TITUS
The Shatberd Codex
Part No. 107
Previous part

Chapter: III  
Page of ed.: 204  
Line of ed.: 8        მას ჟამსა მოსე სულისა მიერ განაწესნა ათორმეტნი იგი ნათესავნი
Line of ed.: 9     ორად ნაწილად. მისცნა კურთხევანი იგი მთასა მას გარიზნსა პირითა ექუსთა
Line of ed.: 10     მათ ნათესავთაჲთა და წყევანი იგი მთასა მას გებალსა პირითა სხუათა მათ
Line of ed.: 11     ექუსთაჲთა. და ამას არა თუ უდებად რას წინაჲსწარ გჳჩუენებს, რამეთუ
Line of ed.: 12     განყვნა ნათესავნი იგი ორად ნაწილად, გამოაჩინნა რომელნი-მე Ms. page: 128r  
Line of ed.: 13     მათგანნი ქრისტეს მიერ კურთხევითა მით მკჳდრ-ყოფად მამათა მათ თჳსთასა
Line of ed.: 14     ახალსა მას შჯულსა მარჯუენით პოვნილ და რომელნი-მე -- ძუელითა მით
Line of ed.: 15     ცთომითა შეპყრობილ თჳსისა მისთჳს ურწმუნოვებისა წყევასა ქუეშე მარცხენით
Line of ed.: 16     ჴელთ-დებულ. ვითარცა მსგავსთა მათ თჳსთა ეტყჳს მჴსნელი: "მას
Line of ed.: 17     ჟამსა ვჰრქუა, რომელნი-იგი მარჯუენით ჩემსა იყვნენ: მოვედით, კურთხეულნო
Line of ed.: 18     მამისა ჩემისანო, და დაიმკჳდრეთ განმზადებული სასუფეველი თქუენთჳს
Line of ed.: 19     დასაბამითგან სოფლისაჲთ. და რომელნი მარცხენით წარვედით ჩემგან,
Line of ed.: 20     წყეულნო, ცეცხლსა მას საუკუნესა, რომელი განჰმზადა მამამან ჩემმან ეშმაკისათჳს
Line of ed.: 21     და მსახურთა მისთა"*. აწ რომელნი სარწმუნოვებით სახელ-სდებენ
Line of ed.: 22     ღმერთსა, აჰა თავთა თჳსთა გამოაჩინებდეს კურთხევასა პირითა თჳსითა
Line of ed.: 23     მოღებულ, რაჲთა ახლისა შჯულისა ნაშობ იყვნენ წმიდისა მის ქუეყანისა.
Line of ed.: 24     რომელ წინაჲსწარ აღუთქუა, თანა-მკჳდრ იპოვნენ და მერმე, რომელნი არათუ
Line of ed.: 25     საქმითა შჯულისაჲთა განმართლებულ და არცა სარწმუნოვებითა მონანულ
Line of ed.: 26     ყოფილ, რაჲთა-მცა ქრისტესა ადიდებდეს, თავნი თჳსნი თანა-მდებ მართლად
Line of ed.: 27     დაშჯილ.

Page of sec. ed.: 126 
Line of ed.: 28        რამეთუ მოსე-ცა წინაჲსწარ თქუა, სწავლითა მით სახესა მას გჳჩუენებს:
Line of ed.: 29     "და ესენი-ცა დადგენ კურთხევათა მათ: სჳმეონ, ლევი, იუდა, ზაბილონ, იოსებ,
Line of ed.: 30     ბენიამენ"*, რომელთა მიერ ქრისტე წინაჲსწარ გამოიხატა, იშვა, და
Line of ed.: 31     განცხადნა, და გურწმენა, და იდიდა, და იოსების მიერ ცნობილ, ლევისგან და
Line of ed.: 32     იუდაჲსგან. ვითარცა მეუფჱ და მღდელი ჴორციელად იშვა. სჳმეონის მიერ
Line of ed.: 33     ტაძარსა მას შინა ცნობილ, რამეთუ თქუა: "აწ განუტევე, უფალო, მონაჲ
Line of ed.: 34     შენი მშჳდობით, რამეთუ იხილეს თუალთა ჩემთა მაცხოვარებაჲ შენი, რომელ
Line of ed.: 35     განჰმზადე წინაშე პირსა ყოვლისა ერისასა. ნათელი გამობრწყინდა წარმართთა
Line of ed.: 36     ზედა და დიდებაჲ ერისა შენისა ისრაჱლისაჲ"* და ზაბილონის
Line of ed.: 37     მიერ ნათესავთა ჰრწმენა, ვითარცა იტყჳს წინაჲსწარმეტყუელი: "ქუეყანაჲ
Line of ed.: 38     ზაბილონისი და ქუეყანაჲ ნეფთალემისი, გზაჲ ზღუასა წიაღ Ms. page: 128v   იორდანესა.
Line of ed.: 39     ერი, რომელ სხდა ბნელსა, იხილეს ნათელი დიდი, და რომელნი სხდეს
Line of ed.: 40     აჩრდილთა სიკუდილისათა, გამოუბრწყინდა მათ ნათელი დიდი"*. და
Line of ed.: 41     ბენიამენ პავლე მოციქულითა ყოველსა სოფელსა იქადაგა და იდიდა. და კჳრვება
Line of ed.: 42     არს წინაჲსწართა მათ-ცა მიერ, რომელ წინაჲსწარ შჯულისა მის სახითა
Line of ed.: 43     აღასრულებდა. ხოლო აწ სულითა ქრისტეს მიერ აღსრულებულ და კურთხევანი
Page of ed.: 205   Line of ed.: 1     მიეცნეს ზედა მთასა მას გარიზნსა, ვითარცა ახლითა შჯულითა Page of sec. ed.: 128  გამორჩეულ,
Line of ed.: 2     რომლისა მიერ ქრისტე განჴორციელებულ სოფელსა გამოუჩნდა
Line of ed.: 3     და მთასა წმიდასა იპოვა.

Line of ed.: 4        ვითარცა ესაია იტყჳს: "უკუანაჲსკნელთა ჟამთა გამოცხადებულ მთაჲ იგი
Line of ed.: 5     უფლისაჲ"*. და წყევანი მთასა მას ზედა გებალსა, რომელთა მათ ჰრქუა-ცა,
Line of ed.: 6     რომელნი-იგი შჯულსა ქუეშე იყვნეს: "წყეულ იყავნ ყოველი, რომელი არა
Line of ed.: 7     დაადგრეს ყოველთა წერილთა წიგნისა შჯულისთა ყოფად მისა"*.
Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.