TITUS
The Shatberd Codex
Part No. 121
Previous part

Chapter: XVII  
Page of ed.: 216  
Line of ed.: 13        და ზაბილოვნს ჰრქუა: იხარებდ, ზაბილონ, აღმოსლვასა შენსა, [იზაქარ --
Line of ed.: 14     კარავთა მათთა; ნათესავნი დაეცნენ]*. და იჩინენით მუნ, შესწირევდით
Line of ed.: 15     შესაწირავთა სიმართლისათა, რაჲთა სიმდიდრჱ ზღჳსაჲ გაწოებდეს
Line of ed.: 16     შენ და შესაძინელნი ვაჭართანი ზღჳს კიდესა დამკჳდრებულნი"*.
Line of ed.: 17     და ზაბილონისთჳს, ვითარცა-იგი იაკობმან აკურთხა, რამეთუ იაკობ იტყჳს:
Line of ed.: 18     "ზაბილონ ზღჳს კიდეს დაემკვიდრენ და განსასუენებელ ნავთა და მისწუდებოდის
Line of ed.: 19     ვიდრე სიდონდმდე"*. ვითარცა ვიხილეთ, რამეთუ ესე კურთხევაჲ Page of sec. ed.: 176 
Line of ed.: 20     იქმნების აწ მორწმუნეთა მიმართ ნათესავთა წოდებითა. უბე ნავთა და განსასუენებელ
Line of ed.: 21     უფალი არს, და ნავ -- ეკლესიანი, რომელნი მძლავრებისა და აღრღუევათაგან
Line of ed.: 22     უცხოთა სულთა ამის სოფლისა განცდითა მიე\ვედრნიან Ms. page: 136v  
Line of ed.: 23     უფალსა, ვითარცა ყუდროსა ნავთ-სადგურსა მიევედრნიან. და მიწდომილ
Line of ed.: 24     ვიდრე სიდონდმდე ქადაგებითა მოციქულთაჲთა, რომელ შორიელთა დამკჳდრებულთა
Line of ed.: 25     ნათესავთა მიწევნულ, ვითარცა საფსალმუნე იტყჳს: "ყოველსა
Line of ed.: 26     ქუეყანასა განჴდა ჴმაჲ მათი და კიდეთა სოფლისა[თა] -- სიტყუანი მათნი".

Line of ed.: 27        მსგავსსა ამისსა მოსე-ცა იტყჳს: "მხიარულ იყავ, ზაბილონ, გამოასავალთა
Line of ed.: 28     შენთა". და გამოსლვათა მათ იტყჳს არა გამოსლვასა მას ეგჳპტით. რამეთუ არა
Line of ed.: 29     ხოლო თუ ზაბილონ გამოვიდა მიერ, არამედ ყოველნი-ვე ნათესავნი. ხოლო
Line of ed.: 30     რომელნი-იგი წოდებულ არიან აწ სახარებასა, განსლვად დგიან ამიერ სოფლით
Line of ed.: 31     სხუად სოფლად. ამას წინაჲსწარ ღაღადებს ქადაგებით წინაჲსწარმეტყუელი
Line of ed.: 32     იგი ყოველთა მიმართ, რომელნი ქრისტეს მოსავ არიან. იტყჳს: "მხიარულ-ყავ
Line of ed.: 33     ზაბილონ, გამოსავალთა შენთა", რამეთუ რომელნი განვლენ ამიერ
Line of ed.: 34     სოფლით წმიდად, მხიარულ არიედ სასოვებითა აღდგომისაჲთა. და რომელნი
Line of ed.: 35     უბეთა მამისათა განსუენებულ არიედ, განურყუნელისა მის საუკუნოჲსა
Line of ed.: 36     დამკჳდრებად სამოთხესა მას ფუფუნებისასა შესლვად.

Line of ed.: 37        სოლომონ იტყჳს: "განმზადენ საქმენი შენნი გამოსავალთა შენთა და
Line of ed.: 38     განვედ ნაყოფთა. და შემომიდეგ კუალსა ჩემსა, და მაღლად აღმართენ სახლნი
Line of ed.: 39     შენნი"*. Page of sec. ed.: 178  ზაბილონი და იზაქარი განაკრძალნა, რაჲთა აჩუენოს ორთა
Line of ed.: 40     მათ შჯულთა განმართლებით აღსლვაჲ ქრისტესა. და ზაბილონ ითარგმანების
Line of ed.: 41     ნიჭ, და იზაქარ -- ნაშრომ.

Page of ed.: 217  
Line of ed.: 1        და რომელნი კეთილად საყურძენსა მას იქმოდეს და ნაყოფი მისი სათნო
Line of ed.: 2     იყოს და ცხორებაჲ მოიღონ, ვითარცა მოქმედთა მათ საყურძნისათა. ხოლო
Line of ed.: 3     ჰრქუა, ვითარმედ: "მიეცით მაგათ ნაშრომი და იწყეთ უკუანაჲსკნელთა მათგან
Line of ed.: 4     ვიდრე პირველთამდე"*.

Line of ed.: 5        "აწ მხიარულ იყავ, ზაბილონ, Ms. page: 137r   გამოსავალთა შენთა. და იზაქარ,
Line of ed.: 6     საყუდელთა თჳსთა*, და საყუდელთა ქალაქთასა იტყჳს, რომელნი დამკჳდრებულ
Line of ed.: 7     არიან წმიდათა ეკლესიათა: "და იჩინებდით მუნ, და შესწირევდით
Line of ed.: 8     შესაწირავთა სიმართლისათა*. და ვის-მე ვხადოდით ჩუენ, არამედ უფალსა
Line of ed.: 9     მას ზეცისასა, და რასა-მე შესაწირავსა შევსწირვიდეთ მისა, არამედ ლოცვასა
Line of ed.: 10     პირისაგან აღვავლინებდეთ?

Line of ed.: 11        "და სიმდიდრჱ ზღჳსაჲ გაწოებდეს შენ". სიმდიდრესა ზღჳსასა გულისხმის-ყოფით
Line of ed.: 12     ნათესავთასა იტყჳს, რომელნი სარწმუნოებით გამოსწოვენ
Line of ed.: 13     ზეცისასა მას სულსა, ვითარცა სძესა. და სარგებელი ვაჭართაჲ -- ზღჳს კიდეთა
Line of ed.: 14     დამკჳდრებულთაჲ. ვაჭართა ზღჳს კიდეთა იტყჳს მათსა, რომელნი-იგი პატიოსანსა
Line of ed.: 15     მარგალიტსა წყალობითა მოიგებენ.

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.