TITUS
The Shatberd Codex
Part No. 169
Previous part

Chapter: XIV  
Page of ed.: 247  
Line of ed.: 29        14.1. ესე ვითარცა ესმა მძლავრსა მას გოლიადს, განრისხნა გულის-წყრომითა ვითარცა
Line of ed.: 30     მჴეცი; ქუხდა თჳსისა მის ძალისა მოსავ ყოფილ, და დავით ვითარცა
Line of ed.: 31     ყრმაჲ შეურაცხ-ყო, და ღმერთსა მისსა აყუედრებდა. და თჳსისა თავისა სიკუდილსა Page of sec. ed.: 25 
Line of ed.: 32     არა ჰგონებდა და არცა საშჯელსა ღმრთისასა. მუნქუეს-ვე აღივსო გულის-წყრომითა,
Line of ed.: 33     და მიეტევა დავითის ზედა, თჳსსა მას ჯაჭუჭურსა მოსავ ყოფითა; \
Line of ed.: 34     სწრაფითა რთხმითა აღამაღლებდა ჴორცთა, შესძრვიდა ჯაჭუჭურსა თჳსსა და
Line of ed.: 35     თავსა ყრიდა, უთქუმიდა გულსა შინა, იმუღრობდა ვითარცა ზუარაკი, მუოდა
Line of ed.: 36     ვითარცა ლომი. და აღიპყრა ვიდრე სიმაღლედ თჳსადმდე გუთურფარი თჳსი,
Line of ed.: 37     და აჩუენებდა მარჯუენესა ჴელსა ბრკიალებითა ჰოროლსა მას, და დგა; არა
Line of ed.: 38     ვითარცა კაცისა მიმართ ბრძოლასა ჰყოფდა, არამედ ვითარცა რკინისა ზღუდეთა
Line of ed.: 39     განხეთქად ეგულებოდა; განძჳნდა და ურთიერთას შეჭკერა თჳსი იგი ჯაჭუჭური
Line of ed.: 40     და დგა საშუვალ ბანაკსა მას, და განიხადდა ნეტარსა მას დავითს. 14.2. და
Line of ed.: 41     იყო ხილვაჲ ახალი; ყოველი-ვე ნათესავი უცხოთესლთაჲ დგა მთასა მას Page of sec. ed.: 26  ერთკერძო;
Line of ed.: 42     ჰხედვიდეს გოლიადსა განლაღებულსა, და რაჲ შემთხუევად იყო მისა
Page of ed.: 248   Line of ed.: 1     არა უწყოდეს. ეგრე-ცა საულ და ყოველი ერი მისი დგეს მთასა მას ერთკერძო;
Line of ed.: 2     ჰხედვიდეს იგინი-ცა დავითსა, და არა მცირჱ შიში იყო მათ ზედა, რამეთუ
Line of ed.: 3     ჭაბუკსა კაცსა ჰხედვიდეს უჭურველსა კაცისა მიმართ სრულისა შეუმთხუეველისა;
Line of ed.: 4     ყოველი კაცი იმიერ ამიერ ღუაწლსა მას ჰხედვიდეს; ხოლო მათ
Line of ed.: 5     არა უწყოდეს რაჲ იგი შემთხუევად იყო მისა.
Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.