TITUS
The Shatberd Codex
Part No. 194
Previous part

Chapter: XXIII  
Page of ed.: 263  
Line of ed.: 16        23.1. მერმე-ცა ღაღადებს: "აჰა დის-წულაკი ჩემი სარკუმლით გამართ ხედავს,
Line of ed.: 17     გარდახედავს სატირით დის-წულაკი ჩემი: მოვედ მახლობელი ჩემი, შუენიერი
Line of ed.: 18     და ტრედი"* ჵ ახლისა მიმოქადაგებისაჲ მის! და მერმე განცხადებულად
Line of ed.: 19     სიწრფოებით ღაღადებს სული იგი: "დისწულაკი ჩემი ჰხედავს გარდამართ
Line of ed.: 20     სარკუმლით"*. ხოლო აწ სარკუმელთა მათ ვიეთსა-მე იტყჳს? მოვედ, წარმოდეგ,
Line of ed.: 21     წინაჲსწარმეტყუელო, წამე და თქუ: "სარკუმელნი განეხუნეს ცათა
Line of ed.: 22     შინა-ო"*. და ვიეთსა-მე იტყჳს სარკუმელს, არამედ წინაჲსწარმეტყუელთასა,
Line of ed.: 23     რომელთა მიერ გამოდუღებულ სიტყუაჲ იგი მიმოდადებულ ამიერ? 23.2. "სარკუმლით
Line of ed.: 24     გამომართ მხედავს და მეტყჳს მე: მოვედ, მახლობელო ჩემო, მოვედ"*.
Line of ed.: 25     ამისთჳს გულისხმის-ყოფილ, რამეთუ ყოველთა წინაჲსწარმეტყუელთა მიერ
Line of ed.: 26     ღაღადებს და იტყჳს: "მომეახლენით მე". მოვედ, წარმოდეგ, ჵ ნეტარო ელია,
Line of ed.: 27     წამე. სამართლად არქუ ისრაჱლსა: "ვიდრემდის არა დასცხრებით კელობით
Line of ed.: 28     ორთა-ვე ფერჴთა ზედა?"* მომეახლე, მოვედ, მახლობელო ჩემო, მოვედ ადრე-ადრე,
Line of ed.: 29     ტრედო ჩემო განსრულებულო, მოვედ -- ამას მოგუასწავებს.

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.