TITUS
The Shatberd Codex
Part No. 78
Previous part

Chapter: 22  
Page of ed.: 185  
Line of ed.: 29        [კ̂ბ.] კეთილად თქუა უფალმან ჩუენმან იესუ ქრისტემან სახარებასა:
Line of ed.: 30     "ვაჲ, რომელნი მიდგომილ იყვნენ, და რომელთა აქუნდენ ყრმანი ჩჩჳლნი
Line of ed.: 31     ძუძუჲს მწოვარნი მათ დღეთა შინა"*, დავითმან თქუა: "აჰა ესერა უშჯულო[ე]ბასა
Line of ed.: 32     მიუ[დ]გა და ცოდვასა შინა მშვა მე დედამან ჩემმან"*.

Line of ed.: 33        სახის-მეტყუელმან თქუა ორბისათჳს, რამეთუ მაღალთა, ძნელთა
Line of ed.: 34     დაიმკჳდრის კლდეთა Ms. page: 114v  , და თავსა მთათასა. და რაჟამს იმამლის, მივიდის
Line of ed.: 35     ჰინდოეთა. და მოიღის ანთრაკი იგი ნიგუზის-სახჱ მრგუალი პატიოსანი. და
Line of ed.: 36     რაჟამს შეძრის, ანთრაკი იგი იმღერინ და ვითარცა ეჭუანი ოხრინ და ჴმობნ,
Line of ed.: 37     და სალმობა არა მოუჴდის მას ორბსა, დაჯდის და შვის ჴსნილად.

Line of ed.: 38        ეგრე-ცა შენ, კაცო, მი-თუ-უდგენ სულნი შენნი ბოროტსა სალმობასა,
Line of ed.: 39     იძიე გუამისა Page of sec. ed.: 30  შენისათჳს საგონებელი ადვილად საშობელი ანთრაკი, რომელსა
Line of ed.: 40     სხუაჲ ანთრაკი ვერ ესწორების, ანთრაკი გამოუჩინებელი და ადვილად
Page of ed.: 186   Line of ed.: 1     საშობელი. ანთრაკი არს ღმრთის-მშობელი მარიამ, რომელსა აქუნდა ჭეშმარიტი
Line of ed.: 2     პატიოსანი ანთრაკი, მაცხოვარი ჩუენი იესუ ქრისტე, ვითარცა თქუა
Line of ed.: 3     დავით: "ლოდი, რომელ შეურაცხ-ყვეს მაშენებელთა, იგი იქმნა თავ კიდეთა"*.

Line of ed.: 4        შეიწყნარეთ "ლოდი იგი, რომელი გამოსთქდა თჳნიერ ჴელისა კაცთაჲსა"*.
Line of ed.: 5     თუ გრწმენეს, ვითარმედ მარიამისგან იშვა მჴსნელად ცოდვილთათჳს,
Line of ed.: 6     გაქუნდეს სასოვებაჲ კეთილი, ხოლო პირველად საგრაგნელთა შეიხურა
Line of ed.: 7     ჴსნად ცოდვილთა.

Line of ed.: 8        ყოველსა ჟამსა განიხრწენინ და განეშორენ უჩინოთაგან სულთა შენთა
Line of ed.: 9     სიძვაჲ, მრუშებაჲ, თავ-ჴედებაჲ, ვეცხლის-მოყუარებაჲ. და რაჟამს დაითმინო
Line of ed.: 10     ყოვლისაგან, მას ჟამსა მიუდგე სიტყუასა ზეცისასა, ვითარცა ესაია წინაჲსწარმეტყუელმან
Line of ed.: 11     თქუა: "სასტიკებითა და შიშითა შენითა მიუდეგით და ვშევით
Line of ed.: 12     სული მაცხოვარებისა შენისაჲ*. ძუელთა მათ მცნებათა აქუნდა შინაგანი
Line of ed.: 13     ზრახვაჲ, რომელი გამოაჩინებს გამოუჩინებელსა მჴსნელსა ჩუენსა იესუ
Line of ed.: 14     ქრისტესა, რამეთუ დაეფარა მჴსნელი ჩუენი ცრუთა ებრაელთაგან და გამოგჳჩნდა
Line of ed.: 15     ჩუენ, რომელნი ვსხედით ოდეს-მე Page of sec. ed.: 31  ბნელსა და აჩრდილთა სიკუდილისათა.

Line of ed.: 16        უკუე კეთილად სამე თქუა სახის-მეტყუელმან ორბისათჳს.

Line of ed.: 17        ქვითა მოკლა დავით გოლიადი; Ms. page: 115r   ორნი ქვანი შემწე-ეყვნეს მას, და
Line of ed.: 18     აჰრონ -- მოსესა, რაჟამს მოსრვიდა ამალეკსა.

Line of ed.: 19        ორბისა არცა სადგურ არნ, არცა ბუდე.

Line of ed.: 20        ეგრე-ცა ჩუენ მრავალთა ღმერთთა მაშინ სადა-მე ვჰმონებდით და უცბებასა
Line of ed.: 21     შინა ვიყვენით და მრავალსა ჭირსა კერპთ-მსახურებ[ის]ასა. ხოლო ვინაჲთგან
Line of ed.: 22     მოვიდა და მოიწია ჩუენ ზედა მადლი იგი უფლისა ჩუენისა იესუ
Line of ed.: 23     ქრისტჱსი შეწყნარებად მცნებაჲ მისი, რაჲთა ვცხოვნდეთ მის მიერ.

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.