულ, მოუწყებულ, აღმავალ ქუეყანით ზეცად; რამეთუ
Line of ed.: 20     შუენიერთა საკუმეველთა აღმოაცენებდა ზრახვისა აღდგომისაჲსა მოუწყებითა.
Line of ed.: 21     ვითარცა ბურქუად-ბურქუადი კუამლი აღმავალი საკუმეველთაჲ; 26.3. რამეთუ
Line of ed.: 22     ამის სახისათჳს, მსგავსად სულნელებისა მოპოვნებითა, არა ხოლო თუ მას
Line of ed.: 23     ქუე კუამნ, არამედ ზეცად-ცა აღწევნულ, ვითარცა ალი ცეცხლისა აღკუმეულისაჲ.
Line of ed.: 24     მური და გუნდრუკი ყოვლითურთ შემზავებელთა მიერ"*. ჵ მერმე
Line of ed.: 25     დიდ-დიდთა ზრახვათაჲ! ჵ მართლისა ქადაგებისაჲ! რამეთუ მურსა მას ვნებათა
Line of ed.: 26     მათ ქრისტესთა მოსათხრობელ დაფლვისა მის იქმნების. ხოლო გუნდრუკი
Line of ed.: 27     სადიდებელად ღმრთისა მიერ აღკუმეულ. არამედ ყოვლითურთ შეზავებულ
Line of ed.: 28     შემზავებელთა მათ მენელსაცხებელთაჲთა. ხოლო ყოველი ერთად შეკრებულ
Line of ed.: 29     სულნელება ქრისტესა, იგი რომელ მცნებათა და სახარებისაგან ქადაგებულ.
Line of ed.: 30     ამისთჳს ღაღადებით იტყჳს: "მური და გუნდრუკი ყოველთა მიერ
Line of ed.: 31     შემზავებელთა მათ მენელსაცხებელთაჲთა".

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.