TITUS
The Shatberd Codex
Part No. 114
Previous part

Chapter: X  
Page of ed.: 210  
Line of ed.: 11                       და
Line of ed.: 12     მოსე იტყჳს: "რომელმან ჰრქუას მამასა, გინა დედასა: არა გიცნი თქუენ",
Line of ed.: 13     ამას განცხადებულად სახარებასა შინა უფალი გამოაჩინებს, რომელნი-მე
Line of ed.: 14     წარდგომილ მის წინაშე ეტყოდეს: "აჰა, ესერა მამაჲ და დედაჲ და ძმანი
Line of ed.: 15     შენნი დგანან გარეშე და ჰნებავს ხილვაჲ შენი. ჰრქუა მათ: ვინ არს დედაჲ
Line of ed.: 16     ჩემი, ანუ ვინ არიან ძმანი ჩემნი? არამედ რომელი ჰყოფს ნებასა მამისა ჩემისასა,
Line of ed.: 17     რომელ არს ცათა შინა, იგი არს დედა და ძმა ჩემდა"*. და ამას განცხადებულად Page of sec. ed.: 150 
Line of ed.: 18     წინაჲსწარ სწავლითა ჩუენდა მომართ მჴსნელისა მიერ დაგუამორჩილებს
Line of ed.: 19     ჩუენ დატევებად მშობელთა და ძმათა, რომელნი ჴორციელად
Line of ed.: 20     არიედ, და შედგომად ზეცისა მამასა, რაჲთა ვიყვნეთ ძედ ღმრთის. ამიერითგან
Line of ed.: 21     არღარა ვითარცა ჴორციელნი მომკუდარ, არამედ სულითა ღმრთისაჲთა
Line of ed.: 22     ვჰმსახურებდეთ და ნაშობ ღმრთის ზეცას ვიპოვნეთ. ამისთჳს-ცა მოსე იტყჳს:
Line of ed.: 23     "ძმანი თჳსნი არა იცნნა და ნაშობნი თჳსნი არა გულისხმა-ყვნა"*. ძმათასა
Line of ed.: 24     იტყჳს, რომელნი მსგავსად ჴორციელებით ძმად მისა ჰგონებდეს, ესენი არა
Line of ed.: 25     იცნნა მჴსნელმან, რამეთუ ნანდვილ-ვე [იყვნესვე] არა ძმა, რომელნი-იგი
Line of ed.: 26     იყვნეს იოსებისგან თესლით შობილ, ხოლო იგი ქალწულისაგან და სულისა
Line of ed.: 27     წმიდისა მიერ და იგინი ჰგონებდეს მათსა* მისა ძმად. ხოლო მან არა იცნნა
Line of ed.: 28     იგინი, რამეთუ იტყჳს: "და შჳლნი თჳსნი არა იცნნა". რომელნი-მე შვილნი,
Line of ed.: 29     არამედ ნათესავი იგი ძეთა მათ ისრაჱლისათაჲ, რომელთა თანა-მკჳდრად
Line of ed.: 30     შჯულისა მიერ უწოდა? შესაკრებელ წმიდა, ნათესავ რჩეულ უფროჲს ყოველთა
Line of ed.: 31     ნათესავთა თჳსა საზეპუროდ გამოჩინებითა. არამედ არა გამოჩინებითა
Line of ed.: 32     მისა მიმართ არა იცნნა იგინი, ვითარცა-იგი ესაჲაჲს Ms. page: 132r   მიერ იტყჳს:
Line of ed.: 33     "შვილ ვისხენ, აღვიმაღლენ და მათ მე შეურაცხ-[მ]ყვეს"*.

Line of ed.: 34        აწ მსგავსად ჴორცთა რომელთასა ძმად მისა ჰგონებდეს და მისგან
Line of ed.: 35     ცნობილ იქმნნეს და რომელნი-იგი მკჳდრობად წოდებულ იყვნეს, რამეთუ
Line of ed.: 36     იქმ[ნ]ეს იგინი ნაშობ უშჯულოვების და თესლ უკეთურ, სამართლად განითხინეს
Line of ed.: 37     მისგან. Page of sec. ed.: 152  რასა იტყჳს მოსე: "დაიმარხნეს სიტყუანი შენნი, აღთქუმასა შენსა
Line of ed.: 38     არა გარდაჰჴდეს"*. რომელმან რომლისაჲ დაიმარხნა სიტყუანი? არამედ ძემან
Line of ed.: 39     მხოლომან მამისაჲ, რომელი მოვიდა მამისა შჯულისა აღსრულებად და
Line of ed.: 40     ახალი იგი შჯული თავით თჳსით აღსრულებად ინება. ვითარ-იგი იტყჳს: "არა
Line of ed.: 41     მოვედ ნებისა ჩემისა აღსრულებად, არამედ ნებასა მომავლინებელისა ჩემისა
Line of ed.: 42     მამისასა"*. და მერმე იტყჳს, ვითარმედ: "თავით ჩემით არას ვიქმ, არამედ
Page of ed.: 211   Line of ed.: 1     რომელსა ვხედავ, რასა იქმს მამაჲ ჩემი, მას ვიქმ"*. უკუე და-ვიდრემე-იმარხნა
Line of ed.: 2     მცნებანი მისნი და აღთქუმასა მისსა არა გარდაჰჴდა. ამისთჳს-ცა ზაქარიაჲს
Line of ed.: 3     პირითა იტყჳს მამაჲ:
Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.