TITUS
The Shatberd Codex
Part No. 52
Previous part

Chapter: B_8  
Ms. page: 86v  
Page of ed.: 155  
Line of ed.: 1  
ჱ̂. თუალი აკატი


Line of ed.: 2        მერვე თუალი -- აკატი, რომელ არს მეორესა მას რიცხუსა თჳსსა, მესამესა
Line of ed.: 3     მას განწესებულსა ფიცრისასა. და კეთილად დაიწერა ამას ზედა სახელი
Line of ed.: 4     ასერისი. და არს ესე შემდგომ შობითა ძეთა მათ ისრაჱლისათა. და ითარგმანების
Line of ed.: 5     სახელი ასტერისი -- სიმდიდრჱ. და კურთხევათა მათ შვილთა თჳსთასა
Line of ed.: 6     განწესებულად იტყჳს: ასერ, შენ იყო სავსებასა შინა და სიპოხესა იფქლისასა
Line of ed.: 7     და შენგან იზარდენ ყოველნი ჴელმწიფებანი ისრაჱლისანი*. რამეთუ იყვნეს
Line of ed.: 8     ადგილნი სამკჳდრებელისა მისისანი ნაყოფიერ და სავსება. და იქმოდა
Line of ed.: 9     თჳსსა მას სავსებასა და მისცემდა არესა ნაყოფიერებისა სიმრავლისასა. და
Line of ed.: 10     შემძლებელ Page of sec. ed.: 57  იყო მეუფეთა და ჴელმწიფეთა მის სოფლისათა გამოზრდად.
Line of ed.: 11     ვითარცა წინაჲსწარ ვთქუთ თითოვეულად მათისა მის სახისა ათორმეტთა
Line of ed.: 12     მათ ნათესავთა ძეთა ისრაჱლისათა, ნათესავი იგი ასერისი იყო მეცნიერ
Line of ed.: 13     საქმისა და ქუეყანისა შრომისა და განაძღებდეს საჴმარსა ყოველთასა. და არს
Line of ed.: 14     ფერი თუალისაჲ მის ესე თავადი, რომელ არს აკატი, ლომის ფერ. არა მეწამულ
Line of ed.: 15     არს თუალი იგი, არცა მწუანის ფერ, არამედ მიწის ფერ მომწითურე.
Line of ed.: 16     პოხილ არს და არა მქჳშროვან. ესე მიწაჲ არს, რომელი ძარღოვან და ძლიერ
Line of ed.: 17     და მრავალსა ნაყოფიერებასა გამოიღებს. და არა არს თესლის დამღუარველ
Line of ed.: 18     და მოიქმნ ადგილთა მრავალთა. და აღავსებნ ნოყიერებით მეუფეთა და
Line of ed.: 19     ერთა მათთა.

Line of ed.: 20        ნანდჳლ-ვე კეთილად გამოქანდაკებულ გარე-მოწერილი თუალისაჲ მის,
Line of ed.: 21     რომელსა აღეღო და აქუნდა სახელი Ms. page: 87r   ასერისი, რომელ არს ლომის ფერ
Line of ed.: 22     ხილვაჲ თუალისა მის ფერისაჲ, რამეთუ საუფლო ითქუმის. და სცნა, სადა-მე
Line of ed.: 23     ამსგავსებს მას გუელსა დადარანებულსა და სადა-მე იტყჳს, ვითარმედ ვლდომად
Line of ed.: 24     იწყოს, ვითარცა ლომმან. რამეთუ ესრჱთ იტყჳს მოსე მისთჳს, ვითარმედ:
Line of ed.: 25     დან ვლდომად იწყოს, ვითარცა ლომმან ბასაანით*. ნანდჳლ-ვე
Line of ed.: 26     დასაკჳრვებელ ფერი თუალისაჲ მის მსგავსებულ არს ფერსა ლომისასა, რამეთუ
Line of ed.: 27     შემსგავსებულად ძალისა თჳსისა ერქუმის ლომ და სიძლიერისა მძლავრებისა
Line of ed.: 28     მისისა და გულის-ა მისისა მრისხანებისა ყოველთა ზედა. ეგრე-ცა ყოველი
Line of ed.: 29     ძალი სიმდიდრისაჲ მის ასერისი, რომლისა გამო იყვნეს საზრდელნი და საჭმელნი,
Line of ed.: 30     სიმდიდრენი და ძლიერებანი მეუფეთანი და ყოველთა პეტთა
Line of ed.: 31     მღდელთ-მოძღუართაჲ და მღდელთაჲ და საზრდელ და სიმდიდრე ტაძრისა მის
Line of ed.: 32     უფლისაჲსა, შრომითა და ნაყოფიერებითა Page of sec. ed.: 58  ასერისითა გამოიზარდებოდეს ყოველნი.
Line of ed.: 33     და ფერი თუალისაჲ მის მსგავს არს ფერსა ლომისასა.
Line of ed.: 34     მოასწავებდა ცვალებასა მას შჯულისასა, რომელ გამოჩნდა ქადაგებასა
Line of ed.: 35     მას სახარებისასა მომადლებითა ჴელითა მოციქულთაჲთა, რომლისათჳს
Line of ed.: 36     საფსალმუნეთა შინა დავითი მოციქულთა მათ შვილ ღმრთისა იტყჳს. რამეთუ
Line of ed.: 37     თქუა ესრეთ: "შესწირევდით უფლისა შვილნი ღმრთისანი" და მერმე იტყჳს:
Line of ed.: 38     "შესწირევდით უფლისა შვილთა ვერძთასა"* ტომნი და ნათესავნი და
Line of ed.: 39     მერმე იტყჳს: "ცხოვნდეს და მოეცეს მას ოქროჲსა მისგან არაბიაჲსა"*,
Page of ed.: 156   Line of ed.: 1     რომელ გამოჩნდა აღდგომასა მას უფლისასა, რაჟამს თავს-იდვა ვნებაჲ იგი
Line of ed.: 2     და აღდგა. და მოეცა მას ოქროჲ იგი გამოცდილი, რომელნი განცადნა და
Line of ed.: 3     განწმიდნა და ყვნა სამკაულ თჳსისა მეუფებისა. Ms. page: 87v   რომელ იქმნა პირველ
Line of ed.: 4     განმანათლებელ არაბიაჲთ კერძო და მიიწია დამორჩილებით მეუფებისა
Line of ed.: 5     ღმრთისა[ჲ]სა და რომელსა-იგი იტყჳს "მეუფეთა არაბიაჲსათა ძღუენი
Line of ed.: 6     მოართუან მას"*. იყო რომელი-მე აღესრულა მოგუთა მათ მიერ, რომელნი-იგი
Line of ed.: 7     მოვიდეს და მოართუეს ძღუენი, თავყუანის-სცეს უფალსა*, და რომელი-მე
Line of ed.: 8     აღესრულა ჴელითა საჭურისისა მის კანდაკჱს დედოფლისაჲთა*, და
Line of ed.: 9     მერმე უმეტჱს ჴელითა პავლჱს მოციქულისაჲთა "რომელი-იგი წარვიდა
Line of ed.: 10     დამასკედ და მივიდა პირველ არაბიაჲთ კერძო"* და ქადაგებდა მუნ სამ წელ
Line of ed.: 11     ოდენ და განანათლნა სიტყჳთა მით სახარებისაჲთა. შემდგომად სამისა წლისა
Line of ed.: 12     აღვიდა იერუსალჱმდ*, რაჲთა სიძესა თანა მავალმან მან მოციქულმან
Line of ed.: 13     სარწმუნოვებაჲ არაბიაჲსათაჲ და საბაჲსათაჲ მიართუან ძღუნად, რამეთუ
Line of ed.: 14     მსგავსად შჯულისა მის ითქუმოდა Page of sec. ed.: 59  სიძედ, რომლისა სახელი დაწერილ იყო
Line of ed.: 15     თუალსა მას ზედა, რომელ იყო სამკაულ მღდელისა მის, რამეთუ ესე არს
Line of ed.: 16     ასერ. სიმდიდრჱ მეუფისა მის ხილვაჲ შუენიერი, რომელ არს თუალი აკატი.
Line of ed.: 17     გამოვთქუათ ამისთჳს ახლისა შჯულისაგან-ცა, რამეთუ წერილ არს მუნ-ვე ქებათა
Line of ed.: 18     მათ შინა ასერისთა. და იტყჳს: მიიცვალოს შენდა სიმდიდრჱ წარმართთაჲ*.
Line of ed.: 19     ნანდჳლ-ვე გარდამოიცვალნეს ესევითარსა წმიდასა სასოვებასა ღმრთისასა
Line of ed.: 20     წარმართნი და მოუღებიეს ძალი ლომთაჲ და სიმდიდრჱ ასერისი, რომელნი
Line of ed.: 21     ოდეს-მე მჴდომ იყვნეს და განდგომილებით განძლიერებულ. და ურჩებითა
Line of ed.: 22     შიში უფლისაჲ განიშოვრეს და წარმდებ უგუნურებითა იყვნეს ჴელმწიფებასა
Line of ed.: 23     ქუეშე ეშმაკისასა. ხოლო ვინაჲთგან მოიქცეს, დაემორჩილნეს
Line of ed.: 24     ბრძანებასა მას ღმრთისასა Ms. page: 88r   და შევიდეს სახლსა უფლისასა, რომელ არს
Line of ed.: 25     ესე განდგომილებისა. და ძალისაგან წარმართობისაჲსა წარმოაჩინეს ძალი,
Line of ed.: 26     რომელ აქუნდა, უგუნურებისაგან გამოჴდეს და განმრავლდეს სიბრძნით ძლიერებასა
Line of ed.: 27     სარწმუნოვებისასა და მადლითა ზეცისა მის მეუფისაჲთა და ბუნებითა
Line of ed.: 28     ქალწულისა მის ღირსებისაჲთა, რამეთუ ძალითა სულისა წმიდისაჲთა
Line of ed.: 29     დიდებულად განძლიერდა. ჰხედავ-ა, რაოდენნი ძლიერებანი არიან და
Line of ed.: 30     გამოგუეცხადნეს ჩუენ ძუელთა და ახალთა შჯულთაგან მოსწავებითა თუალისა
Line of ed.: 31     ამის პატიოსნისა გამო, რომელსა ზედა დასაბამ დაწერილ იქმნა სახელები
Line of ed.: 32     ნათესავთაჲ მათ და სრულ იქმნა იგავად სულიერთა?

Line of ed.: 33        იტყჳს მერმე საკურნებელად თუალისასა მას, ვითარმედ ნალესავმან
Line of ed.: 34     მისმან განკურნის გესლი ასპიტთაჲ და იქედნეთაჲ და ღრიაკალთაჲ. Page of sec. ed.: 60  ეგრე-ცა
Line of ed.: 35     ღმერთმან მოხედის მსხუერპლთა და ლოცვასა და ვედრებასა წინანდელთა
Line of ed.: 36     მათ მართალთა წინამძღუართა და მეუფეთასა. და მიმადლებულ მათა თჳსისა
Line of ed.: 37     მისგან ძლიერებისა დაჰლეწვიდეს და დასთრგუნვიდეს ყოველთა ერთა წარმართთა
Line of ed.: 38     და მჴდომთა.

Line of ed.: 39        წარმოვიღოთ მერმე-ცა ახალთა შჯულთაგან, რაჟამს მოციქულთა მათ
Line of ed.: 40     განაწესნეს მსახურნი, რომელნი ზრდიდეს გლახაკთა და ქურივთა და თჳთ
Page of ed.: 157   Line of ed.: 1     თავთა თჳსთა-ცა შესწირვიდეს მსხუერპლად. და დიდითა გულს-მოდგინებითა
Line of ed.: 2     მიეცა მათ ძალი კურნებათაჲ მადლთა მიერ ღმრთისათა. რამეთუ იტყჳს-ცა
Line of ed.: 3     ესრჱთ: აჰა ეგერა მიგეც თქუენ ჴელმწიფებაჲ დატკებნად გუელთა და
Line of ed.: 4     ღრიაკალთა და დათრგუნვად ძალისა მის მტერისაჲსა და თქუენდა ვერაჲ
Line of ed.: 5     Ms. page: 88v   შემძლებელ იყოს ვნებად.

Line of ed.: 6        ნანდჳლ-ვე დიდი ძლიერებაჲ აქუს თუალსა მას აკატსა, რომელსა ზედა
Line of ed.: 7     დაიწერა სახელი ასერისი, რომლისაგან გამოისახა თხრობაჲ ძუელთა შჯულთაჲ
Line of ed.: 8     და სულიერითა მით სახითა განსავსე და განსრულებულ იქმნა ეკლესიაჲ
Line of ed.: 9     ღმრთისაჲ.



Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.