TITUS
The Shatberd Codex
Part No. 131
Previous part

Chapter: IV  
Page of ed.: 224  
Line of ed.: 1        და რებეკა ჰრქუა თჳსსა მას ძესა მრწემსა: "აჰა მესმოდა Ms. page: 142v   მამისა შენისაჲ,
Line of ed.: 2     რამეთუ ეტყოდა ესავს, ძმასა შენსა: "მინადირე მე ნადირი და მიქმენ
Line of ed.: 3     ჭამადი და ვჭამო და გაკურთხო შენ წინაშე უფლისა". აწ ისმინე, შვილო, სიტყუათა
Line of ed.: 4     ჩემთაჲ და მივედ სამწყსოდ და მომგუარენ მე ორნი თიკანნი ჩჩჳლნი
Line of ed.: 5     და უქმნე ჭამადები მისგან, ვითარცა უყ[უ]არს მამასა შენსა და მიუპყარ
Line of ed.: 6     მამასა შენსა, რაჲთა ჭამოს და გაკურთხოს შენ უწინარეს სიკუდილისა თჳსისა"*.
Line of ed.: 7     რებეკა სახედ ეკლესიისა ითქუმის, რომელი წინაჲსწარ გამოაჩინებდა
Line of ed.: 8     ყოფადთა მათთჳს უმრწემესითა მით ძითა. ჰრქუა მას: "მივედ სამწყსოდ და
Line of ed.: 9     მომართუენ მე ორნი თიკანნი ჩჩჳლნი და შუენიერნი". ესავს ველად წარავლინებს,
Line of ed.: 10     რეცათუ სუფევასა შინა მწირობასა გამოაცხადებს, ხოლო იაკობი -- სამწყსოდ,
Line of ed.: 11     რაჲთა აღესრულოს თქუმული იგი უფლისა მიერ, ვითარმედ: "არა
Line of ed.: 12     ვიდრე მოვლინებულ ვარ, გარნა ცხოვართა მათ წარწყმედულთა სახლისა
Line of ed.: 13     ისრაჱლისათა"*. Page of sec. ed.: 16  და რომელ-იგი ჰრქუა მას, ვითარმედ: "მომგუარენ მე
Line of ed.: 14     ორნი თიკანნი ჩჩჳლნი და შუენიერნი", გჳჩუენებს ორსა მას წოდებასა სახარებისასა,
Line of ed.: 15     რომელნი-ესე დასაბამითგან ვითარცა თიკანნი ვიყვენით, რამეთუ
Line of ed.: 16     ყოველნი-ვე ცოდვასა ქუეშე ვიყვენით. ჩჩჳლ და შუენიერ აწ ვიქმნებით
Line of ed.: 17     მორჩილებითა ქრისტეს მიმართ სარწმუნოვებითა განმართლებულ. ამიერითგან
Line of ed.: 18     არა ვითარცა თიკანნი შერაცხილ ვართ, არამედ ვითარცა ცხოვარნი სულნელად
Line of ed.: 19     მსხუერპლად წმიდად ღმრთისა მიმართ შევიწირვით და გამოზრდითა
Line of ed.: 20     სულიერისა მის სიტყჳსა მიმართ განვმტკიცნებით, რომელ-იგი სახარებასა
Line of ed.: 21     შინა მსგავსსა მას აღასრულებდა მოწაფეთა მიმართ, რამეთუ ეტყოდა, ვითარმედ
Line of ed.: 22     "მე ჭამადი იგი მაქუს, რომელ თქუენ არა უწყით"*.
Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.