TITUS
The Shatberd Codex
Part No. 133
Previous part

Chapter: VI  
Page of ed.: 225  
Line of ed.: 7           და მოიღო რებეკა სამოსელი იგი პატიოსანი
Line of ed.: 8     ძისა მისისა პირმშოჲსაჲ შუენიერი, შთააცუა იაკობს, ძესა თჳსსა, და ტყავნი
Line of ed.: 9     იგი თიკნისანი გარდააცუა მკლავთა მისთა*. შთაცუმასა მას სამოსლისასა
Line of ed.: 10     მოგუასწავებს სიტყუასა მას, რომელი-იგი განმზადებულ იყო შთაცუმად ჴორცთა.
Line of ed.: 11     ხოლო შთაცუმაჲ იგი თიკნიერთაჲ მათ მკლავთა მისთა მოგუასწავებს ჩუენ
Line of ed.: 12     ყოველთა ცოდვათა მოტევებასა ზედა ჯუარსა მას ჴელთა განპყრობითა, Ms. page: 143v  
Line of ed.: 13     ვითარცა იტყჳს ესაია: "მან ცოდვანი ჩუენნი თავს-ისხნა და ურჩულოვებანი
Line of ed.: 14     ჩუენნი იტჳრთნა"*. და რომელ-იგი ჰრქუა იაკობ მამასა თჳსსა: "ვქმენ, ვითარცა
Line of ed.: 15     მიბრძანე მე"*, მოგუასწავებს მარადის სიტყჳსა მის დამორჩილებასა
Line of ed.: 16     მამისა თჳსისა მიმართ, ვითარცა ეზეკიელ იტყჳს: "ვყავ, რაჲ-ცა მიბრძანე მე"*.

Page of sec. ed.: 22 
Line of ed.: 17        და ჰრქუა მას ისაკ: "ვინ ხარ შენ?" და მან ჰრქუა მას: "მე ვარ ძჱ იგი
Line of ed.: 18     შენი პირმშოჲ"*. არა თუ უმეცრებით რას ჰკითხვიდა წინაჲსწარმეტყუელი იგი
Line of ed.: 19     იაკობს, არამედ რამეთუ ჰხედვიდა სულიერთა მათ ყოფადთა. არცა ისუ ნავესმან,
Line of ed.: 20     რომელი გაბაონელთა ჰკითხვიდა, უწყოდა მათი, რომელ მათგან მანქანებით
Line of ed.: 21     სიბოროტენი ყოფად იყვნეს, არამედ მეცნიერებითა მიუშუებდა, რაჲთა ნათესავსა
Line of ed.: 22     მას ისუ ნავესსა ჰრწმენეს და ცხოვნდეს. ეგრე-ცა აქა ჯერ არს გულისხმის-ყოფაჲ,
Line of ed.: 23     რამეთუ იტყჳს: "მომეახლე მე და გიხილო შენ, შვილო ჩემო,
Line of ed.: 24     უკუეთუ შენ ხარ ესავ, ძჱ ჩემი, ანუ თუ არა". და ვითარცა მიეახლა, იწყო რევად
Line of ed.: 25     და თქუა: "ჴმაჲ ესე -- ჴმაჲ იაკობისი, ხოლო ჴელნი -- ესავისნი"*. ამას მოგუასწავებს,
Line of ed.: 26     რამეთუ სიტყუაჲ იგი იაკობის მიმართ გამოაცხადებს ზრახვასა მას,
Line of ed.: 27     რომელ-იგი წინაჲსწარმეტყუელთა მიმართ და იგი მათ მიერ წინაჲსწარ გამოაცხადებდა
Line of ed.: 28     ყოფადთა მათთჳს.

Line of ed.: 29        ხოლო ჴელნი მისნი იქმნნეს მსგავს ჴელთა ესავისთა, რამეთუ ერისა მის
Line of ed.: 30     შეცოდებათათჳს სიკუდილდ მიეცა,
Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.