TITUS
The Shatberd Codex
Part No. 171
Previous part

Chapter: XVI  
Page of ed.: 248  
Line of ed.: 33        16.1. მას ჟამსა, ვითარცა იხილა დავითი იონათან, ძემან საულისმან, რამეთუ
Line of ed.: 34     მოაქუნდა ჴელითა თჳსითა თავი უცხოთესლისაჲ მის, შეიყუარა იგი გულსა
Line of ed.: 35     თჳსსა, და განიძარცუა იონათან სამკაული თჳსი და შეასხა დავითს და სარტყელი
Line of ed.: 36     და ჯაჭუჭური თჳსი და მახჳლი და მშჳლდ-კაბარჭი თჳსი. 16.2. სარწმუნო
Line of ed.: 37     არს რაჲ იგი იქმნა. თანა-ედვა ერსა მას რომელთა იგი შჯული იცოდეს,
Line of ed.: 38     მისთჳს რომელი დავითისგან მეუფჱ ქრისტე, რომელმან მათთჳს ღუაწლსა
Line of ed.: 39     სძლო, განძარცუვად მათგან Page of sec. ed.: 30  ყოველი დიდებაჲ მათი და მიცემად მისა რომელისა
Line of ed.: 40     მიერ ეშმაკი განკფნა, სიკუდილი დაეყენა და ისრაჱლი განთავისუფლდა. 16.3. და
Page of ed.: 249   Line of ed.: 1     ეკლესია გალობითა აღორძნდების და გალობასა დიდებითურთ ღმრთისა შესწირავს,
Line of ed.: 2     რამეთუ იტყჳს წერილი იგი: "მიეგებვოდა მძნობარი იგი დავითსა, და
Line of ed.: 3     იტყოდეს: დასცნა საულ ათასეულნი და დავით -- ბევრეულნი". 16.4. ვინ იყვნეს
Line of ed.: 4     რომელნი იგი მიეგებვოდეს, არა თუ ეკლესიანი-ა რომელნი სარწმუნოვებით
Line of ed.: 5     წარმომართებულ არიან და უფალსა მას და მეუფესა აღიარებენ და მისა მიმართ
Line of ed.: 6     ბევრეულსა შესწირვენ? ანუ ვინ იყვნეს ბევრეულნი იგი, არამედ ნათესავნი
Line of ed.: 7     კაცთანი რომელნი არიან ამას სოფელსა მორწმუნენი? ანგელოზთა ბევრეულნი
Line of ed.: 8     ცათა შინა ადიდებენ რომელ იგი ცათა შინა იშვა მეუფჱ, და კაცთაგან
Line of ed.: 9     ბევრეულნი აქებენ ყრმასა მას რომელი იგი დავითისგან იშვა, და სულნი ყოველთა
Line of ed.: 10     წმიდათა მოწამეთანი მოელიან რომელი იგი ზეცით გამოჩნდეს რომელმან
Line of ed.: 11     აღადგინნეს იგინი. 16.5. ხოლო საულს ამისთჳს გული უწყრებოდა რამეთუ ათასეულსა
Line of ed.: 12     მას ხოლო მისცემდეს, და იგი, ვითარცა ესმა, აღიძრა; ხოლო მერმე
Line of ed.: 13     სხუაჲ გოლიადი გამოჩინებულ. მარქუ მე, ჵ საულ, რაჲ ბოროტი ქმნა შენდა
Line of ed.: 14     მიმართ ძემან იესესმან, რომელმან შენი იგი მტერი და ძჳრის-მზრახვალი Page of sec. ed.: 31  მოკლა?
Line of ed.: 15     რაჲსა გშურს მართლისაჲ მის, უკუეთუ ღმრთისაგან იდიდა რაჲ-იგი
Line of ed.: 16     მის მიერ იქმნებოდა, და აწ განჴორციელებული ცათა შინა მამისა თანა იდიდების?
Line of ed.: 17     მეფჱ ხარ ექუსას ათასთა ხოლო ზედა, ხოლო ქრისტჱ ყოველთა დაბადებულთა
Line of ed.: 18     ზედა. მეფე ხარ ქუეყანისა კაცთა ზედა, ხოლო ქრისტე ზეცისათა
Line of ed.: 19     და ქუეყანისათა და ქუესკნელთასა. მეფე ხარ, ვითარცა კაცი საწუთროჲსა
Line of ed.: 20     ჟამთაჲ, ხოლო ქრისტე საუკუნე მეუფჱ და სრული ჰგიეს, აწ და მარადის და
Line of ed.: 21     უკუნითი უკუნისამდე. ამენ.
Page of sec. ed.:  




Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.